Samu 103:17 - Anatunya Buku Baepole Ole Testamene Pii Lapo dee Nuu Tesamene

¹⁷ Dopa pyuo pelyamopape wambu baa kingi ketaepyambuo lakandaraminyi dupwa Kamongona mona retenge doko nakama keta sulu soo singi.

Samu 103:17 Mawu Ofanana

Samu 100:5

Kamongo doko keyange. Baame namwa kulisa palyuo mona reto karalu karenge. Baame namwa yaki nyii nao namwa keta keyangeko pyuo puu penge.

Samu 118:1

Kamongo baa elyapeko doko karapyamopa banya mona retenge doko kulisa ingyuo silyamo dokona baa kando ange lao karamana.

Samu 22:31

Kamongome banya wambu dupwa nyiso kyawa lete nyiyaŋa lao laraminyi doko wambu ene manjipa nalyaminyi dupwa manjirami dokopa serami.

Samu 90:16

Namwa embena kendemande dupwame embenayulu doko porainya renge kuiyuo pirinyipa kandenale. Namwana jingi parape dupwame embena neta rengena yulu porai doko kandenale lao piri.

Ekesetase 20:6

Dopa pirunupape wambu malu mee namba mona retapala nambana mawa pii dusipa minyaro kararaminyi dupwa nambame mona retalu reto retenge.

Aisaya 41:8

Dopa pyuo karaminyipape Isaraele dupwa nakama nambana kendemande wambu. Nambana puu minying akali Aporakamena para pyasi dupwa nambame nakama rombo palyuo nyiyu.

Aisaya 46:13

Namba pyao mata kyakao nyero yuu gii doko oo repeta minyuo epelyo panda londesa see nalyamo. Nambame anamasi minyuo pyuo nyero yuu gii doko oo repe repe pyuo retelyo. Nambame yuu taone Jerusaleme doko nyiso pyuo nyuo Isaraele wambu dupwa dokome kingi ketae palyinyi nembaro, leya Anatumi.

Jeremaya 31:3

namba nanesale karo nakama keta nolakayo. Isaraele wambu dupwa nambame nakama yuu peparae mona retengenyili pyuo nambana mona reto retenge puu penge renge doko lasaka pyuo karalu kararo.

Daniele 9:24

Ee kana andete kisima ipisu akalisa mange mendaki (490) epo paparamopa Anatumi embena wambupi embena yuu taone poo pyasipi koo keta moko nyero lao rombo palyiya. Yuu gii dokopa koo dupwa kame sakaramo dokopa wambu dupwa rolae pyuo karalu kararami. Dopa piramo dokopa pii repa repa piinyi dokope dee rengya mende pira lao poropeta pii leyamo dokope angi kinyi ingyuo para. Paramo dokopa tembole anda doko dee yapasi ingyuo karara.

Maeka 6:5

Nambana wambu dupwa nakama keta kiŋi Beleke yuu Moape range dokome mende piruna lao lao palyiyamopa Belame Beona ikinyingi dokome baa isingi apa lamaiyape lao suu pyalapa. Dee yuu taone Akasiya dokona piso pao yuu Gilikale panya penge kata dokona yulu mende piya kande doko nakama masalapapeko. Yulu dupwa suu pyapala nambame nakama keta apa pyuo lete nyelana mende piyu doko soo gisarami.

Orome 1:17

Anatumi waili pii keyange dokome namwa apa pyuo banya lenge kambu dokona rolo kararami lao lasaka pyuo karamo. Doko wambu Anatu kapa ingingi lao suu pingi kata dokome iki rolae ingyuo parami. Kata wakale mendeme rolae ingyuo paa narami. Anatunya buku Baepole lao, Mendali kapa ingingi lao suu pyara dokome Anatupa rolae ingyuo paramo dokopa baa letena renge nyera letamo.

Orome 15:8

Koraisana baa Juu dupwana kendemande akali ingyuo epeyamo doko Anatumi yaki nyii nao karalu karamo lao lasaka pyuo kareya. Doko Anatumi Aporakame, Aisake, Jekopemoo pipya lao kana minyiyamo doko angi ingyuo peya.

Dutaronome 10:15

Dopa piyamopape Kamongome nakamana rora ambasu dupwa mona wakasa reteyamo dokome baame wambu rara menge lapo rombo palyapengele doko kaepala nakama rombo palyiya. Rombo palyiyamo dokona banya rombo palyisi wambuko mee petaminyi.

2 Timoti 1:9

Baame namwa lete wai pyao nyepala banya ingyarami lao kyakale leya. Doko namwame range yulu keyange piyamande daa. Baa rangena suu piyamuli pyuo mona keyange palyuo ipyapala kyakale lao rombo palyiya. Yuu ene wasaroŋo lao karo dokopa Koraisa Yesu keta mona keyange palyuo ipingi doko joo kaeya.

2 Pita 1:1

Namba Saimone Pita Yesu Koraisana aposele akali dokome banya kendemande yulu pyuo karo. Anatu Lete Wai Pyao Nyingi Yesu Koraisapa rolae pingi dolapome Kurisene suu pingi keyange maiyamo yango dupwa keta pepa dake pyao jilyu.