Samu 118:17 - Anatunya Buku Baepole Ole Testamene Pii Lapo dee Nuu Tesamene

¹⁷ Namba kuma naro. Kumungi kandale doko suu pyao lete karapala Kamongome apa pyakalyamo dupwa polo lamairu.

Samu 118:17 Mawu Ofanana

Samu 107:22

Nyisiyamo dupwana peparae suu pyao banya kingi lakandelyamano lao dokopa sangyu lao mena pyao kiso maiyuo dee kenane rae maiyuo pingi dupwa pyao kararami.

Samu 145:4

Embame piinyi dupwana wane manjo parami dupwame kaeya nao lao puu pao parami. Nakamame embena yulu keyange porai piinyi dupwana polo lamairami.

Samu 40:10

Lete wai pyao nyiyamo doko namba yeelyo iki sepala kaeya napu. Nambame yuu peparae embena yulu keyange pyuo nyisilini dupwa lamaiyuoko karenge. Embena wambu dupwa wato letaminyi yaka lao namba roma napyuo pisa nange. Emba alowa pii nao mona reto puu pelene dokona lao lamaiyuoko karenge.

Samu 40:5

Kamongo Anatu embame namwana renge malu pyakao karenge. Emba yale mende kara nalyamo. Embame rengya keyange nyera dupwa peparae rapa rapa pyakalene. Namba embena yulu peparaena lao lapuli doko yulu malu mee sipyamosa saka naro ingilyamo.

Samu 73:28

Dopa pyuo karena lao namba range doko Anatu embapa lungwa lungwa pyuo kararo doko keyange lao soo nyuo karo. Kamongo Mupwa Andake Wakasa namba kyawa minyaramopa banya yulu pilyamo dupwa polo lao kararo.

Apakuku 1:12

Kamongo emba ene lokoyamopa baa Anatuko karee. Emba nambana Anatu poo pyasi lete karalu karenge. Kamongo nambana Anatu namba kyawa minyuo karenge dokome Bapilone wambu dupwa namwa randa jinya lapala porainyi pyambuo rombo palyuo pii.

Jone 11:4

Dokopa lamaiyambinyi pii doko sepala Yesumi dopa leya. Anga dokome kumarande daa. Anga doko mee ingyarasa wambumi Anatu lakandarami ingilyamo. Lakandarami dokopa banya Ikinyingi doko opetae ketae pyambusi kararamosa pira.