Samu 91:3 - Anatunya Buku Baepole Ole Testamene Pii Lapo dee Nuu Tesamene

³ Baame emba yulu koo kandapa nao yalu pyuo seramo dokona randa nyere dupwape dee anga renge koo wambu pyao kuma singi dupwanape emba kyawa minyuo karara.

Samu 91:3 Mawu Ofanana

1 Kiŋi 8:37

Dopa pipala yuu dakena lopo andake seramo panda wambu peparae yanyi andake pyaramo panda poo raiya andake minyapala ee dupwa kumaramo panda aimbu malu ee naraminyi panda embena wambu dupwa nakamana nyisu petenge dupwame pyalana piraminyi panda yanyi angape nakama keta palira dokopape

Samu 124:7

Nuli nenge akalinya yaka kone makanyi palyingi dokona yaka baa kuinya palipa nao wanjingi dopale ingyuo karamano. Kone makami doko petapyasa namwa kiiramo pasi karamano.

Samu 91:6

dee kukwa anga yakane koo kisaramopa koo renge dupwame yuu yangaramo dokopa emba pyao kumakara lyamo laope dusipana pako kara napipi.

Poropepe 7:23

Dee omande sinyana malyilyaminyipa baa kumara doko see nao mee panda rapisi lao pao palipala randa nyingi dopale ingyuo wane doko baa peya.

Ekelesiyastisi 9:12

Dopa pilyamo dokona emba anjokorape embone kara nao randa nyere lao see nalene. Yaka konene lyingi dee oma sinyanana malyilyaminyipa kamenge pao palengepe dolapo suu pyao yuu gii lapo namwa see nao karo koo eparamo dokopa mee walu lao oma yakape ingyuo randa nyerama.

Emosa 3:5

Kone dokona nenge angi doko retapala pimanyi palya narami ramo dokona yaka epo lyakaro serase? Angi mende epo kone makasi dokona paa naramopa kone dokome mee petelyapala lyerase?

1 Timoti 6:9

Akali bange andake nyuo retalana suu pilyaminyi dupwa isa parami ingilyamo. Kopyali minyuo bange nyelanako suu pyarami kata dokona randa opetaeko nyerami. Randa nyeraminyipa dokome nakama nyuo sinjimu paro kokwa sinyi nembara.

2 Timoti 2:26

Dokopa Sataneme nakama rambu lapala banya kame dokona karapusi kareyamo dupwa kingi rekya lapala kapu kyuo eparamisa pira.