Eksodo 40:2 - Mawu a Mulungu mu Chichewa Chalero

² “Imika chihema, tenti ya msonkhano, tsiku loyamba la mwezi.

Buku Lopatulika

² Tsiku loyamba la mwezi woyamba ukautse Kachisi wa chihema chokomanako.

Chichewa Buku Lopatulika Bible 2014

² Tsiku loyamba la mwezi woyamba ukautse Kachisi wa chihema chokomanako.

Buku Loyera Catholic Edition - Chichewa

² “Pa tsiku loyamba la mwezi woyamba, uutse chihema chamsonkhano.

Eksodo 40:2 Mawu Ofanana

1 Mbiri 17:5

Ine sindinakhalepo mʼnyumba kuyambira tsiku limene ndinatulutsa Israeli mʼdziko la Igupto mpaka lero lino. Ndakhala ndikuyenda kuchoka mʼtenti ina kupita mʼtenti ina, kuchoka malo ena kupita malo ena.

2 Mbiri 29:3

Pa chaka choyamba cha ulamuliro wake, iye anatsekula zitseko za Nyumba ya Yehova ndipo anazikonza.

Eksodo 13:4

Pa tsiku la lero mwezi uno wa Abibu, mukutuluka mʼdziko la Igupto.

Eksodo 19:1

Ana a Israeli aja anafika ku chipululu cha Sinai pa tsiku loyamba la mwezi wachitatu chichokere mʼdziko la Igupto.

Eksodo 26:1

“Panga chihema pogwiritsa ntchito nsalu khumi zofewa, zosalala ndi zolukidwa bwino, zobiriwira, zapepo ndi zofiira. Ndipo anthu aluso apete pa nsaluzo Akerubi.

Eksodo 26:30

“Upange chihema mofanana ndi momwe ndinakuonetsera pa phiri paja.

Eksodo 26:7

“Upange nsalu za ubweya wambuzi zophimba pamwamba pa chihemacho. Nsalu zonse pamodzi zikhale khumi ndi imodzi.

Eksodo 27:21

Mʼchihema cha msonkhano, koma kunja kwa nsalu yotchinga Bokosi la Chipangano, Aaroni ndi ana ake azionetsetsa kuti nyale ikukhala chiyakire pamaso pa Yehova kuyambira madzulo mpaka mmawa. Limeneli ndi lamulo lamuyaya pakati pa Aisraeli pa mibado yonse.”

Eksodo 30:36

Upere gawo lina mosalala kwambiri ndipo utapepo pangʼono ndi kuyika patsogolo pa Bokosi la Chipangano mu tenti ya msonkhano, kumene ine ndidzakumane nawe. Lubani ameneyu kwa inu adzakhala wopatulika kwambiri.

Eksodo 35:11

Chihema ndi tenti yake ndiponso chophimba chake, ngowe zake, maferemu ake, mitanda yake, mizati yake ndi matsinde ake;

Eksodo 36:18

Iwo anapanga ngowe 50 zamkuwa zolowetsa mu zokolowekazo ndipo anaphatikiza nsalu ziwirizo kuti tentiyo ikhale imodzi.

Eksodo 40:1

Kenaka Yehova anati kwa Mose,

Eksodo 40:6

“Uyike guwa lansembe yopsereza patsogolo pa chipata cha chihema, tenti ya msonkhano.

Ezekieli 40:1

Kumayambiriro a chaka cha 25, cha ukapolo wathu, tsiku la khumi lamwezi, patapita zaka khumi ndi zinayi mzinda wa Yerusalemu utawonongedwa, pa tsiku lomwelo dzanja la Yehova linali pa ine ndipo Iye anapita nane ku Yerusalemu.

Ezekieli 45:18

“ ‘Ine Ambuye Yehova ndikuti: Pa tsiku loyamba la mwezi woyamba muzitenga mwana wangʼombe wamwamuna wopanda chilema ndi kuchita mwambo woyeretsa malo opatulika.

Numeri 1:1

Yehova anayankhula ndi Mose mʼchipululu cha Sinai, mu tenti ya msonkhano, pa tsiku loyamba la mwezi wachiwiri, mʼchaka chachiwiri atatuluka mu Igupto, kuti,

Numeri 7:1

Mose atamaliza kuyimika chihema chija, anachidzoza mafuta ndi kuchipatula pamodzi ndi ziwiya zake zonse. Anadzozanso guwa lansembe ndi kulipatula pamodzi ndi ziwiya zake zonse.

Numeri 9:1

Yehova anayankhula ndi Mose mʼchipululu cha Sinai pa mwezi woyamba wa chaka chachiwiri atatuluka mu Igupto, nati,

Numeri 9:15

Pa tsiku limene anayimika chihema, tenti ya umboni, mtambo unaphimba chihemacho. Kuyambira madzulo mpaka mmawa, mtambo umene unali pamwamba pa chihemacho unkaoneka ngati moto.