Samu 96:11 - Anatunya Buku Baepole Ole Testamene Pii Lapo dee Nuu Tesamene

¹¹ Yake yuupi dupwa rae maiyuo sinya. Ipwa kotape ipwa kotana bange ama rara wakale wakale silyamo dupwape poro paro lena.

Samu 96:11 Mawu Ofanana

Samu 69:34

Anatu baa yake yuupi laparaeme lakando wee kenanepe lena. Ipwa kota dee bange wasiyamo silyamo dupwa opetaeme baa lakandena.

Aisaya 44:23

Kamongome banya yulu andake pyuo lasaka pyuo banya Isaraele wambu dupwa nyiso pyuo lete nyiya dokona nakama yake panda dorenape isa yuu rapunya palenge dupwape dee imwa isape yuu kyaupi dupwa nakama pii ketae palyuo lao rae maiyuo karalapape.

Aisaya 49:13

Dokona yake pandana palaminyi dupwa kenane pyalapape. Isa yuu dokome rae maiyuo pii ketae palyuo lape. Yuu kyau dupwana piso kenane doko ipwa ingyuo langa kulimbwanyi peeyo epena. Kamongo dokome banya wambu randa nyuo karaminyi dupwa sakame kumuo mona minyarambu minyaro karara, leya.

Luku 15:10

Doko suu pyao dopa langilyu. Wambu yulu koo pingi mendakindeme koo dupwa yaki nyepala mona enenge palyuo kararamo dokopa Anatunya aŋala dupwame kando mona pyakalyuo pyao kararami leya.

Luku 2:10

Dokopa aŋala dokome nakama lamaiyuo, Paka nalapape. Wambu dupwa peparae keta mende piramopa raeko maiyuo kararami lao waili pii keyange doko minyuo epelya kande.

Orepalaisane 12:12

Dokona lao yake dokona karaminyi dupwa peparae raeko maiyalapape. Dopa piramopape nakama isa yuupi ipwa kotape koo keta palirami ingilyamo. Satane dokome banya yuu gii otala ipyasa ingi koo palyuo isa panda dokona randa maiyalana epo karamo leya.