1 Korintinkoolu 10:10 - Mandinka Bible

¹⁰ Ali ǹ kana ŋunuŋunu ko ì doolu ŋunuŋunuta ñaameŋ, meŋ ye a tinna saayaa malaayikoo ye kasaaroo laa ì kaŋ.

1 Korintinkoolu 10:10 Mawu Ofanana

2 Samuweli 24:16

Kabiriŋ malaayikoo ye a buloo saba, ka Yerusalaamu kasaara, Yaawe balafaata jankari jawoo kuwo kamma la, aduŋ a ko malaayikoo ye ko, “A kaañanta. A tu jee.” Wo waatoo Yaawe la malaayikoo tarata Arawuna Yebusinkoo la toñonkari dulaa le to.

1 Taarika 21:15

Alla ye malaayikoo kii, ka Yerusalaamu kasaara. Biriŋ a ye a dati ka jee kasaara, Yaawe balafaata, a ko a ye ko, “A kaañanta. A tu jee.” Wo waatoo Yaawe la malaayikoo tarata Arawuna Yebusinkoo la toñonkari dulaa le to.

2 Taarika 32:21

Bituŋ Yaawe ye a la malaayikoo kii naŋ, a ye kelejawara baalu, kelediŋ kuntiyolu aniŋ kelediŋolu bee faa Asiriya mansa la daakaa to. Bituŋ a niŋ maloo muruta a la bankoo kaŋ. Biriŋ a taata a la jalambuŋo to, a faŋo diŋ doolu ye a faa hawusaroo* la.

Jabuuroolu 106:25

Ì tarata ŋunuŋunu la ì la tiriliisoolu* kono le, aduŋ ì maŋ Yaawe la kumoo muta.

2 Musa 12:23

Niŋ Yaawe be tambi la bankoo kaŋ, ka taa Misirankoolu faa, a ye yeloo je bundaa meŋ santo niŋ a kaadaroolu bala, a be tambi la wo bundaa la le. A te soŋ na saayaa malaayikoo ye duŋ wo buŋo kono, ka ali faa.

2 Musa 15:24

Moolu woosiita Musa ye ko, “M̀ be muŋ ne miŋ na?”

4 Musa 14:2

Banisirayilankoolu bee le woosiita Musa niŋ Haaruna ye, jamaa moo bee le ko ì ye ko, “Hani niŋ a ye a tara m̀ faata Misira le, waraŋ keñewuloo* kono wo le fisiyaata.

4 Musa 16:11

Ite Kora niŋ i la kafoo moolu, ali benta Yaawe le kamma ka a sooki. Jumaa le mu Haaruna ti, fo ali be woosii la a ma?”

4 Musa 16:41

Wo saamoo Banisirayila jamaa moo bee woosiita Musa niŋ Haaruna ma. Ì kumata ì ye ko, “Alitolu le ye Yaawe la moolu faa.”

4 Musa 17:10

Yaawe ko Musa ye ko, “Haaruna la dokoo murundi Tiriliisoo kono Kambeŋ Kunewo ñaatiliŋo la, a ye tara maaboriŋ jee ka ke balannaalu ye taamanseeroo ti. Ì la taroo woosii la m ma, ñiŋ ne be a daŋ na, i si a je ì te faa la.”

4 Musa 17:5

Ŋa meŋ tomboŋ, wo maarii la dokoo be jamboolu soroŋ na le, aduŋ m be Banisirayilankoolu la ñiŋ waati-wo-waati woosiyo ali ma bee daŋ na le.”

Kiilaalu 12:23

Wo loo niŋ baroo teema Maariyo la malaayikoo ye a busa, kaatu a maŋ horomoo dii Alla la. Tumboolu naata a domo, fo a faata.

Filipinkoolu 2:14

Ali kana feŋ ke ŋunuŋunoo kono, waraŋ ñoo soosoo,

Hiburunkoolu 11:28

Ka bo niŋ lannoo le la, a ye Maariyo Tambi Tumoo Juuraloo* londi, a ye yaamaroo dii ka yeloo sariŋ-sariŋ fo saayaa malaayikoo kana Banisirayilankoolu la konoñaa foloolu maa.

Yuuda 1:16

Ñiŋ moolu mu ŋunuŋunulaalu le ti, mennu ka tu doolu tuumi la. Ì ka ì fansuŋ niidiyaa kuwolu le nooma. Ì buka i dahaa kibiroo la ì faŋolu la kuwo to, aduŋ niŋ ì ye moo doolu jayi, ì ka a ke ì faŋolu la nafaa le kamma.

Lankenemoo 16:1

Bituŋ ŋa sari baa moyi naŋ Alla Batudulaa Buŋo* kono, meŋ ko malaayika woorowuloo ye ko, “Ali taa, ali ye Alla la kamfaa baa booli woorowuloo boŋ duniyaa kaŋ.”