Orepalaisane 6:13 - Anatunya Buku Baepole Ole Testamene Pii Lapo dee Nuu Tesamene

¹³ Bui malu dupwa onya jingi puu napa nalyamo porambaiye minyuo kondanyi isa peenge dopale ingyuo peya.

Orepalaisane 6:13 Mawu Ofanana

Aisaya 33:9

Yuu doko mee sinya lao yaki nyuo pelyaminyi. Lepanone imwa andake dokona isa yoko dupwa kope kape lapyamopa yuu Sarone amenge pingi rapu doko pao penda penda ingilyamopa yuu Besane yuu kyau Kamele dolapona isa yoko panda dupwa kirali pao kwaelyamo.

Aisaya 7:2

Juta wambunya kiŋi dokome siyamo dokopa Siria wambunya ami dupwame Isaraele wambunya yuu dorena pyala epelyaminyi lamo lao sepala kiŋi baa banya wambu pipya pakao minyuo inju ingyuo pyuku pyuku lapala isa kanyinginya peteyami.

Daniele 4:14

Epapala baame pii poraiyuo lao, Isa doko poko isa palyapala wangya pangepe dupwa muu muu pepe. Dee isa yokonge dupwa loo lapala jingi dupwa yuu wakale wakale dupwana pyao nembape. Nembapala mena isa palu silyaminyi dupwa ralinyi nembo dee banya wangya dokona yaka petaminyi dupwa ralinyi nembo pipi, lapya.

Joele 2:31

Neta doko iminjo rali pyuo kana doko ranjama ingyuo pira. Wambo dopa piparamo dokopa enakana Kamongona yuu gii koo randa doko pyaka sera.

Matyu 24:29

Randa andake nao kararami gii doko otaramopa aopa neta doko raa napala iminjowape, kana doko raa nao, bui dupwa yake dokona piso kondo isa epo karo yake bange porai dupwa romo romo pyuo pyuo karara.

Make 13:25

bui dupwa yake dokona piso kondo isa epo kararamopa yake bange porai dupwa romo romo pira.

Luku 21:25

Dokopa netape kanape bui dupwapena mende pyuo piramopa isa yuu dokona ipwa kota doko pyakalya pyakana pyuo gulu galu lao seramo doko kando rara wakale wakale wambu dupwa mona rando pulunongo pyaramo kararami.

Orepalaisane 9:1

Aŋala kingi paki ingyuo dokome banya bikuli doko leyamo dokopa bui yakena piso yuunya kondala epeyamo doko kandeyo. Doko baa yuwale mendasa lumwa pii nao soo dono puu pao peya dokona lao kii ikyane retaro kareya.