Poropepe 8:5 - Anatunya Buku Baepole Ole Testamene Pii Lapo dee Nuu Tesamene

⁵ Emba nyaŋa ingyuo karee kande doko suu pingi ando oto kando suu pyao karape. Emba kopyali ingyuo karee kande doko kando mona palenge ingyuo karape.

Poropepe 8:5 Mawu Ofanana

Samu 19:7

Kamongona mawa pii dupwa nyisu yakunaipi pisa nao singi dokome wambu enenge ingyuo porai renge maingi. Kamongona mawa pii dupwa soo nyepala karapenge ingilyamo dokome yangilyamo karelyaminyi wambu dupwa singinya renge maingi.

Poropepe 1:22

Mona palenge singinya renge dokome wambu ingyuo pii dapa pyuo letamo. Mona pali nange wambu dupwa yuu gii akipare mona pali nange ingyuo karalana suu pilyamisi? Yuu gii akipare soo nyingi wambu dupwa kando meeŋe lao giyalya giyana pyuo nyuo mambunya palyuo kararamisi? Anjokorape mana nyelana pyuo kararamisi?

Poropepe 1:32

See nange wambu dupwa mona palenge ingyuo kara namwali lao suu pyapala kumasi ingyuo karaminyi. Wambu angi rolae suu pyaa nao mee male male lao kopyali ingyuo palyuo karo pingi dupwa kwaeyo paramisa pira.

Poropepe 1:4

Dokonako ingyuo sepa narami dupwame mana pii palamo dokona mana nyepala kendepuli ingyuo pirami. Dee wanyane akali dupwame mana nyepala dopa pipengelelyamo lao range koto nyuo pirami.

Poropepe 8:12

Namba mona palenge singinya renge dokome soo gisinginya renge doko namba keta palenge. Dee soo nyinginya renge palengeko dokome namba kote dupwa rolae ingyuo singi.

Poropepe 8:4

Wambu dupwa nambame nakama poraiyuo piso sokondali pilyu. Nambame isa wambu peparae kando kee leto.

Aisaya 42:13

Kamongo ami yanda singi porai paka nao kyawame suu lao yanda pela panya karengenyili piru karamo. Baa yanda pinya mata kui lapala rapa rapa piru karamo. Baame yanda lakana lao pyuo karamo. Banya porai renge doko dopakaleŋe lao yanda pimwai dupwa pyao lasaka pira.

APOSELENA YULU 26:18

Nakama lenge rapala iminjapya dorena karaminyi doko kapu kyepala yangara dorena kando karo Sataneme porai ingyapala puu maipyamo pyuo karaminyi doko kaepala Anatu suu pyao karena lao lamaiya pare. Dokome nakama kapa ingingi lao suu pyaraminyi dokopa Anatumi nakamana koo dupwa kame sakamairamopa nakama banya wambu yapasi ingyuo sukusa epapala kararami.

1 Korina 1:28

Baame mee wambumi kando nembo mupwa daaŋa lapala koo ingilyamo laope dee kwao silyamopa lao suu pingi dupwa Anatu rombo palyuo nyingi. Dopa pyuo dokopa baame mee wambumi mupwa lao suu pingi dupwa nyuo kokwa singi.