Masalimo 26:3 - Mawu a Mulungu mu Chichewa Chalero

³ pakuti chikondi chanu chili pamaso panga nthawi zonse, ndipo ndimayenda mʼchoonadi chanu nthawi zonse.

Buku Lopatulika

³ Pakuti chifundo chanu chili pamaso panga; ndipo ndayenda m'choona chanu.

Chichewa Buku Lopatulika Bible 2014

³ Pakuti chifundo chanu chili pamaso panga; ndipo ndayenda m'choona chanu.

Buku Loyera Catholic Edition - Chichewa

³ Chikondi chanu chimanditsogolera, ndipo ndimakhala wokhulupirika kwa Inu.

Masalimo 26:3 Mawu Ofanana

2 Mafumu 20:3

“Inu Yehova, kumbukirani ndithu mmene ndayendera mokhulupirika ndi mtima wonse ndipo ndachita zolungama pamaso panu.” Hezekiya analira kwambiri.

Masalimo 101:2

Ndidzatsata njira yolungama; nanga mudzabwera liti kwa ine? Ndidzayenda mʼnyumba mwanga ndi mtima wosalakwa.

Masalimo 119:142

Chilungamo chanu nʼchamuyaya, ndipo malamulo anu nʼchoona.

Masalimo 25:5

tsogolereni mʼchoonadi chanu ndi kundiphunzitsa, pakuti Inu ndinu Mulungu mpulumutsi wanga, ndipo chiyembekezo changa chili mwa Inu tsiku lonse.

Masalimo 52:1

Nʼchifukwa chiyani ukudzitamandira ndi zoyipa, iwe munthu wamphamvu? Nʼchifukwa chiyani ukudzitamandira tsiku lonse, iwe munthu wochititsa manyazi pamaso pa Mulungu?

Masalimo 86:11

Ndiphunzitseni njira yanu Yehova, ndipo ndidzayenda mʼchoonadi chanu; patseni mtima wosagawikana kuti ndilemekeze dzina lanu.

Yesaya 2:5

Inu nyumba ya Yakobo, bwerani, tiyeni tiyende mʼkuwala kwa Yehova.

Yesaya 8:20

kuti akalandireko mawu enieni ndi malangizo? Ngati anthuwo sayankhula monga mwa mawu awa, mwa iwo mulibe kuwala.

Luka 6:36

Khalani achifundo, monga momwe Atate anu ali achifundo.”

Yohane 14:6

Yesu anayankha kuti, “Ine ndine njira, choonadi ndi moyo. Palibe munthu angafike kwa Atate popanda kudzera mwa Ine.

2 Akorinto 3:18

Ife tonse, amene ndi nkhope zosaphimba timaonetsera ulemerero wa Ambuye, tikusinthika kufanana ndi ulemerero wake, umene ukunka nuchulukirachulukira, wochokera kwa Ambuye, amene ndi Mzimu.

2 Akorinto 8:9

Pakuti mukudziwa chisomo cha Ambuye athu Yesu Khristu, kuti ngakhale anali wolemera, koma chifukwa cha inuyo anasanduka wosauka, kuti umphawi wakewo, inuyo mulemere.

Aefeso 4:32

Mukomerane mtima ndi kuchitirana chifundo wina ndi mnzake. Khululukiranani wina ndi mnzake, monga momwe Mulungu anakukhululukirani mwa Khristu.

1 Yohane 1:7

Koma tikamayenda mʼkuwunika, monga Iye ali mʼkuwunika, pamenepo timayanjana wina ndi mnzake, ndipo magazi a Yesu, Mwana wake, amatitsuka ndi kutichotsera tchimo lililonse.

2 Yohane 1:4

Ndinakondwera kwambiri nditapeza ana anu ena akuyenda mʼchoonadi, monga Atate anatilamulira.

3 Yohane 1:11

Wokondedwa, usatsatire zinthu zoyipa koma zinthu zabwino. Aliyense amene amachita zinthu zabwino ndi wochokera kwa Mulungu. Aliyense amene amachita zoyipa sanamuonepo Mulungu.