1 Korintinkoolu 12:18 - Mandinka Bible

¹⁸ Bari saayiŋ, Alla ye suufoolu meŋ-wo-meŋ ke baloo bala le ko a lafita a la ñaameŋ.

1 Korintinkoolu 12:18 Mawu Ofanana

Jabuuroolu 110:3

Luŋo meŋ na keloo wulita, i la moolu be wakiili la le. Komeŋ soomandaa juuna komboo, i la fondinkewolu be naa i kaŋ ne faramansoo niŋ seneyaa kono.

Jabuuroolu 135:6

Meŋ diyaata Yaawe ye, a ka wo le ke, Arijana niŋ duniyaa kono, fankaasoolu niŋ diinoŋolu kono.

Yesaya 46:10

“Kuwolu koolaa be ke la meŋ ti, ŋa a fo ali ye le kabiriŋ. Koomanto ŋa a fo ali ye le, meŋ be naa ke la. N ko, n na feeroolu te tiñaa la, n lafita feŋ-wo-feŋ na, m be wo le ke la.

Yunusa 1:14

Wo to le ì kumboota Yaawe ye ko, “Hee Yaawe, kana ntolu bee faa ñiŋ moo kiliŋo dammaa la saayaa kamma la. Kana m̀ muta kuu la ka moo faa, meŋ maŋ kuu jawu ke, kaatu ite, hee Yaawe, meŋ diyaata i ye, i ka wo le ke.”

Luka 10:21

Wo waatoo la, Yeesu seewoota Noora Kuliŋo kono, a ko, “M Faamaa, saŋo niŋ bankoo Maariyo, ŋa i jayi, kaatu i ye ñiŋ kuwolu maabo moo ñaamendiŋolu niŋ londitiyolu ma le, i naata ì yitandi dindiŋ mereŋolu la. Tooñaa, m Faamaa, ñiŋ ne beteyaata i fee.

Luka 12:32

Kafundiŋo, ali kana sila! A mu ali Faamaa ye seewoo le ti ka a la mansabaayaa dii ali la.

Roomankoolu 12:3

Alla ye hiinoo meŋ yita nte la, wo hiinoo le ye a tinna m be ali bee daani kaŋ: Ali kana ali faŋolu la kuwo landatambindi, bari ali si ali faŋolu kaañaŋ, meŋ-wo-meŋ ko ali la lannoo be ñaameŋ, Alla ye meŋ dii ali la.

Roomankoolu 12:6

Wo kamma la soorifeŋolu, ŋà mennu soto, ì maŋ ke kiliŋ ti, bari ì be dendiŋ Alla la hiinoo le la. Ǹ si ì dookundi a ñaama: Niŋ i la soorifeŋo mu ka Alla la kiilaariyaa kumoo fo, a fo ko i la lannoo be ñaameŋ.

1 Korintinkoolu 12:11

Ñiŋ soorifeŋolu bee mu wo Noora kiliŋo la dookuwo le ti, aduŋ a lafita a la ñaameŋ, a ka a dii moo-wo-moo la wo le ñaama.

1 Korintinkoolu 12:17

Niŋ baloo bee mu ñaa le ti, moyiroo be ke la niŋ muŋ ne la? Niŋ baloo bee mu tuloo le ti, i be feŋo seeroo taa la muŋ ne la?

1 Korintinkoolu 12:19

Niŋ ì bee mu suufu kiliŋ ne ti, wo to baloo be tara la mintoo le?

1 Korintinkoolu 12:24

Suufoolu mennu ñiiñaata, wolu maŋ suula wo la. Bari Alla ye baloo kafu ñoo ma teŋ ne, fo a si horoma baa dii suufoolu la, mennu mutata kummaayaabaloo ti.

1 Korintinkoolu 12:28

Alla ye kiilaalu* le foloo tomboŋ Yeesu la kafoo kono, fulanjaŋo kiilaariyaa kumafolaalu, sabanjaŋo karandirilaalu, wo koolaa moolu mennu ka kaawakuwolu ke, moolu mennu ka kendeyandiroo ke, maakoyirilaalu, maralilaalu, ì niŋ mennu ka diyaamu kaŋ koteŋolu la.

1 Korintinkoolu 15:38

Alla le ka baloo dii a la ko a lafita a la ñaameŋ. Kese-wo-kese niŋ a fansuŋ muluŋo le mu, ko Alla lafita a la ñaameŋ nuŋ.

1 Korintinkoolu 3:5

Apollos mu jumaa le ti? Pawulu mu jumaa le ti? Dookuulaalu le mu ì ti, mennu ye ali naati lannoo to, aduŋ ì meŋ-wo-meŋ ye a ke le ko, Maariyo ye a dii ì la ñaameŋ.

Efesusinkoolu 1:5

a ye ǹ tomboŋ ne biriŋ waati jaŋ ka ke a diŋolu ti ka bo niŋ Yeesu Kiristu la. A ye ñiŋ ke ka bo niŋ a faŋo la natoo le la,

Efesusinkoolu 1:9

a ye a la lafoo lankenema ǹ ye, meŋ be maaboriŋ kulloo kono nuŋ. Feeroo, a ye meŋ siti ka bo niŋ Kiristu la, a ye wo ke ka bo niŋ a la natoo le la,

Lankenemoo 4:11

“M̀ Maarii, ite le jarita tenturoo niŋ jayiroo la. Ǹ na Alla, horomoo niŋ semboo be ite le ye. Kaatu ite le ye feŋolu bee daa, daaroo bee naata soto i la lafoo le kaŋ.”