Numeri 9:5 - Mawu a Mulungu mu Chichewa Chalero

⁵ ndipo anachitadi Paskayo mʼchipululu cha Sinai madzulo a tsiku la 14 la mwezi woyamba. Aisraeli anachita zonse monga momwe Yehova analamulira Mose.

Buku Lopatulika

⁵ Ndipo anachita Paska mwezi woyamba, tsiku lakhumi ndi chinai la mweziwo, madzulo m'chipululu cha Sinai; monga mwa zonse Yehova adauza Mose, momwemo ana a Israele anachita.

Chichewa Buku Lopatulika Bible 2014

⁵ Ndipo anachita Paska mwezi woyamba, tsiku lakhumi ndi chinai la mweziwo, madzulo m'chipululu cha Sinai; monga mwa zonse Yehova adauza Mose, momwemo ana a Israele anachita.

Buku Loyera Catholic Edition - Chichewa

⁵ Ndipo Aisraele adachita Paska pa mwezi woyamba pa tsiku la 14, madzulo ake, m'chipululu cha Sinai. Adachita Paska monga momwe Chauta adaalamulira Mose.

Numeri 9:5 Mawu Ofanana

Genesis 6:22

Nowa anachita zonse monga Mulungu anamulamulira.

Genesis 7:5

Ndipo Nowa anachita zonse zimene Yehova anamulamulira.

Eksodo 12:50

“Aisraeli onse anachita monga momwe Yehova analamulira Mose ndi Aaroni.

Eksodo 39:32

Tsopano ntchito yonse ya tenti ya msonkhano inatha. Aisraeli anachita zonse monga momwe Yehova analamulira Mose.

Eksodo 39:42

Aisraeli anagwira ntchito yonse monga momwe Yehova analamulira Mose.

Numeri 1:54

Choncho Aisraeli anachita monga Yehova analamulira Mose.

Numeri 29:40

Mose anawuza Aisraeli zonse zimene Yehova anamulamulira.

Numeri 8:20

Mose, Aaroni pamodzi ndi gulu lonse la Israeli anachita kwa Alevi monga momwe Yehova analamulira Mose.

Numeri 9:4

Choncho Mose anawuza Aisraeli kuti azichita Paska,

Mateyu 28:20

ndi kuwaphunzitsa amvere zonse zimene ndinakulamulirani. Ndipo onani, Ine ndidzakhala pamodzi ndi inu kufikira kutha kwa dziko lapansi pano.”

Yohane 15:14

Inu ndinu abwenzi anga ngati muchita zimene Ine ndikulamulani.

Machitidwe a Atumwi 26:19

“Nʼchifukwa chake Mfumu Agripa, sindinakane kumvera masomphenya wochokera kumwamba.

Deuteronomo 1:3

Mʼchaka cha makumi anayi, pa tsiku loyamba la mwezi 11, Mose anafotokozera Aisraeli zonse zimene Yehova anamulamula zokhudza iwowo.

Deuteronomo 4:5

Taonani, ndakuphunzitsani malangizo ndi malamulo monga Yehova Mulungu wanga anandilamulira kuti inuyo muwatsatire mʼdziko limene mukulowa ndi kulitengali.

Ahebri 11:8

Ndi chikhulupiriro Abrahamu atayitanidwa kuti apite ku dziko limene anamulonjeza kuti lidzakhala lake, anamvera ndi kupita, ngakhale sanadziwe kumene ankapita.

Ahebri 3:5

Mose anali wokhulupirika monga mtumiki mʼnyumba yonse ya Mulungu, kuchitira umboni zimene zidzayankhulidwe mʼtsogolo.

Yoswa 5:10

Akupumulabe ku Giligala kuja mʼchigwa cha Yeriko, Aisraeli anachita chikondwerero cha Paska madzulo pa tsiku la 14 la mwezi woyamba womwewo.