Samu 132:5 - Anatunya Buku Baepole Ole Testamene Pii Lapo dee Nuu Tesamene

⁵ Dopa pyuo pao Kamongo karara yuu dokope dee anda Isaraele wambunya Anatu Porai doko palira anda doko maipala dokopa luu palyuo nenge nao kame sero.

Samu 132:5 Mawu Ofanana

2 Samyuele 6:17

Nakamame bokote doko minyuo papala Dapitimi kapa seraŋa lao komau anda piyamo dokona reteyami. Retapala enakana baame mena pyao kiso dee Kamongopa nakamape malu palyuo yalya kando piso maiyuo piyami.

2 Samyuele 7:1

Kiŋi Dapiti banya anda dokona kapa palu pisipiyamo dokopa Kamongo dokome banya nyisu petenge dupwame pyasasaramiŋi lapala nyiso kyawa lete nyiya.

1 Kiŋi 8:17

Lapala Solomoneme deeko lao, Nambana rakane Dapitimi Isaraele wambumi Kamongo Anatu lakandarami lao tembole anda mende pinya lao rapa rapa piya.

1 Kiŋi 8:27

Dopa piramopape Anatu, emba kinyi angingyuo isa yuu dakena palyuo karo pilisi? Yake peparae emba kapa karare ingya nalyamo. Dokona apa pipala emba tembole anda piyunu dakena kapa kararese?

Aisaya 66:1

Kamongome lao, Yake doko nambana kiŋinya isa petenge rate silyamo. Isa yuu doko nambana kimbu kararo petenge. Anda apiyakale mende pyakaramisi? Yuu anjukundena namba palirusi? letamo.

Epesasa 2:22

Nakama opetae Koraisa keta kimbu silya sana pyuo pisi karaminyi. Anda pisi doko Anatu Imambu dokopa paleta karenge.