Samu 148:4 - Anatunya Buku Baepole Ole Testamene Pii Lapo dee Nuu Tesamene

⁴ Yake kamame ketae dorenape dee ipwa yake dulurena ketaerena silyamo dokomepe baa lakandena.

Samu 148:4 Mawu Ofanana

Jenesese 1:6

Dokopa Anatumi lao, Yake doko ipwa pipa lili pyuo sinya leya. Leyamuli pyuo lili piya.

Jenesese 1:7

Dopa pyuo ipwa ketae isapana palyuo yake kanya koenya reteya.

Jenesese 7:11

Noa banya ee kana 600 epo papeyamopa kana lama dokona yuu gii akalisa ipisu yanda ipingi nyepo mange dokopa ipwa koko dupwa pulipyao neta epo yake kata lumbuyamopa apu isa epeya.

1 Kiŋi 8:27

Dopa piramopape Anatu, emba kinyi angingyuo isa yuu dakena palyuo karo pilisi? Yake peparae emba kapa karare ingya nalyamo. Dokona apa pipala emba tembole anda piyunu dakena kapa kararese?

Niyamaya 9:6

Isaraele wambu dupwame ateŋa dake piyami. Kamongo doko embako iki Kamongo ingilyamo. Embame yakepe yakena buipi pyuo wasii. Embame yuupi ipwa kotape bange silyamo dupwa peparaepe embame pyuo wasii. Bange dupwa peparae embame letena renge maii. Aŋala yake panda karaminyi dupwame emba lao pangu soo lakandenge.

Samu 69:35

Baame yuu Jerusaleme doko nyiso Juta wambunya taone dupwa dee kamba pyakamira dokopa banya wambu dupwa dokona yuu rombo pyao nyuo nao palirami ingilyamo.

2 Korina 12:2

Kurisene akali mende yake panda ketae dulurena lanyuo peyamo doko silyu. Yuu wamba ee kana akalisa ipisu kisima dokopa piya. (Doko kinyi angi piyase panda kombeyame ingyuo pii repa repa piyase lao see nalyo. Anatu baa iki soo gisilyamo.)

Dutaronome 10:14

Yake ketae silyamo dokope isa yuu dokope dee isa yuu dakena bange peparae silyamo dupwape Kamongona.