Samu 51:19 - Anatunya Buku Baepole Ole Testamene Pii Lapo dee Nuu Tesamene

¹⁹ Enakana angi mupwa pyao mairaminyi dokopa emba rae mairi. Mena pyao kisomaingi dupwa kandapala rae mairi. Dee bulamakao kali dupwa embena pyao kiso maingi rate dokona pyao kiso mairamiko.

Samu 51:19 Mawu Ofanana

2 Kiŋi 22:19

Nambame Jerusalemepe dee dokona wambupi dupwa randa mairunu dokona pii sepala nambana lenge kambu dokona embena koo dupwana kondome kumuo inyimungu piso embena komau minyuo kanguo ee lao petee. Nambame yuu Jerusaleme keta randa mairu dokopa wambu dupwa mona nembo pakame kumuo kandena lao piru. Dopa piru dokopa wambu dupwame yuu doko kooŋo larami. Laraminyipape nambame embena ateŋa doko sakapu.

Samu 118:27

Kamongo doko Anatu ingyuo karamo baame namwa pipya yulu elyape pipya. Nakamana kingi raka isa yoko lakao minyarami dokome kanda soo yuu andape kalya pyuo kana pyare dokona kenane pyao awali lao pyuo kararami.

Samu 34:19

Akali keyange doko keta randa malu nyilyamopape Kamongo dokome baa nyisingi.

Aisaya 66:2

Namba rangena kingi dokome yuu muu peparae pyuo wasiyu. Wambu lapome namba iki mupwa lao suu pyao pako warombo soo nakamana koo dupwa polo lao yaki nyepala inyimungu karenge dupwa kando namba epe soo karenge, letamo.

Malakae 3:3

Baa mendeme kana kulingi keyange inginya lao waso karenge dopale ingyuo yapalya yapana pela epara. Isareme kana golope kana kulingipi kiso au pingi dopale ingyuo baame epo purisi akali dupwa poo pyanyi pyambwala epara. Dokopa nakamame nakamana bange rolae keyange dupwa minyuo epo Anatu mairami.

Orome 12:1

Yangonemoo Anatumi banya sakame kumungi doko namwana lao andakyuo peyamo dokona lao nakamame poraiyuo simili lao langilyu. Nakama range lete karo dokopa Anatu kumuo maipala karalapape. Dopa pipala dokopa Anatu keta iki pyamalyuo karo baa rae mainyi pyambuo pyuo karalapape. Dopa pyuo pirami ramo kata doko Anatu angi kinyi kumuo maiyuo lao kararamisa pira.

Epesasa 5:2

Koraisa namwa mona reteyamo doko suu pyao yango mona reto karalapape. Baame mona retapala namwana lao kumuo maiyamopa rendamu kyaa keyange nyingi dopale Anatu nyiya.