Orome 16:20 - Anatunya Buku Baepole Ole Testamene Pii Lapo dee Nuu Tesamene

²⁰ Anatumi mona kyuu lao singi renge jingi dokome Satane nyepala nakamana kimbu yukuna dokona kalyuo anamasi minyakara. Namwana Kamongo Yesunya mona keyange palyuo ipingi doko nakama keta palena.

Orome 16:20 Mawu Ofanana

Jenesese 3:15

Dokopa enda embapa imbu singi nyuo pisipwape, laro. Nakambana wai kiso nyerambi dupwa dopako pyuo pyakando pyuo puu parami. Baame embena ayemba kalyuo pyarakwara. Embame banya kimbu yukuna nao kumuo pyareko, leya Anatumi.

Jopo 40:12

Kinyi, nakama range ketae pyambuo karaminyi dupwa kandapala isa nyepe. Koo pyuo karaminyi panda dokona nakama pyao kokwa sepe.

Aisaya 63:3

Kamongome isingi lao, Nambame yuu muunya wambu rara peparae alemakai minyuo kingili lao kalyuo injo rambetaku piyunu dokopa mendemepe epo namba nyisa nayami. Dopa pyuo nambana imbu singi paleta nakama kalyuo injo rambetaku piyunusa nakamana ranjama dokome nambana komau peparaena alemakai kii ingyuo kaeyo nyiya.

Malakae 4:3

Kamongo Porai Wakasa dokome lao, Yuu gii nambame mende pirunu dokopa nakamame koo pingi dupwa anamasi minyapala nakamana kimbu kape isarename sinjimu petamo dopale ingyarami, leya.

Matyu 4:10

Dokopa Yesumi baa dopa lamaiya, Satane, emba puu. Buku Baepole dokona dopa lao pyasi palamo, Embena Kamongo Anatu baako suu pyao mona kando kingi lao karare. Banya yulu iki pyuo karalapape leya.

Luku 10:19

Nakama kaupi popokyalyape meme pyuo yanda pimwai dupwana porai doko nyuo anamanyi nembo karamiŋi lao porai renge doko joo kaelyo kande leya. Dokona mendeme nakama ukiaki minya nara.

Orome 15:33

Anatumi mona kyuu lao singi renge jingi doko nakama pipya karena lao leto doko kinyi.

Orome 16:23

Akali Gayasa namba nenge joo rapu pyuo dee banya anda dokona wambu misi lala penge dokome opetae nakama yako letamo. Irasatasa yuu anda malu karenge dakena gapomanena kusi kusi dokopa namwana yangonge Kuatasapame opetaeko yako letambinyi.

Orome 16:24

Namwana Kamongo Yesu Koraisana mona keyange palyuo ipingi doko nakama peparae keta palena. Kinyi.

Orome 8:37

Dupwana mona nemba namanale. Dupwa peparae Yesu namwa mona reteyamo doko keta nyuo anamasi minyuo kaeyama.

1 Korina 16:23

Kamongo Yesunya mona keyange palyuo ipingi renge nakama keta palena.

Galasia 6:18

Nambana yangonemoo namwana Kamongo Yesu Koraisana mona keyange palyuo ipingi renge doko nakama keta palena, doko kinyi.

Pilipai 4:23

Kamongo Yesu Koraisana mona keyange palyuo ipingi renge nakama peparae keta palena lao leto.

1 Tesalonaika 5:28

Kamongo Yesu Koraisana mona keyange palyuo ipingi renge nakama keta palena.

2 Tesalonaika 3:18

Kamongo Yesu Koraisana mona keyange palyuo ipingi renge doko nakama peparae keta palena leto.

2 Timoti 4:22

Kamongome nakama pipya role pyao kararamopa Anatunya mona keyange palyuo ipingi doko nakama keta palena.

Pilimone 1:25

Kamongo Yesu Koraisana mona keyange palyuo ipingi renge doko nakama keta palena.

1 Jone 3:8

Satane dokome ene lokoyamo dokopa piso yulu koo pyuo karenge dokonako ingyuo mendeme yulu koo pyuo karara ramo baa Satanena ingyarasa pira. Anatunya Ikinyingi epeyamo renge doko Satanena yulu dupwa ukiaki minyala pano epeya.

Orepalaisane 12:10

Enakana yake dokona piso pii andake dopa pyuo leyamo siyu. Koo mendeme Anatunya lenge kambu siyamo dokona kukwa korakamape karo namwana yangonge dupwa kando koo keta palyuo kote lao kareyamo doko neta nembelyaminyi. Anatumi porayapala kote palenge doko anamasi minyuo wambu iso karara yuu gii doko pyaka sepelyamo. Dokopa Koraisa banya isingi panda angi doko range nyilyamo, leya.

Orepalaisane 22:21

Kamongo Yesunya mona keyange palyuo ipingi renge doko nakama keta palena.