Samu 96:3 - Anatunya Buku Baepole Ole Testamene Pii Lapo dee Nuu Tesamene

³ Banya neta renge wakasa ingyuo karamo dokona lao wambu rara peparae dupwa polo lamaiyuo karalapape. Banya yulu porai wakasa wambu peparae keta piyamo dokona lao polo lamaiyuoko karalapape.

Samu 96:3 Mawu Ofanana

Samu 150:2

Banya yulu porai ingyuo piyamo dupwana lakando dokopa baa kamame andake wakasa dokona lao lakandamana.

Samu 22:27

Dopa pyuo yuu muu peparaeme liti kuki mendepe neta paa nao dee kone pupuripi peparaemepe Kamongo lao suu pyao loma soo kingi wapambupi lakao misi larami ingilyamo.

Aisaya 49:6

Kamongome namba langyuo, Nambana kendemande akali doko emba yulu andake mende retakapunu silyamo. Embame Isaraele wambu kyawa lete nyisi karaminyi dupwa iki keyange ingyuo palyuo karalu karena lao piriŋi lao laa nalyo. Dopa piramopape wambu rara peparaena lambe mendeke ingyuo karalase lao lao rombo palyaro. Dokona lao yuu muu peparaena wambu nambana lete penge kata lasaka pirami ingilyamo.

Maeka 4:2

Dokopa nakamana wambu dupwame lao, Kamongona yuu kyau ketae dokona mwua. Isaraele wambunya Anatu banya tembole anda dokona mwua. Namwa baame yulu pimili lao suu pilyamo dupwa mana langira. Baame namwa kata parami lao rombo palyakayamo dupwana parama. Kamongona mana pii dupwa yuu Jerusaleme piso epelyamo. Yuu Sayone piso banya wambu dupwa pii lamailyamo.

Sekaraya 9:10

Kamongome dopa letamo. Nambame yanda pingi mena oseme ipyuo penge uliuli Isaraele dokona singi dupwa nyuo nembo Jerusaleme rae yanda pela piso penge mena ose dupwa nyuo nembo piru. Yanda walakape minyuo yanda pilyaminyi dupwa nyuo uki aki minyinyi nembaroko. Nakamana kiŋi dokome yuu muu dupwana wambu mona kyuu lao seramo palena lao pira. Kiŋi baame ipwa kota Metiteraniane piso iso pao Kumungi Ipwa dokona para. Ipwa Yuporisa dokona piso iso pao yuu yakepe pinjingi dolapona suu lara.

Matyu 28:19

Dokona nakamame pao rara wakale wakale dupwa peparae disaepole ingyuo karena lao Rakane Ikinyingi Imambu Poo Pyasimoo dusipana kingi lao bapitisimo nyakamyuo pupwa.

Luku 24:47

Sipuraramopa banya kingi lao yuu Jerusaleme dokona kanda soo karo rara wambu dupwa peparae lamaiyuo, koo dupwa kondapala mona enenge palyuo kararaminyi dokopa Anatumi koo dupwa kame sakara, lao boo pyao papirami ingilyamo, lao pyasi palamo leya.