Pilipai 1:8 - Anatunya Buku Baepole Ole Testamene Pii Lapo dee Nuu Tesamene

⁸ Yesunya kondange renge dokome namba pyapyamopa nakama kandowane lao suu pyao kinyi kondo karapala letene lao Anatu baa kandapyamo leto.

Pilipai 1:8 Mawu Ofanana

Aisaya 63:15

Kamongo embena yake panda poo pyasi neta renge yuu dokona palyuo karene dokona karo namwa kandanyi peyo kandape. Embena namwa poraiyuo suu pingi doko anja silyase? Embena porai renge doko anja silyase? Embame namwa mona reto kondange renge doko anja silyase? Namwa pipya kandele kanda nale laa napipi.

Jeremaya 31:20

Isaraele nakama nambana wane mona wakasa retenge ingyuo karaminyi. Wane nambame mona angingyuo retenge dupwa nakama iki. Yuu lapo nambame nakamana kingi dokona arome pyao dokopa nambame nakama mona reto suu pyao lenge. Nambana mona doko nakama keta silyamo. Nambame nakama sakame kumuo kararo.

Luku 1:78

Namwana Anatu anjiki pipala namwa kondo sakao nyisaramopa, neta renge akali namwa kiiramo nyera doko epena lara.

Orome 1:9

Namba Anatu iki lao suu pyao karapala banya Ikinyingi dokona lao waili pii keyange kaeya nao lao karo. Namba kinyi kinyi yuu peparae nakama suu pyao ateŋa lakao karo doko Anatumi soo karamo.

Orome 9:1

Namba Koraisana ingilyamo dokome kyambo laa nalyo. Pii dake ama kinyi leto. Imambu Poo Pyasimi nambana monarena suu pingi dokona iso karamo. Dokona namba kinyi rolae leto doko soo gisilyu.

2 Korina 13:9

Nakama porai ingyuo karelyaminyipa namwa mee karapala rae maingi. Nakama koo mende pii naraminyipa yapasi ingyuo pisirami lao ateŋa pyakalyamano.

2 Korina 6:12

Namwa nakama pipya suu pingi mendaki palyamana lao suu piyamanopape nakama dopa lao suu pyaa nayami.

2 Korina 7:15

Baa epeyamo dokopa nakama banya pii warombo sepala lakanda minya minya pyuo yako lao sukusa nyiyami doko suu pyaro karamo. Dopa pyuo piyamisa baa nakama angingyuo mona jilyamo.

Galasia 1:20

Pii pyao retelyo dake kinyi. Kyambo laa nalyo doko Anatu soo karamo.

Galasia 3:26

Yesu kapa ingingi lao suu pingi dokome nakama peparae Anatunya ikinyingi ingyuo Koraisa Yesunya arapunya karaminyi.

Galasia 4:19

Namba role pyao karo dokopa iki dopale pirami ramo doko kapa inya nara. Nambame nakama nambana wane ingyuo mona retenge. Nambame nakamana lao endame wane manjinya mata pingi dopale ingyuo randa nyuo Koraisa karenge doko isa komba pyao nakama dokona maralyaramo dokona kaero.

Pilipai 2:1

Nakama Yesu Koraisana arapu dokona karami dokome porainyi pyambulyase? Banya mona retenge dokome nakamana mona poraikalyase? Nakama Imambupa role pyao yalya kando karamisi? Nakama mendali mendali anjiki pyuo mona reto pyuo karamisi?

Pilipai 2:26

Baa nakama peparae kandapuli yaka lao letamo. Nakama baa anga pyalyamo lao siyami. Siyaminyi dokona baa mona randalyamo.

Pilipai 4:1

Nambana Kurisene yango dupwa. Nakama porai ingyuo Kamongona arapu dokona dapale ingyuo karalapape lao langilyu. Namba nakama mona reto kondalyo. Namba keta yulu keyange pyuo pisaminyi dokona rae wakasa maiyuo nakama lakandelyo.

Kolosi 2:1

Nambame nakamape Leotosia rangepe dee wambu lapo namba kanda nange yuu wakalena petengepe dupwana lao yulu andake pyakamyuo karo leto.

Kolosi 3:12

Nakama Anatu rangena rombo palyuo kaeyasi wambu karaminyi. Baame nakama mona retapala rangena lao rombo palyiya. Dokona lao nakama wambu yango kando sakapala anjiki pyuo karo range inyimungu kararami. Mee pau lao maka nao pyuo karalapape.

1 Tesalonaika 2:5

Pii isa isa panga panga paeyo lao dee pii wakale lao nyipuli nyipuli lao epa nayama. Nakama angi silyaminyi. Anatumi pii letamano doko soo karamo.

1 Tesalonaika 2:8

Namwame nakama mona reteyamano dokona Anatunya waili pii keyange doko langiyama. Doko iki langiyamande daa. Namwame nakama mona reto kareyamano dokome nakama kumuo jelana suu pyao kareyama.

2 Timoti 1:4

Namba embena ee leene dupwa suu pyapala kandapulimi kumulyu dokona epo emba kandapala dokopa raeme kumaro.

Pilimone 1:12

Baa keta nambana mona doko yukwaro karapyamopa role pyapeta epapu baa emba range keta mapanyi peeyakalyo.

Pilimone 1:20

Kinyi yangone Kamongona reke lao embame namba rae mainyi pyambwape. Embapa nambapa Koraisana akali karambano. Renge dokona embame namba mona keyange palinyi pyambwape.

1 Jone 3:17

Mendeme isa bange malu reto kararamo dokome yangonge mende aeya naramo kararamo kandapala baa mona kendapala maiya naro lao suu pyara ramo doko baa apa pyuo banya monarename Anatunya mona retenge renge palipyamopa karo larase?