1 Korintinkoolu 1:29 - Mandinka Bible

²⁹ Wo to moo-wo-moo le te kibiri noo la a ñaatiliŋo la.

1 Korintinkoolu 1:29 Mawu Ofanana

Jabuuroolu 49:6

Ì be jikiriŋ ì la naafuloolu le la, ì ka kibiri ì la soto baa la.

Yesaya 10:15

Bari, fo teeraŋo si a faŋo sikandi noo a maarii bulu, meŋ ka a sawundi, waraŋ seeroo ye a faŋo kibirindi a maarii ye, meŋ ka dookuwo ke a la? Fo dokoo si moo firifiri meŋ ye a sika, waraŋ babara kuntoo ye moo finjaŋ-finjaŋ?

Yeremiya 9:23

Yaawe ye ñiŋ ne fo ko: “Moo ñaamendiŋ kana kibiri a la ñaameŋo la, sako moo bambandiŋ si kibiri a la bambaŋo la, waraŋ naafulutii si kibiri a la naafuloo la.

Roomankoolu 15:17

Wo to, baawo m be sabatiriŋ Kiristu Yeesu kono le, ŋa siloo soto le ka ŋaañaa Alla la ñiŋ dookuwo to.

Roomankoolu 3:19

Ŋà a loŋ ne ko, Musa la Luwaa* ye feŋ-wo-feŋ fo, a ye a fo moolu le ye, mennu be Luwaa koto, fo moo-wo-moo daa si muta, aduŋ duniyaa bee si tara Alla la kiitiyo koto.

Roomankoolu 3:27

Wo to, fo ǹ si kibiri noo feŋ na baŋ? Hanii, wo te ke noo la muk! Wo to, ǹ naata ñiŋ soto ñaadii le? Fo ŋà a soto baara bete kewo le la baŋ? Hanii, bari ǹ na lannoo!

Roomankoolu 4:2

Niŋ Iburayima la kebaaroolu ye a tilindi nuŋ, wo to a ye feŋ soto le, a be kibiri la meŋ na, bari a te kibiri noo la Alla ñaatiliŋo la.

1 Korintinkoolu 1:31

Wo kamma la a si ke ko a be safeeriŋ ñaameŋ: “Niŋ meŋ be kibiri la, a si kibiri Maariyo la kuwo la.”

1 Korintinkoolu 4:7

Jumaa le ye ite niŋ moo koteŋolu fatandi? Ite ye muŋ ne soto, meŋ maŋ ke soorifeŋo ti? Bari niŋ soorifeŋo le mu, muŋ ne ye a tinna i ka kibiri ko niŋ a maŋ ke soorifeŋo ti?

1 Korintinkoolu 5:6

Ali la kibiroo maŋ beteyaa. Fo ali maŋ a loŋ ko, leweñindiŋ ne ka fariñoo bee selendi?

Efesusinkoolu 2:9

Kiisoo maŋ naa ka bo niŋ ali la baara bete kewo la, fo moo kana kibiri noo.