Matteo 24:31 - Kayah Western (Latin)

³¹ Ǔ ki uố pra̤shyohtya kwo̤ pǎ. Rò kayǎ dố Byacè nwóhtya htuô̌hò́ èthǐ rò a o lahyǎ dố hekhu lwǐ̤kyělwǐ̤ná̤, cáhtya dố mò́dá khǎshyé tuố̤dố mò́dá tadû pwǒ̤꤮ tôprè̤nuô, Cò́marya ki nò̌hyǎlya̤ tanéphú tahe pǎ rò a ki hyǎè́oplò́ tố̤lò̌ èthǐ lò̌꤮ plǐ pǎ.

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

³¹ ꤢꤨ꤭ ꤊꤟꤢꤦ ꤢꤟꤌꤣ ꤕꤚꤟꤢ꤬ꤏꤛꤥ꤬ꤓꤛꤢ꤬ ꤊꤝꤟꤥ꤬ ꤕꤢ꤭꤯ ꤚꤢꤪ ꤊꤢ꤬ꤛꤢ꤭ ꤘꤣ ꤙꤛꤢ꤬ꤡꤢꤧ꤬ ꤔꤝꤥꤓꤛꤢ꤬ ꤓꤌꤣ꤭ꤟꤢꤪ ꤢꤧ꤬ꤞꤤ꤭ ꤚꤢꤪ ꤢ꤬ ꤥ꤬ ꤜꤢ꤬ꤟꤛꤢ꤭ ꤘꤣ ꤟꤢꤩ꤬ꤋꤢꤨ꤬ ꤜꤝꤟꤤ꤭ꤊꤛꤢꤩ꤭ꤜꤝꤟꤤ꤭ꤔꤟꤢ, ꤡꤢꤓꤛꤢ꤬ ꤘꤣ ꤗꤢꤪꤘꤢ ꤋꤢ꤭ꤏꤛꤢꤩ ꤒꤟꤌꤣꤘꤣ ꤗꤢꤪꤘꤢ ꤒꤢ꤬ꤘꤢꤦ꤬ ꤕꤝꤟꤥ꤭꤮ ꤒꤣ꤬ꤕꤚꤟꤢꤧ꤬ꤔꤌꤣ꤬, ꤡꤢꤪꤗꤢ꤬ꤚꤛꤢ꤬ ꤊꤟꤢꤦ ꤔꤢꤪ꤭ꤟꤛꤢ꤭ꤜꤟꤛꤢ꤬ ꤒꤢ꤬ꤔꤢꤩꤖꤢꤨ ꤒꤢ꤬ꤟꤢꤩ꤬ ꤕꤢ꤭ ꤚꤢꤪ ꤢ꤬ ꤊꤟꤢꤦ ꤟꤛꤢ꤭ꤢꤧꤥ꤬ꤕꤜꤢꤪ ꤒꤟꤣꤜꤟꤢꤪ꤭ ꤢꤧ꤬ꤞꤤ꤭ ꤜꤟꤢꤪ꤭꤮ ꤕꤜꤤ꤭ ꤕꤢ꤭꤯

Matteo 24:31 Mawu Ofanana

Matteo 13:41

Lò̌꤮ tè̤ dố a thǔ thû́ǔklyá tahenuô, ná lò̌꤮ kayǎ dố pwǒ̤꤮ phuốphuố a me̤ tè̤mǔmyá̤ricyá̤ tahenuô, prè̤lu aphúkhǔ má̤hò́ vǎyě, vǎ ki nò̌hyǎ vǎ tanéphú tahe pǎ rò a ki hyǎ htò́hte taphǎkyǎ èthǐ dố Cò́marya a htyělé̤ké̤kǔ yěnuô pǎ.

Matteo 24:22

Cò́marya ki me̤phuô pé̤ tè̤cyě̤tè̤cṳ̂ yě ashuốakhè̌ to hénuô, kayǎ ohtwǒprè̤bè́ tôprè̤ to. Manárò Cò́marya yǒ myá kayǎ dố a nwóhtya yětahe amèthè akhu-akhyě, a ki me̤phuôhyǎ ashuốakhè̌ pǎ.

