Genesis 1:4 - Mawu a Mulungu mu Chichewa Chalero

⁴ Mulungu anaona kuti kuwalako kunali bwino ndipo Iye analekanitsa kuwala ndi mdima.

Buku Lopatulika

⁴ Ndipo anaona Mulungu kuti kuyerako kunali kwabwino; ndipo Mulungu analekanitsa kuyera ndi mdima.

Chichewa Buku Lopatulika Bible 2014

⁴ Ndipo anaona Mulungu kuti kuyerako kunali kwabwino; ndipo Mulungu analekanitsa kuyera ndi mdima.

Buku Loyera Catholic Edition - Chichewa

⁴ Mulungu adaona kuti kuyerako kunali kwabwino. Pomwepo adalekanitsa kuyerako ndi mdima.

Genesis 1:4 Mawu Ofanana

Genesis 1:10

Mulungu anawutcha mtundawo “dziko,” madzi osonkhana pamodziwo anawatcha “nyanja.” Ndipo Mulungu anaona kuti zinali bwino.

Genesis 1:12

Dziko linabereka zomera zokhala ndi mbewu monga mwa mitundu yake ndi mitengo yokhala ndi zipatso za mbewu mʼkati mwake monga mwa mitundu yake. Ndipo Mulungu anaona kuti zinali bwino.

Genesis 1:18

kuti zilamulire usana ndi usiku, ndi kuti zilekanitse kuwala ndi mdima. Mulungu anaona kuti zinali bwino.

Genesis 1:25

Mulungu anapanga nyama zakuthengo monga mwa mitundu yawo, nyama zoweta monga mwa mitundu yawo ndi nyama zokwawa monga mwa mitundu yawo. Ndipo Mulungu anaona kuti zinali bwino.

Genesis 1:31

Mulungu anaona zonse zimene anazilenga kuti zinali zabwino kwambiri. Ndipo panali madzulo ndiponso mmawa, tsiku lachisanu ndi chimodzi.

Masalimo 145:10

Zonse zimene munazipanga zidzakutamandani, Inu Yehova; oyera mtima adzakulemekezani.

Masalimo 145:9

Yehova ndi wabwino kwa onse; amachitira chifundo zonse zimene anazipanga.

Mlaliki 11:7

Kuwala nʼkwabwino, ndipo maso amasangalala kuona dzuwa.

Mlaliki 2:13

Ndinaona kuti nzeru ndi yopambana uchitsiru, monga momwe kuwala kumapambanira mdima.

Yesaya 45:7

Ndimalenga kuwala ndi mdima, ndimabweretsa madalitso ndi tsoka; ndine Yehova, amene ndimachita zonsezi.