Samu 104:1 - Anatunya Buku Baepole Ole Testamene Pii Lapo dee Nuu Tesamene

¹ Nambana imambu dokome Kamongo lakandape. O Kamongo, nambana Anatu, emba kamame mupwa wakasa. Kingi ketae pao kingi neta renge ingyuo karo pingi dopale emba ketako paleta karenge.

Samu 104:1 Mawu Ofanana

Samu 103:22

Yuu baame isilyamo dupwa peparaena kata papingi bange peparae Kamongo wasiyamo dupwame baa lakandarami. Dopako pyuo namba Kamongodoko lakandarowale.

Samu 104:35

Wambu yulu koo pingi dupwa isa yuu dakena koo keta palyuo penale. Yulu koo pingi wambu dupwa dee pii nanale. Nambana imambu dokome Kamongodoko lakandape. Banya kingi doko minyalyuo lakando palena.

Samu 145:3

Kamongo doko wakasa ingyuo dokome kamame ulipili lakandapengele ingilyamo. Baa mupwa wakasa ingilyamo doko mendeme kapa soonyepa nara.

Samu 93:1

Kamongo baa kiŋi. Banya kingi kamame nyilyingi dokomepe porainya renge dokomepe range komau ingyuo pee pipala karamo. Isa yuu dake reteyamuli pyuo porai wakasa ingyuo romo pii nao sulu soo singi.

Samu 95:3

Kamongo baa doko Anatu porai ingyuo karamo. Dokona lao baa kiŋi mupwa isame bange wasisi anatuŋu lao dupwa nyuo isa palyuo karamo.

Samu 96:6

Banya neta renge yulupi kingi kamame nyilyingi dokope baa keta soo awali lenge. Banya porainya rengepe keyange rengepe banya tembole anda dokona soo simbwualyamo.

Jeremaya 23:24

Mendemepe nambame kanda naro panda mendena yalu pyuo kara nara. Namba yake panda dorenape isa yuu panda darenape peparaena kapa kapa pyuo karo doko emba see nalese?

Daniele 7:9

Namba kandeyono dokopa petenge isa dupwa singinyili pyuo reteyamo kandeyo. Dokopa mendali palu karalu karenge doko baa petenge isa mendena peteya. Banya komau doko ama kewa wakasa lao randake kapa yale dee banya kyawa doko puu ulu karo pisa nange dopale. Banya petenge isa dokona isare uliyapu ingyuo rao dee isa petengena kimbu ipyuo minyuo penge dusipana isare ingyuo rao piyako.

Daniele 9:4

Nambana wambu dupwana koo dupwa kame sakaminya lao nambana Kamongo Anatu kando ateŋa lakamiyu. Nambame lao, Kamongo Anatu emba kamame andake. Namwame emba ketae pyambuo rape rape lao lakando karamano. Emba embena kana minyuo lalu lao lenge pii doko suu pyao minyaro karenge. Dee wambu lapome emba mona reto embame pii lengenyili pyuo pingi dupwa embame mona retalu reto retenge.

Apakuku 1:12

Kamongo emba ene lokoyamopa baa Anatuko karee. Emba nambana Anatu poo pyasi lete karalu karenge. Kamongo nambana Anatu namba kyawa minyuo karenge dokome Bapilone wambu dupwa namwa randa jinya lapala porainyi pyambuo rombo palyuo pii.