ꤜꤢꤨꤊꤢ꤬ 3:14 - Kayah Western (Latin)

¹⁴ Klyěphú tahe sudyǎkuô̌ lǔ, “Pè̤kuô̌lé? Pè̤ tǒbè me̤phútě?” Rò a hésû èthǐ, “Bè pṳ̂́phezè́plè́ ní̤ ǔrû̌ǔhtè̌ to. Kè̤bò̌kè̤bye tǎ ǔ tôprè̤꤮ tǎmé̤. Thè́plòmǐ ní̤ lahyǎ ná khwókè dố thǐ ní̤bè nuôtahe.”

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

¹⁴ ꤊꤜꤛꤢꤩ꤭ꤖꤢꤨ ꤒꤢ꤬ꤟꤢꤩ꤬ ꤏꤢꤨ꤬ꤘꤛꤢ꤭ꤊꤟꤌꤣ꤭ ꤜꤢꤨ꤭ ꤔꤢ, “ꤕꤟꤢꤧ꤬ꤊꤟꤌꤣ꤭ꤜꤢꤩ? ꤕꤟꤢꤧ꤬ ꤒꤥ꤭ꤙꤢꤧ꤬ ꤗꤟꤢꤩ꤬ꤖꤢꤨꤒꤢꤩ꤭?” ꤚꤢꤪ ꤢ꤬ ꤟꤢꤩꤏꤢꤦ꤬ ꤢꤧ꤬ꤞꤤ꤭ ꤔꤢ, “ꤙꤢꤧ꤬ ꤕꤟꤢꤦꤖꤢꤩ꤬ꤛꤢꤧꤕꤜꤢꤧ ꤔꤟꤤ ꤢꤨ꤭ꤚꤢꤦ꤭ꤢꤨ꤭ꤓꤢꤧ꤭ ꤒꤥ꤬꤯ ꤊꤢꤧ꤬ꤙꤢꤪ꤭ꤊꤢꤧ꤬ꤙꤛꤢꤩ꤬ ꤒꤢꤧ꤭ ꤢꤨ꤭ ꤒꤣ꤬ꤕꤚꤟꤢꤧ꤬꤮ ꤒꤢꤧ꤭ꤗꤟꤢꤩ꤯ ꤞꤢꤧꤕꤜꤢꤪ꤬ꤗꤤ꤭ ꤔꤟꤤ ꤜꤢ꤬ꤟꤛꤢ꤭ ꤔꤢ ꤋꤝꤥꤊꤢꤧ꤬ ꤘꤣ ꤞꤤ꤭ ꤔꤟꤤꤙꤢꤧ꤬ ꤔꤌꤣ꤬ꤒꤢ꤬ꤟꤢꤩ꤬꤯”

ꤜꤢꤨꤊꤢ꤬ 3:14 Mawu Ofanana

Matteo 8:5

Bí Byacè Jesǔ hyǎnuô̌ dố vǐ̤ Capernaum akǔ akhè̌nuô, Roma klyětôzè̤ akhuklò́ tôprè̤ hyǎkwǐ lǔ tè̤me̤cwó̤.

ꤜꤢꤨꤊꤢ꤬ 19:8

Zakeǔ ihtò rò a hé Byacè, “Byacè, myámò̌, khǒnyá̤yě vǎ ucè̌tazè̌ dố a o ná vǎ taklǎměnuô, vǎ ki dyétǎ̤kyǎ ná kayǎ sǒphásǒrya̤phú tahe. Htuô̌to ki vǎ etṳ̂̌ǒplè ǔkhu tôprè̤prè̤ kihérò, vǎ ki dyéka̤khyě khyěthyá è lwǐ̤pwí pǎ.”

ꤜꤢꤨꤊꤢ꤬ 3:10

Rò kayǎ è́prè̤ sudyǎ Giovanni, “Ki hé phúnuôrò pè̤ tǒbè me̤phútě?”

ꤜꤢꤨꤊꤢ꤬ 3:13

Rò a hésû èthǐ, “Kwǐ lahyǎ amo-arǎ phú ǔ nò̌kwǐ thǐnuô, kwǐlốkwǐklò̌ tǎ ná ǔ nò̌kwǐ thǐ nuô tǎmé̤.”

Prè̤dônyǎphú tahe 10:7

Tanémò́khuphú htecuốkyǎ htuô̌rò, Cornelio è́hyǎ prè̤me̤tè̤phú dố a hidò́kǔ thè́nyě̤ ná klyěphú tôprè̤ dố a dyaduzṳ̂́nyá̤ Cò́marya rò a lé̤zṳ̂́e ní̤dyé lǔ yětôprè̤, rò a hésoluô̌ pé̤lò̌ èthǐ ná tè̤me̤htwǒhtya htuô̌hò́ ané̤ ná è yětahe, htuô̌rò a nò̌cuố èthǐ dố vǐ̤ Joppa.

Philippi 4:11

Vǎ hé phúyě rò atǒ ná vǎ lorû̌ phúnuô má̤to, me̤těhérò vǎ myáhtyebè cò́ tè̤me̤-ané̤ ná vǎ phútětě꤮ bèbè, Cò́marya ithyó htuô̌hò́ vǎ ná vǎ ki dyamǐcyá̤ vǎ thè́plò prè́.

ꤒꤤꤒꤢꤨ 2:3

Phúnuôhò́, thyáphú prè̤mò muố̤prè̤́ tahe ki dyathudyathè́ kuô̌ a tè̤ohtwǒprè̤ dố a tǒkò ohtwǒprè̤ rò dyasǎsè̌ kuô̌ lahyǎ athè́ dố Cò́marya a o agněnuôrò, ithyóithya lahyǎ èthǐ ní꤮. Htuô̌rò èthǐ tǒbè dyání̤ ǔzo̤ to, a tǒbè htwǒní̤ htyěsípré̤ acṳ̂́ to. Ǔ tǒbè me̤tè̤ryá phútěphútě nuô, èthǐ tǒbè ithyó ǔ.

Tè̤dyéluô̌htya 12:10

Htuô̌rò vǎ ní̤huô̌ ngó̤pra̤htyashyo dố mò́khu rò a hé, “Khǒnyá̤yě Cò́marya a tè̤me̤lwóhteka̤ hyǎtuố̤hò́. Khǒnyá̤yě Cò́marya dyéluô̌ htyahò́ a tè̤pro̤tè̤prya̤ hò́. Khǒnyá̤yě Cò́marya pốtarí hekhu phú khwí tôprè̤ nuôhò́. Khǒnyá̤yě aphúkhǔ Jesǔ Krístu cáhtya pốtarí tè̤hò́. Me̤těhérò kayǎ dố a kahtò o dố pè̤ Cò́marya a mèthènyě rò a dya kayǎ dố a zṳ̂́enyá̤etè̤ yětahe a tè̤thû́ mò̤́khíkhí, mò̤́sè̌sè̌ tôprè̤nuô, khǒnyá̤rò ǔ vǐtǎ̤kyǎ lǔ hò́.