Samu 2:9 - Anatunya Buku Baepole Ole Testamene Pii Lapo dee Nuu Tesamene

⁹ Embame ane pangalimi pyao kambo dee nakama pee warame wasisi pyao kambele lao piri, lapya letamo.

Samu 2:9 Mawu Ofanana

Samu 89:23

Banya yanda pimwai dupwa kalyuo inji ranji pinyi nembapala baapa epe kanda nalyaminyi dupwa pyao kumakaro.

Aisaya 30:14

Nakama pee warame wasisi poro lenge dopale ingyuo poro lao muu muu pirami. Ama kopetame poro laramopa kuki mendeme isare pee nyuo nembarami laope panda ipwa kamuo nyerami laope see nara.

Aisaya 60:12

Dopa piraminyipa wambu yuu liti lapome nakamana yulu pyaka narami dupwa pyao kokwa soo nembalu nembo nembaro.

Jeremaya 19:11

Lapala wambu dupwa lamaiyuo, Kamongo Porai Wakasa dokome lapya lape. Nambame wambu dupwa kanya pyao liti pyuo yuu taone dupwa pyao lalyuo pirunupa ipwa pee warame wasisi poro lasi dee kamba nyuo kimbu kimbu soo wasa nange dopale ingyarami. Wambu dupwame nakamana kumasi yongo dupwa yuu mendasa malu pirami ingya narasa yuu Topete dokonako malu pirami.

Daniele 2:44

Yuu gii kiŋi dusipame iso kararaminyi dokopa Anatu yake panda karenge dokome kiŋi enenge mende rombo palyuo baa mee karalu karena lara. Kiŋi wakale dupwame baa pyao anamasi minya narami. Dopa piramopape baame kiŋi doloma peparae pyao isa palyapala baa mee iso palyuo puu para.

Daniele 2:45

Embame kandene dokopa kana mende yuu kyau dokona pisapala mendeme minyanda nayaminyipa rangeme lukundo epapala anepe kone kanape warape kana kulingipi dee golopeme wasisi bange wambu yale piyamo kandee kande. Anatu Kamame Andake Wakasa dokome rengya mende pira dokona emba kiŋi andake doko lasaka pilyamo. Nambame kombeya angi emba pipinyili pyuo langilyu dee dokona renge angi kinyi rolae dusipa langyuo pilyu, leya Danieleme.

Maeka 5:8

Isaraele wambu lapo yuu wakale dupwana mende yaka yaka lao mena laene nenge koto isako imwa dupwana paenge dopale ingyuo paeyo kararami. Nakama mena sipisipi kararami dupwana sukusa pao kararaminyipa pyakala lambwapala kapuso nyepala nao rokwalya rokwana pinyi nembarami. Mendeme nyisara lao suu pyaa narami.

Matyu 21:44

Wambu kana dokona mangala pao serami dupwa pyao inji ranji pira. Piramopa kana dokome wambu mende pisiramo dokona lakao epapala dokopa pyao minjiku minyinyi nembara, leya.

Orepalaisane 12:5

Enakana wane ane porainde ane pangali nyepala wambu rara peparae iso karara doko mandeya. Dokopa wane doko waiya lao nyepala Anatunya petenge isa dokona Anatu keta kupinyi pyambuyami.

Orepalaisane 19:15

Wua gela nao mama nyingi londende akali banya kambu dokona epeya dokome rara peparae pyao nyuo isa palyara ingiya. Baame kapa ane pangali porai mende nyepala dokome rara dupwa iso karara ingiya. Baa Anatu Ama Porai dokona imbu singi doko makande minyuo waene kalyuo pyarakwuaramo dokopa waene ipwange poro lao neta epara.