1 Korintinkoolu 1:28 - Mandinka Bible

²⁸ Meŋ mu feŋ nafantaŋo ti, waraŋ jutunna feŋo, duniyaa moolu maŋ meŋ muta feŋ ti, Alla ye wo le tomboŋ, fo ì ye meŋ muta feŋ ti, wo si ke kenseŋo ti.

1 Korintinkoolu 1:28 Mawu Ofanana

Yuuba 34:24

Ate le ka sembetii baalu la semboo janjaŋ, a maŋ hani ì la kuwo kisikisi. A ye naa doolu seyindi ì noolu to.

Jabuuroolu 32:10

Moo kuruŋo niŋ kooroo jamaa le mu, bari meŋ dankeneyaata Yaawe la, wo ka tara tankariŋ a la kanu bambaloo le kono.

Yesaya 2:11

Faŋ wara moolu la kuwo be jindi la le, aduŋ faŋ sikandilaalu be dooyandi la le. Wo luŋo la, Yaawe dammaa le be sikandi la.

Yesaya 2:17

Faŋ wara moolu be dooyandi la le, aduŋ faŋ sikandilaalu be jindi la le. Wo luŋo la Yaawe dammaa le be sikandi la.

Yesaya 37:36

Wo to le Yaawe la malaayikoo taata, a ye kee wuli keme, wuli taŋ seyi, aniŋ wuli luulu faa Asiriyankoolu la daakaa kono. Kabiriŋ fanoo keta, ì furewolu tarata laariŋ jee le.

Yesaya 41:12

Ali be ali jawoolu ñini la le, bari ali te ì je la. Kele kurukurulaalu ali kamma te feŋ nafaa la kotenke.

Roomankoolu 4:17

ko a be safeeriŋ ñaameŋ ko: “Ŋa i ke nasiyoŋ jamaa le faamaa ti.” Ñiŋ mu Alla le la kumoo ti, Iburayima laata meŋ na. Ate ka baluwo dii furewolu la le, aduŋ niŋ a ye yaamaroo dii, feŋolu mennu maŋ tara keriŋ nuŋ, ì ka ke le.

1 Korintinkoolu 1:20

Kee ñaamendiŋolu lee? Luwaa karammoolu* lee? Ñiŋ jamaanoo diyaamunoolaalu lee? Fo Alla maŋ ñiŋ duniyaa ñaameŋo ke tooleeyaa le ti baŋ?

1 Korintinkoolu 2:6

Bari hani wo, ntolu ka diyaamu niŋ ñaameŋo le la moolu ye, mennu menta Nooroo kono fokabaŋ, bari m̀ buka a ke niŋ ñiŋ duniyaa niŋ a maralilaalu la ñaameŋo la, mennu bee ka naa baŋ.

2 Korintinkoolu 12:11

Nte naata ke toolewo le ti, bari alitolu mennu ñanta n jayi la, alitolu le ye n dundi ñiŋ tooleeyaa kono. N na kuwo si dooyaa ñaa-wo-ñaa, a warata wo kiilaa baalu taa ti le!

5 Musa 28:63

Aduŋ ko a keta Yaawe ye seewoo ti ñaameŋ ka ali so firiŋo la aniŋ ka ali yaatewo siyandi, wo ñaa kiliŋo la, a be ke la a ye seewoo le ti ka mantooroo jurumi ali kaŋ ka ali kasaara. A si naa ali wutundi ka ali bondi bankoo kaŋ, ali be naa duŋ na daameŋ ka ke ali taa ti.

2 Tesalonikankoolu 2:8

Wo koolaa le, wo Luwaantaŋo be finti la moolu kaŋ, aduŋ m̀ Maarii Yeesu be a faa la niŋ a daa foñoo le la, a be a kasaara la a la naa semboo niŋ waroo le la.

Hiburunkoolu 2:14

Baawo ñiŋ diŋolu ye balajaatoo niŋ yeloo soto le, Yeesu faŋo naata ke hadamadiŋo ti ko itolu. Wo keta le, fo ka bo niŋ a la saayaa la, a si Ibiliisa kasaara noo, saayaa semboo be meŋ bulu.

Lankenemoo 18:17

bari waati kiliŋ doroŋ, wo fankoo bee kasaarata.” Aduŋ kuluntiyolu, kuluŋ borindilaalu, kulunkono dookuulaalu, aniŋ moolu mennu bee ka safaaroo ke fankaasoo kono taariŋ, ì te haañi la ka sutiyaa a la. Ì ye a hayinaŋ dulaa jaŋ,