Matteo 6:23 - Kayah Western (Latin)

²³ Manárò thǐ mèthèplò ki lǐò́ruố̤ hénuôma, thǐné̤ ki khílò̌ sǐprè̤ pǎ. Tè̤lǐ dố a tǒ odố thǐkǔnuô, a ki oto hérò, a khítarṳ̂ cò́ bá꤮ těnuô tane̤ myádû ní꤮.”

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

²³ ꤗꤢ꤬ꤔꤢꤚꤢꤪ ꤞꤤ꤭ ꤗꤢꤧ꤬ꤞꤢꤧ꤬ꤕꤜꤢꤪ꤬ ꤊꤤ꤬ ꤜꤤ꤭ꤢꤪꤚꤟꤌꤣ ꤟꤢꤩꤔꤌꤣ꤬ꤗꤢ꤬, ꤞꤤ꤭ꤔꤟꤢꤩ ꤊꤟꤢꤦ ꤋꤤꤜꤟꤢꤪ꤭ ꤏꤤ꤭ꤕꤚꤟꤢꤧ꤬ ꤕꤢ꤭꤯ ꤒꤟꤢꤧ꤬ꤜꤤ꤭ ꤘꤣ ꤢ꤬ ꤒꤥ꤭ ꤥ꤬ꤘꤣ ꤞꤤ꤭ꤊꤢꤨ꤭ꤔꤌꤣ꤬, ꤢ꤬ ꤊꤤ꤬ ꤥ꤬ꤒꤥ꤬ ꤟꤢꤩꤚꤢꤪ, ꤢ꤬ ꤋꤤꤒꤢ꤬ꤚꤟꤢꤦ꤬ ꤡꤢꤪ ꤙꤢ꤮ ꤒꤢꤩ꤭ꤔꤌꤣ꤬ ꤒꤢ꤬ꤔꤟꤢꤩ꤬ ꤗꤛꤢꤘꤢꤦ꤬ ꤔꤤ꤮꤯”

Matteo 6:23 Mawu Ofanana

Matteo 20:15

Vǎrû̌ ná vǎné̤ prè́, vǎ thè́zṳ̂́ me̤phútě rò a ní̤nyǎ to è̌? Vǎ dyézǔdyéye̤ tè̤ phúyě rò nè̤ thè́khwè́ vǎ è̌?’

Matteo 6:22

“Mèthèplò yěnuôma athyáná mikò̌ tômě dố né̤klò̤́ agněhò́, thǐ mèthèplò ki lǐsè́ryá hérò, thǐ né̤klò̤́ sǐprè̤lò̌ ki luô̌lǐphó ryáklò̌ pǎ.

ꤗꤢ꤬ꤊꤢꤨ 7:22

tè̤lò̤̌phǎ kò́vè̌kò́pra e ní̤dyégně, tè̤thè́kháthè́hte ǔ, lahǒeǔ, tè̤me̤ mǔmyá̤ricyá̤, thè́khwè́ní̤ǔtè̤, pacyé̤ishyéǔ, phyéduné̤, me̤tè̤ rò tane̤ tǎ̤te̤ to.

ꤜꤢꤨꤊꤢ꤬ 11:34

Thǐ mèthèplò tahe nuôma athyáná mikò̌ tômě dố thǐ né̤klò̤́ agně yěnuôhò́. Thǐ mèthèplò ki lǐsè́ryá hérò, thǐ né̤klò̤́ sǐprè̤lò̌ luô̌lǐphó ryálò̌ hò́, manárò thǐ mèthè ki khí hérò, thǐ né̤klò̤́ sǐprè̤lò̌ a khílò̌plǐ hò́.

ꤜꤢꤨꤊꤢ꤬ 8:10

Rò a hé pé̤ èthǐ, “Cò́marya dyéthè́gněplǒ pé̤hò́ thǐ ná a htyělé̤ké̤kǔ a tè̤thè́khuthè́gně dố a dò́uốdò́bí tahe hò́ tadû́rò kayǎ dố aruô tahe agněnuô vǎ hébè pé̤ èthǐ ná ngó̤khákho prè́. ‘Èthǐ myá lahyǎ tè̤ dố vǎ me̤ nuôtahe tadû́rò thyáphú èthǐ myáhtye thè́gněplǒ kuô̌ǔ angó̤lasá to, èthǐ ní̤dǎ tadû́rò thyáphú èthǐ thè́gněplǒ kuô̌ǔ to,’” agněnuô, vǎ hé pé̤ èthǐ ná ngó̤khákho prè́.

ꤚꤟꤥꤗꤢꤩ꤬ 1:22

Èthǐ hélya̤ ní̤dyé lahyǎ ané̤ ná a tè̤thítè̤phè́ o, tadû́rò a htwǒ lahyǎ kayǎ uốáyá prè́.

Corinthia aré̤lố tôba 2:14

Manárò ǔpěpě꤮ bèbè, dố a ní̤bè kuô̌ǔ Thè́ Sǎsè̌ Byacè dố a thè́plòkǔ to tahenuô, a phyésû kuô̌ǔ Thè́ Sǎsè̌ Byacè a tè̤ithyóithya to. Kayǎ phúnuô tahenuô, a thè́gněplǒbè́ kuô̌ǔ angó̤lasá to, a tane̤ lahyǎ prè́ ná a olốoklò̌ prè́, me̤těhérò, prè̤ dố a héplǒbè́ pé̤ èthǐ nuôma tû́prè́ Thè́ Sǎsè̌ Byacè tôprè̤ prè́.

Epheso 4:18

Èthǐ nuôtahe ma a thè́gněplǒ bè́ kuô̌ǔ tè̤má̤tè̤cò́ to. Dố èthǐ khuklò́pryě̤ akhu-akhyě, a thè́gně kuô̌ lahyǎ ǔ Cò́marya aklyáaklǒ to, dố èthǐ thè́gněkuô̌ lahyǎ ǔ Cò́marya aklyáaklǒ to akhu-akhyěrò, èthǐ ní̤bè kuô̌ǔ thè́htwǒprè̤ athè̌ dố Cò́marya dyé yěnuô to.

Epheso 5:8

Thǐ né̤byacè ní̤dû cò́ rò thǐ ohtwǒprè̤ htuô̌hò́ dố tè̤khítè̤lò̤ aklè̌ hò́. Manárò khǒnyá̤yě thǐ htwǒhò́ Byacè akayǎ rò thǐ ohò́ dố tè̤lǐ akǔ hò́. Phúnuôrò ohtwǒprè̤ thyákuô̌ lahyǎ phú tè̤lǐphú tahenuô ní꤮.

Giovanni aré̤lố tôba 2:11

Manárò kayǎ tôprè̤prè̤nuô, a ki thè́hte pǎ prè́ kayǎ dố a zṳ̂́e Krístu dố aruôtahe pǎprè́ hénuô a o dố tè̤khítè̤lò̤ akǔ rò a kíré̤ cuốtǒ bítě tôphotě nuô a thè́gně ní̤dyé ané̤ to, me̤těhérò tè̤khítè̤lò̤ me̤lè̌kyǎ lǔ mèthèplò.