Eksodo 23:1 - Mawu a Mulungu mu Chichewa Chalero

¹ “Usafalitse mbiri yabodza. Usathandize munthu wolakwa pomuchitira umboni wonama.

Buku Lopatulika

¹ Usatola mbiri yopanda pake; usathandizana naye woipa ndi kukhala mboni yochititsa chiwawa.

Chichewa Buku Lopatulika Bible 2014

¹ Usatola mbiri yopanda pake; usathandizana naye woipa ndi kukhala mboni yochititsa chiwawa.

Buku Loyera Catholic Edition - Chichewa

¹ “Usachite umboni wonama. Munthu wolakwa usamthandize pakumchitira umboni wonama.

Eksodo 23:1 Mawu Ofanana

Genesis 39:17

Tsono anamuwuza nkhaniyi nati: “Wantchito Wachihebri amene munatibweretsera uja anabwera kuti adzagone nane.

2 Samueli 16:3

Kenaka mfumu inafunsa kuti, “Kodi chidzukulu cha mbuye wako chili kuti?” Ziba anati kwa iye, “Watsalira ku Yerusalemu chifukwa akuganiza kuti, ‘Lero Aisraeli andibwezera ufumu wa agogo anga.’ ”

2 Samueli 19:27

Ndipo wayankhula zosinjirira za ine mtumiki wanu kwa inu mbuye wanga mfumu. Mbuye wanga mfumu ali ngati mngelo wa Mulungu ndipo chitani chimene chikukomerani.

Masalimo 101:5

Aliyense wosinjirira mnansi wake mseri ameneyo ndidzamuletsa; aliyense amene ali ndi maso amwano ndi mtima wodzikuza, ameneyo sindidzamulekerera.

Masalimo 120:3

Kodi adzakuchitani chiyani, ndipo adzawonjezerapo zotani, inu anthu achinyengo?

Masalimo 15:3

ndipo mʼkamwa mwake simutuluka mawu osinjirira, amene sachitira choyipa mnansi wake kapena kufalitsa mbiri yoyipa ya munthu mnzake,

Masalimo 27:12

Musandipereke ku zokhumba za adani anga, pakuti mboni zambiri zauka kutsutsana nane ndipo zikundiopseza.

Masalimo 35:11

Mboni zopanda chisoni zinayimirira, zinandifunsa zinthu zimene sindikuzidziwa.

Eksodo 20:16

“Usapereke umboni womunamizira mnzako.

Eksodo 23:7

Upewe zabodza ndipo usaphetse munthu wosalakwa ndi wolungama, chifukwa Ine sindidzakhululukira wochimwa.

Miyambo 10:18

Amene amabisa chidani chake ndi munthu wonama, ndipo amene amafalitsa miseche ndi chitsiru.

Miyambo 12:17

Woyankhula zoona amapereka umboni woona, koma mboni yabodza imafotokoza zonama.

Miyambo 14:5

Mboni yokhulupirika sinama, koma mboni yonyenga imayankhula zabodza.

Miyambo 17:4

Munthu woyipa amamvera malangizo oyipa; munthu wabodza amatchera khutu mawu osakaza.

Miyambo 19:28

Mboni yopanda pake imanyoza cholungama, ndipo pakamwa pa anthu oyipa pamameza zoyipa.

Miyambo 19:5

Mboni yonama sidzalephera kulangidwa; ndipo iye amene amanena mabodza sadzapulumuka.

Miyambo 19:9

Mboni yonama sidzalephera kulangidwa, ndipo iye amene amanena mabodza adzawonongeka.

Miyambo 21:28

Mboni yonama idzawonongeka, koma mawu a munthu wakumva adzakhala nthawi zonse.

Miyambo 24:28

Usakhale mboni yotsutsa mnzako popanda chifukwa, kapena kugwiritsa ntchito pakamwa pako kunena zachinyengo.

Miyambo 25:18

Munthu wochitira mnzake umboni wonama, ali ngati chibonga kapena lupanga kapena muvi wakuthwa.

Miyambo 25:23

Monga momwe mphepo yampoto imabweretsera mvula, chonchonso mjedu umadzetsa mkwiyo.

Miyambo 6:19

mboni yonama yoyankhula mabodza komanso munthu amene amayambitsa mikangano pakati pa abale.

Yeremiya 20:10

Ndimamva anthu ambiri akunongʼona kuti, “Zoopsa ku mbali zonse! Kamunenezeni! Tiyeni tikamuneneze!” Onse amene anali abwenzi anga akuyembekezera kuti ndigwa pansi, akumanena kuti, “Mwina mwake adzanyengedwa; tidzamugwira ndi kulipsira pa iye.”

Levitiko 19:11

“ ‘Musabe. “ ‘Musamanamizane. “ ‘Musachitirane zinthu mwachinyengo.

Levitiko 19:16

“ ‘Musamapite uku ndi uku kunena bodza pakati pa anthu anu. “ ‘Musachite kanthu kalikonse kamene kangadzetse imfa kwa mnzanu. Ine ndine Yehova.

Mateyu 19:18

Mnyamatayo anamufunsa kuti, “Ndi ati?” Yesu anayankha kuti, “Usaphe, usachite chigololo, usabe, usapereke umboni onama,

Luka 19:8

Koma Zakeyu anayimirira ndipo anati kwa Ambuye, “Taonani Ambuye! Theka la chuma changa ndipereka kwa osauka ndipo ngati ndinamubera wina aliyense pa chilichonse, ndidzamubwezera mochulukitsa kanayi.”

Luka 3:14

Kenaka asilikali ena anamufunsa kuti, “Nanga ife tichite chiyani?” Iye anayankha kuti, “Musamalande ndalama moopseza ndipo musamanamizire anthu, khutitsidwani ndi malipiro anu.”

Yohane 7:51

“Kodi lamulo lathu limatsutsa munthu popanda kumva mbali yake kuti tipeze chimene wachita?”

Aroma 3:8

Nʼchifukwa chiyani osanena kuti, monga ena amanena mosasamala kuti, “Tiyeni tichite zoyipa kuti zabwino zionekere?” Anthu onena zoterewa kulangidwa kwawo ndi koyenera.

Aefeso 4:25

Chifukwa chake, aliyense wa inu aleke kunama ndipo ayankhule zoona kwa mʼbale wake, pakuti ife tonse ndife ziwalo za thupi limodzi.

Deuteronomo 5:20

“Usapereke umboni womunamizira mnzako.

2 Timoteyo 3:3

Adzakhala wopanda chikondi, osakhululuka, osinjirira, osadziletsa, ankhanza, osakonda zabwino,

1 Petro 3:16

Koma chitani zimenezi mofatsa ndi mwaulemu, mukhale ndi chikumbumtima chosakutsutsani, kuti anthu ena akanena zoyipa za makhalidwe anu abwino mwa Khristu, achite okha manyazi ndi chipongwe chawocho.

Chivumbulutso 12:10

Kenaka ndinamva mawu ofuwula kumwamba akunena kuti, “Tsopano chipulumutso, mphamvu, ufumu wa Mulungu wathu ndi ulamuliro wa Khristu wake zabwera. Pakuti woneneza abale athu uja, amene amangokhalira kuwaneneza pamaso pa Mulungu usana ndi usiku, wagwetsedwa pansi.