Tè̤dyéluô̌htya 6:7 - ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

⁷ ꤓꤌꤣ꤭ꤚꤢꤪ ꤞꤤꤗꤟꤤꤖꤢꤨ ꤔꤌꤣ꤬ꤒꤣ꤬ꤘꤟꤌꤣ꤭ ꤡꤢ꤬ꤢꤗꤥ꤭ꤓꤛꤢ꤬ ꤒꤟꤢꤧ꤬ꤗꤢꤒꤟꤢꤧ꤬ꤘꤛꤢ꤭ ꤜꤝꤟꤤ꤭ꤊꤟꤌꤣ꤬ꤒꤣ꤬ꤊꤟꤌꤣ꤬ ꤘꤣ ꤢꤨ꤭ ꤗꤟꤢꤩ꤬ꤗꤢ꤬ ꤢꤧ꤬ꤔꤌꤣ꤬ ꤚꤢꤪ ꤠꤢ꤭ ꤔꤟꤤꤟꤌꤣ꤭ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤜꤝꤟꤤ꤭ꤘꤟꤌꤣ꤭ ꤔꤌꤣ꤬ꤒꤣ꤬ꤘꤟꤌꤣ꤭ ꤟꤢꤩ ꤔꤢ, “ꤟꤛꤢ꤭ꤗꤢꤪ꤭,” ꤢ꤬ ꤟꤢꤩ ꤖꤢꤨꤔꤌꤣ꤬꤯

Kayah Western (Latin)

⁷ Htuô̌rò thímíphú nuôtôduô̌ caámǒhtya tè̤mátè̤dyǎ lwǐ̤kuôtôkuô dố ǔ me̤ma ènuô rò vǎ ní̤huô̌ thè́htwǒprè̤ lwǐ̤duô̌ nuôtôduô̌ hé, “hyǎmò̌” a hé phúnuô.

Tè̤dyéluô̌htya 6:7 Mawu Ofanana

Matteo 27:66

ꤞꤛꤢꤖꤢꤨ ꤢꤧ꤬ꤞꤤ꤭ ꤊꤟꤢꤦ ꤗꤟꤢꤩ꤬ꤊꤜꤟꤢꤪ꤬ꤗꤟꤢꤩ꤬ꤗꤢ꤬ ꤚꤛꤢ ꤜꤟꤌꤣ꤭ꤊꤢꤨ꤭ꤛꤢꤩ꤭ ꤚꤢꤪ ꤢꤧ꤬ꤞꤤ꤭ ꤡꤛꤣꤊꤜꤢꤧꤓꤛꤢ꤬ ꤜꤟꤌꤣ꤭ ꤢ꤬ ꤒꤟꤢꤧ꤬ꤗꤢꤒꤟꤢꤧ꤬ꤘꤛꤢ꤭ ꤒꤣ꤬ꤡꤣ꤬ ꤘꤣ ꤜꤟꤌꤣ꤭ꤊꤢꤨ꤭ ꤗꤟꤢ꤭ꤓꤢꤧꤜꤟꤥ꤬ ꤓꤌꤣ꤭ꤚꤢꤪ ꤢ꤬ ꤔꤢꤪ꤭ꤥ꤬ꤕꤟꤢꤪꤗꤢ꤬ꤔꤟꤤ ꤔꤢ ꤊꤜꤛꤢꤩ꤭ꤖꤢꤨ ꤒꤢ꤬ꤟꤢꤩ꤬꤯

Tè̤dyéluô̌htya 4:7

ꤢ꤬ꤚꤟꤢꤩꤜꤣ ꤒꤣ꤬ꤘꤟꤌꤣ꤭ ꤔꤌꤣ꤬ ꤢ꤬ꤞꤛꤢꤔꤢ ꤢꤛꤢ꤭ꤞꤤ꤭, ꤔꤛꤢꤩ꤭ꤘꤟꤌꤣ꤭ ꤒꤣ꤬ꤘꤟꤌꤣ꤭ ꤔꤌꤣ꤬ ꤢ꤬ꤞꤛꤢꤔꤢ ꤕꤟꤢꤨꤖꤢꤧ꤭ꤘꤢꤨ꤬, ꤞꤌꤣ꤭ꤘꤟꤌꤣ꤭ ꤒꤣ꤬ꤘꤟꤌꤣ꤭ ꤔꤌꤣ꤬ ꤢ꤬ꤗꤢꤧ꤬ꤞꤢꤧ꤬ ꤞꤛꤢꤔꤢ ꤊꤢ꤬ꤛꤢ꤭ ꤗꤢꤧ꤬ꤞꤢꤧ꤬ ꤚꤢꤪ ꤜꤝꤟꤤ꤭ꤘꤟꤌꤣ꤭ ꤒꤣ꤬ꤘꤟꤌꤣ꤭ ꤔꤌꤣ꤬, ꤢ꤬ꤞꤛꤢꤔꤢ ꤜꤟꤢ꤭ꤙꤢꤨ꤭ꤘꤢꤨ꤬ ꤘꤣ ꤢ꤬ ꤐꤟꤌꤣ꤬ ꤘꤣ ꤗꤢꤪꤜꤟꤢꤧ꤭ꤔꤌꤣ꤬꤯