Matteo 24:24

Me̤těhérò prè̤klwo lahǒ phú Krístunuô ná prè̤klwo lahǒ phú prè̤pro̤ thǐ tahenuô a ki ohtya è́lǎ pǎ. Èthǐ ki me̤luô̌ cyá̤ pé̤ ǔ tè̤ dố a htetapa̤ cò́ ǔ nuôtahe ná tè̤pro̤tè̤prya̤ tahe pǎ. A ki me̤cyá̤ hénuôma a thè́zṳ̂́ ilolahǒ ní̤ cò́ kayǎ dố Cò́marya nwóphyé htuô̌hò́ lǔ nuô tahecò́.

Matteo 24:32

“Khǒnyá̤rò phyéní̤ lahyǎ tè̤ithyó tôcô dố kadwímò̤́ alo̤ yěnuô. A dǎ lè dyácè̤́ tamahtehò́, alè bèhò́ hérò thǐ thè́gně ná ké̤kṳ́khè̌ phûhyǎ tuố̤hò́.

Matteo 25:31

“Shyé꤮ prè̤lu aphúkhǔyě ki hyǎ ná alǐatakhè̌ pǎ rò amò́khu tanéphú tahe ki hyǎ tố̤kuô̌ ná lǔ akhè̌pǎnuô a ki onyǎo dố a khuklyáhtyalô̌ takhè̌ akhu pǎ.

Matteo 28:18

Rò Byacè Jesǔ hyǎ dố èthǐ o rò a hé èthǐ, “Taryěshyosò̌ dố mò́khu bèbè, dố hekhuyěnuô bèbè, ǔ dyé lò̌hò́ ná vǎ hò́.

ꤗꤢ꤬ꤊꤢꤨ 13:27

Htuô̌rò prè̤lukayǎ aphúkhǔ má̤hò́ vǎyě a ki nò̌hyǎlya̤ tanéphú tahe pǎ rò vǎ ki nò̌cuố èthǐ dố hekhu lwǐ̤ná̤ pǎ, èthǐ ki cáhtya cuố dố mò́dá khǎshyé tuố̤dố mò́dá tadû pǎ rò èthǐ ki cuốè́plò́ kayǎ dố Cò́marya nwóhtya htuô̌hò́ èthǐ nuôtahe pǎ.

ꤜꤢꤨꤊꤢ꤬ 24:47

Htuô̌rò dố èmwi̤ akǔ rò ǔ ki hésodônyǎ tè̤za̤ ní̤ ari-akyǎ ná tè̤plwǒkyǎ tè̤thû́tè̤ora yěnuôtahe ari-akyǎ pǎ. Ǔ ki hésodônyǎ è dố myěcô pwǒ̤tôcô agně pǎ, rò ǔ ki cáhtya hésoré̤lố dố vǐ̤ Jerusalem akǔ nuôpǎ.

ꤛꤥ꤭ꤟꤢ꤬ 11:52

Htuô̌rò a tè̤hépro̤ yěnuô, a tǒprè́tû́ Jesǔ ki thyě pé̤ dố Judaphú tahe agně nuômá̤to, a ki thyětuố̤ pé̤kuô̌ Cò́marya aphúalye̤ dố a o lahyǎ dố htyěké̤ aruô tahe agněgně. Thyáphú a ki me̤htwǒhtya kayǎ yětahe tômṳtuô̌ pǎ agněnuô, ǔ bè me̤thyě lǔ pǎ.

ꤚꤟꤥꤗꤢꤩ꤬ 10:18

Manárò vǎ ki sudyǎ, “Ma èthǐ ní̤huô̌nò́ kuô̌ nyǎto è̌?” Vǎ ki hé, èthǐ ní̤huô̌nò́ vǎ. Lisǎsè̌kǔ hé, “Èthǐ ngó̤pra̤ cuố lò̌hò́ dố hekhusǐbalò̌ hò́. Èthǐ alǎ̤angó̤ yěnuô a cuốtuố̤ lò̌hò́ dố hekhu tadû hò́.”

Corinthia aré̤lố tôba 15:52

Shyé꤮ a htwǒhtya hò́ pǎnuô, apryǎ nyacò́ pǎ, a ki pryǎklò̌ pǎ cò́ ná pè̤ bòklè́ pè̤mèthè nuô pǎ cò́. Mò̤́nyědốkhyě tadûhò́ pǎ tônyěnuô, pè̤ ki ní̤huô̌ kwo̤ pra̤htya pǎ. Bí kwo̤ pra̤htya akhè̌nuô, thyáphú kayǎ dố a thyě tahe ki htwǒprè̤ ka̤khyě lahyǎ tacṳ́prè̤ pǎ agněnuôrò, èthǐ ihtòka̤ dố tè̤thyě pǎ. Manárò kayǎ dố a ohtwǒprè̤ tuố̤pǎ bínuôtônyě pǎ tahenuô, ané̤klò̤́ tahe ki htulya taple ka̤lò̌ pǎ.

