Samu 122:6 - Anatunya Buku Baepole Ole Testamene Pii Lapo dee Nuu Tesamene

⁶ Jerusaleme doko mona kyuu lao seramopa petena lao ateŋa lakamipwape. Wambu Jerusaleme mona nyilyaminyi dupwa yuunya amenge doko nao sikya piramo petenale.

Samu 122:6 Mawu Ofanana

Jenesese 12:3

Wambu lapome emba elyape keta pisarami dupwa nambame nakama elyape ketako pisaro. Dopa pirunupape wambu lapome emba koo keta palyarami dupwa kooko keta palyaro. Wambu rara wakale wakale dupwa embapa lapolapo lao elyapeketa pisirami, leya Anatumi.

Samu 51:18

Anatu, embame anjiki pipala yuu kyau Sayone doko nyisape. Jerusaleme kame doko kamba piri.

Nambase 24:9

Mena laene porai luu palenge dokopa mendeme pyaleta nange doko suu pyao Isaraele wambu dupwa dopale ingingi. Wambu mendeme Isaraele elyape keta pisiramo doko elyape ketako pisira. Wambu mendeme Isaraele randa mairamo dokopa randako baa nyera.

Jone 17:21

Nakama peparae mendaki ingyuo karamili lapala ateŋa lakamilyu. Isa wambu dupwa emba namba mapanyi peelyamo lao suu pinya lapala Rakane emba namba keta karapinyipa dee namba emba keta karo doko suu pyao nakama opetae nambwa keta karamili lao suu pyao leto.

Epesasa 4:3

Imambumi nakama mona mendare palyingi dokome nakama mendakinya ingyuo anjala anjala paramopa yalya kando kararama lao poraiyuo suu pyao karalapape.

2 Tesalonaika 3:16

Kamongo Yesu baa range mona kyuu lao singi renge renge kuiyuo karenge dokome baame randa wakale wakale eparamopape panda rae maingi renge eparamopape yuu peparae nakama mona kyuu lao singi renge jinya. Kamongo Yesu nakama pipya role pyao karena.

1 Jone 3:14

Namwame yangonge dupwa mona reto karamano dokona kando namwa mona doko kumasi ingyuo kareyama doko pyakuiyuo nembapala mona kyaka palipyamo karamano lao soo gisilyamano. Mendeme mona reto kara nara ramo doko mona doko kumasi ingyuo kararamosa pira.

1 Samyuele 12:23

Namba nakama ateŋa lakaro ingilyamo. Dopa pii naro Kamongo kando koo pirusa pira. Dokona lao nambame nakama yulu rolae keyangepe dupwana pilapa lao mana langiru.