Samu 16:10 - Anatunya Buku Baepole Ole Testamene Pii Lapo dee Nuu Tesamene

¹⁰ Rengedoko embame namba kumunginya porai renge doko neta nembo kyawa minyilini. Embame mendali mona retenge doko wambu kumasi palenge dokona nemba nangepya.

Samu 16:10 Mawu Ofanana

Samu 139:8

Yake panda pulyuo paroramo dokopa emba dokona karareko ingilyamo. Dee kumuo yuu koko paliru ramo dokopa emba dokona karareko ingilyamo.

Samu 49:15

Dopa piramopape Anatumi namba kyawa minyara. Baame namba kumungi rengena porai dokona piso kingi rekya lao nyera ingilyamo.

Daniele 9:24

Ee kana andete kisima ipisu akalisa mange mendaki (490) epo paparamopa Anatumi embena wambupi embena yuu taone poo pyasipi koo keta moko nyero lao rombo palyiya. Yuu gii dokopa koo dupwa kame sakaramo dokopa wambu dupwa rolae pyuo karalu kararami. Dopa piramo dokopa pii repa repa piinyi dokope dee rengya mende pira lao poropeta pii leyamo dokope angi kinyi ingyuo para. Paramo dokopa tembole anda doko dee yapasi ingyuo karara.

Lipitikase 19:28

Nakama yongo kamu kepaope dee enda akalipi mende kumuyami kande dokopa yanenge kunjowape pii narami. Namba doko Kamongo karapunu pilyamo.

Emosa 9:2

Akali lapome namba yaki nyuo pao yuwale kyaso ama kumungi wambu palenge dokona kando nyeramopape nambame nakama pao minyarapala nyero. Dee wambu dupwa yake panda pulyuo pao otaraminyipape nambame nakama isa ipyuo nyero.

Luku 1:35

Leyamo dokopa aŋala dokome baa lamaiyuo dopa leya. Imambu Poo Pyasi emba keta maralyara. Ama ketae karamo dokona renge porai doko emba sembara. Dopa piramo dokona wane manjiri doko Poo Pyasi Anatunya Ikinyingi larami, leya.

Luku 16:23

Malu piyaminyipa baa panda Atisi lenge dokona randa nao piso, lenge pendakae lapala Aporakame nanesale paleyamopa Lasarasa banya arapu dokona paleyamo kandeya.

Luku 4:34

Aa, Yesu Nasarete range embame namwa apa pinya lao pilinyi? Embame namwa kokwa sela epase? Emba apipi lao namba silyu. Emba Anatunya Poo Pyasi Akali, leya.

1 Korina 15:42

Kumasi dupwa sipuro eparaminyi piramo dopale ingyuo para. Yanenge doko malu pingi dokopa mee rumbyara ingilyamo. Dee angi sipuro epenge dokopa letena karalu karara ingyuo epenge.

Dutaronome 32:22

Nambana imbu singi dokome isare kekenge ingyuo boletoko lapala isa yuunya bange peparae rara. Dopa pyuo rao isa yuu koko dono kando nyepala yuu kyau dupwana pingi moko minyuo rara.

Orepalaisane 1:18

Namba lete karenge akali ingyuo karo. Kanda. Namba kumuya kande doko nambame mee lete karo puu paro ingilyamo. Wambu kumaraminyipape Satane panda paraminyipape dolapona kii namba keta palamo.

Orepalaisane 20:13

Enakana ipwa kotana kumuo peyami dupwa neta epeyami. Dee yuunya kumasi dupwape imambu kumuo penge panda dokona peyami dupwape neta epeyamiyoko. Epapala aki yulu mende piyami lao dupwana minyuo kote lao roleyami.