Epheso 1:10

Shyé꤮ shuốkhè̌ tǎ̤tǒtǎ̤bè hò́ pǎnuô, Cò́marya ki me̤lốme̤bǎhtya a tè̤taritaryǎ one yětahe pǎ. Lò̌꤮ tè̤dố a o dố mò́khu nuôtahe bèbè, lò̌꤮ a o dố hekhu yětahe nuôbèbè, a ki me̤plò́me̤cû̌ tố̤lò̌ lǔ dố a khuklò́dulốǔ Krístu yětôprè̤ alè̤̌ pǎ.

Thessalonia aré̤lố tôba 4:16

Me̤těhérò Byacè ané̤byacè ní̤dû ki o dố mò́khu rò hyǎlya̤ pǎ, rò a ki è́htǒtǎ̤ angó̤ tômû̌ pǎ. Htuô̌rò tanémò́khuphú a khuklò́dulố tôprè̤ ki è́htǒ hébètǎ̤ pǎ. Htuô̌rò ǔ ki ní̤huô̌ Cò́marya akwo̤ pra̤htya pǎ rò kayǎ dố a zṳ̂́e Krístu rò a thyě htuô̌hò́ tahenuô, a ki ihtò ka̤ré̤lố ǔ pǎ.

Thessalonia nyě̤ba tôba 2:1

Puố̤vyá̤ Krístuphú thǐ꤮, vǎ thè́zṳ̂́ hésoluô̌ pé̤ thǐ ná shyé꤮ Byacè Jesǔ Krístu hyǎ akhè̌ pǎ ari-akyǎ ná pè̤ ki ka̤-oplò́ tố̤khyělǔ dố a o pǎ ari-akyǎ yěnuô prè́.

Tè̤dyéluô̌htya 1:20

Sè thuô̌thyótômě dố nè̤ myáhtye a o dố vǎ takhu cò́htwó akǔ yěnuô ná mikò̌htè̌ thuô̌thyótôměyě angó̤lasá acò́azǎ̤ ma phútěhérò sè thuô̌thyótômě angó̤lasá nuôma má̤hò́ prè̤zṳ̂́etè̤plò́mṳ thuô̌thyótômṳ a tanéphú tahe rò mikò̌ thuô̌thyótômě angó̤lasá ma má̤hò́ prè̤zṳ̂́etè̤plò́mṳ thuô̌thyótômṳ yětahenuô hò́.”

Tè̤dyéluô̌htya 11:15

Htuô̌rò bí tanéphú aprè̤ thuô̌thyótôprè̤ yětôprè̤ uốhtya akwo̤ akhè̌nuô, ngó̤tahe pra̤htya shyonyacò́ dố mò́khu rò a hé, “Khǒnyá̤yě tè̤pro̤tè̤prya̤ dố a ki pố hekhu yěnuôma a htwǒhò́ pè̤ Byacè ná a Messia atè̤ hò́ rò a ki pốtè̤ tacṳ́prè̤ talèkrè́ hò́.”

Tè̤dyéluô̌htya 7:1

Tè̤me̤-ané̤ phúyě htuô̌rò hekhuyě bèbè, htyědutava̤ yětahe bèbè, thòmò̤́ tahe bèbè, thyáphú ké̤lathè́ hyǎbè tǎ èthǐ tǎmé̤ nuô, vǎ myáhtye tanéphú thè́lwǐ̤ ihtòo lahyǎ dố hekhu lwǐ̤ná̤ rò a me̤tǎ̤tṳ̂̌ sûkyǎlò̌ ké̤lathè́ klyá.

Tè̤dyéluô̌htya 8:2

Bínuôakhè̌ vǎ myáhtye tanéphú thuô̌thyótôprè̤ dố a me̤ Cò́marya atè̤me̤ rò a kahtò o dố lǔnyěhyǎ pwǒ̤꤮ tôphuố, rò ǔ dyé èthǐ kwo̤ thuô̌thyótômě.