Samu 19:14 - Anatunya Buku Baepole Ole Testamene Pii Lapo dee Nuu Tesamene

¹⁴ Kamongo, namba kyawa lete nyepala lete wai pyao nyingi. Dokome nambanapii dee suu pingipi dolapo embame angi lalyane lao soo nyakape.

Samu 19:14 Mawu Ofanana

Jopo 19:25

Dopa pyuo lapunupape akali kamame wakasa mende yake panda dokona karamo dokome lumwa pyuo epapala namba pyuo nyera lao soo otelyo.

Samu 104:34

Nambana rae maingi renge doko baa keta epenge dokona nambame kenane pyaro dokome baa epe sinyale.

Samu 119:108

Nambana sangyu lao leto pii doko Kamongo embame soo nyepala embena mawa pii dokona mana langipi.

Samu 51:15

O Kamongo, pii mora piso nyisape. Dokopa nambame embena kingi lakandarowale.

Poropepe 15:8

Akali keyange mona angi palenge dupwame ateŋa letaminyi dokopa Kamongo doko rae maingi. Dopa pilyamopape akali koo pingi dupwame mena pyao kiso mailyaminyi dokopa baame epe kanda nange.

Aisaya 43:14

Isaraelena Anatu poo pyasi nakamana Kamongo nyiso kyawa lete nyingi dokome lao, Nakama nyiso kyawa lete nyuo nambame ami yanda singi dupwa yuu Bapilone pyala pena lao peyaro. Nambame yuu taonena kame kambu dupwa pyao lalyapala dee Bapilone wambu pii poraiyuo lao mambo pyao karaminyi dupwa dee nyuo ee lena lao piru.

Aisaya 44:6

Kamongo baame Isaraele wambu dupwa iso kyawa minyuo karenge doko Kamongo Porai Wakasa dokome pii dake palipyasa lalana letamo. Kama wambowana nambako kareyo doko lumwa pyuo dokopa namba kararoko. Anatu mende mendasa kara nange. Anatu doko nambako iki karenge.

Aisaya 54:5

Bange peparae pyuo wasiyamo doko embena akalingi mendeke ingyuo karara. Dokona lao Kamongo Porai Wakasa letamano doko banya kingi dokosa lenge. Isaraele wambunya Anatu poo pyasi dokome nakama nyiso kyawa lete nyera. Doko baa yuu muu peparaena mupwa ingyuo karamo.

Orome 15:16

Anatumi rara menge dupwana lao Yesu Koraisana kendemande yulu jiyamo dokome paka napala pepa dake pyao jilyu. Nambame Anatunya waili pii keyange doko polo lamaiyuo purisi yulu dokona pyuo karapusa pilyamo. Nambame dopa pyuo pilyu dokona rara menge dupwa epo Anatu kumuo mairami ramo dokopa Anatumi nakama nyera ingilyamo. Nyeparamopa Imambu Poo Pyasi dokome nakama nyuo Anatu keta pyamalyara.

1 Tesalonaika 1:10

Banya Ikinyingi baame lopo nyiyamo doko yake panda piso lupyuo eparamo doko isaro karaminyi. Yesu eparamo dokopa Anatunya kote andake palira dokona namwa nyiso kiiramo nyera.

Taitesa 2:14

Koraisame baa namwana koo dupwana kumuo jepala namwa baa rangena wambu kipungi poo pyasi inginyi pyambuo kiiramo nyiya dokome yulu keyange dupwa angingyuo pinya suu pyao pimana.

Ipuru 11:4

Epolome Anatu kapa ingingi lao suu piyamo dokome banya mena kiso maiyamo doko Anatu yakaŋa lao nyiyamopa Kenena kiso maiyamo doko mee ingyuo peyapya. Epolome Anatu kapa ingingi lao suu piyamo renge doko minyuo Anatumi baa rolaeŋe leya. Epolo kumuo peyamopape banya pii lasi doko mee silyamo.

Ipuru 13:15

Anatu keta kyaa piramo karena lao namwana kambumi kaeya nao lakandamana. Dopa pyuo pirama ramo doko Yesu keta Anatunya kingi doko kulisa palyuo laramanosa pira.

1 Pita 2:5

Nakama opetae lete palengena kana pote isa ingyuo paraminyipa Anatumi Imambunya andaŋa lao nakama wasalana suu pilyamo. Nakama purisinya rara poo pyasi dokona yulu pyuo kararami ingilyamo. Pyuo karo Anatu rae mairali dupwa Imambunya yulu dokona suu pyao Yesu Koraisa keta rendamu pyuo kiso maiyuo karalapape.

Orepalaisane 5:9

kenane enenge mende dopa lao piyami. Embame iki kapa ingyapyamopa buku rongo pisi doko nyepala bange porai upi laro palenge dupwa kapa rokwanyi nembare ingilyamo. Emba pyao kumakayamisa embena ranjama dokome wambu dupwa Anatunya lao ropo pyao nyepala kinyi rara wakale wakalepe pii wakale ingyuo lengepe dee wambu rara peparae Anatunya arapunya nyuo palyii.