Tè̤dyéluô̌htya 6:1

ꤠꤢ꤭ ꤗꤛꤢꤓꤛꤢꤩ꤬ ꤞꤤꤗꤟꤤꤖꤢꤨ ꤔꤌꤣ꤬ꤒꤣ꤬ꤘꤟꤌꤣ꤭ ꤡꤢ꤬ꤢꤗꤥ꤭ꤓꤛꤢ꤬ ꤢꤨ꤭ ꤊꤜꤢꤧꤤꤡꤢꤦ꤭ꤗꤢ꤬ ꤒꤟꤢꤧ꤬ꤗꤢꤒꤟꤢꤧ꤬ꤘꤛꤢ꤭ ꤘꤣ ꤞꤌꤣ꤭ꤞꤛꤥꤒꤣ꤬ꤊꤟꤌꤣ꤬ ꤢ꤬ꤊꤜꤢꤧ꤭ꤛꤢꤩ꤭ ꤢ꤬ꤚꤟꤢꤩꤜꤣ ꤒꤣ꤬ꤊꤟꤌꤣ꤬ ꤚꤢꤪ ꤠꤢ꤭ ꤔꤟꤤꤟꤌꤣ꤭ ꤘꤣ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤔꤌꤣ꤬ ꤜꤝꤟꤤ꤭ꤘꤟꤌꤣ꤭ ꤢ꤬ꤊꤜꤢꤧ꤭ ꤒꤣ꤬ꤘꤟꤌꤣ꤭ꤔꤌꤣ꤬ ꤢ꤬ꤍꤟꤥꤕꤚꤟꤢ꤬ꤓꤛꤢ꤬ ꤞꤛꤢꤔꤢ ꤏꤛꤢꤩ꤬ꤜꤟꤛꤢ꤬ ꤔꤌꤣ꤬ ꤚꤢꤪ “ꤟꤛꤢ꤭ꤗꤢꤪ꤭,” ꤢ꤬ ꤟꤢꤩ ꤖꤢꤨꤔꤌꤣ꤬꤯

Tè̤dyéluô̌htya 6:3

ꤙꤤ ꤞꤤꤗꤟꤤꤖꤢꤨꤛꤢꤩ꤭ ꤡꤢ꤬ꤢꤗꤥ꤭ꤓꤛꤢ꤬ ꤒꤟꤢꤧ꤬ꤗꤢꤒꤟꤢꤧ꤬ꤘꤛꤢ꤭ ꤔꤛꤢꤩ꤭ꤊꤟꤌꤣ꤬ꤒꤣ꤬ꤊꤟꤌꤣ꤬ ꤢ꤬ꤋꤢꤧ꤭ꤔꤌꤣ꤬, ꤠꤢ꤭ ꤔꤟꤤꤟꤌꤣ꤭ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤔꤛꤢꤩ꤭ꤘꤟꤌꤣ꤭ ꤒꤣ꤬ꤘꤟꤌꤣ꤭ ꤛꤢꤩ꤭ꤔꤌꤣ꤬ ꤟꤢꤩ ꤔꤢ, “ꤟꤛꤢ꤭ꤗꤢꤪ꤭꤯”

Tè̤dyéluô̌htya 6:5

ꤓꤌꤣ꤭ꤚꤢꤪ ꤞꤤꤗꤟꤤꤖꤢꤨ ꤔꤌꤣ꤬ꤒꤣ꤬ꤘꤟꤌꤣ꤭ ꤡꤢ꤬ꤢꤗꤥ꤭ꤓꤛꤢ꤬ ꤒꤟꤢꤧ꤬ꤗꤢꤒꤟꤢꤧ꤬ꤘꤛꤢ꤭ ꤞꤌꤣ꤭ꤊꤟꤌꤣ꤬ꤒꤣ꤬ꤊꤟꤌꤣ꤬ ꤘꤣ ꤢꤨ꤭ ꤗꤟꤢꤩ꤬ꤗꤢ꤬ ꤢꤧ꤬ꤔꤌꤣ꤬, ꤚꤢꤪ ꤠꤢ꤭ ꤔꤟꤤꤟꤌꤣ꤭ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤞꤌꤣ꤭ꤘꤟꤌꤣ꤭ ꤔꤌꤣ꤬ꤒꤣ꤬ꤘꤟꤌꤣ꤭ ꤟꤢꤩ ꤔꤢ, “ꤟꤛꤢ꤭ꤗꤢꤪ꤭,” ꤢ꤬ ꤟꤢꤩ ꤖꤢꤨꤔꤌꤣ꤬꤯ ꤠꤢ꤭ ꤗꤛꤢ ꤚꤢꤪ ꤠꤢ꤭ ꤗꤛꤢꤓꤛꤢꤩ꤬ ꤒꤢ꤬ꤞꤤꤜꤟꤢꤪ꤬ ꤒꤣ꤬ꤘꤟꤌꤣ꤭ ꤚꤢꤪ ꤊꤢ꤬ꤛꤢ꤭ ꤘꤣ ꤢ꤬ ꤏꤤ꤬ꤘꤛꤢ ꤜꤢꤨ꤭ ꤒꤣ꤬ꤕꤚꤟꤢꤧ꤬ꤔꤌꤣ꤬ ꤢ꤬ꤥ꤬ ꤔꤟꤤꤘꤛꤢꤩ ꤔꤢ ꤡꤢꤡꤢꤨꤜꤢꤧ꤬ ꤘꤣ ꤢ꤬ ꤒꤢ꤬ꤋꤢꤨ꤬ꤊꤢꤨ꤭꤯