Orepalaisane 3:10 - Anatunya Buku Baepole Ole Testamene Pii Lapo dee Nuu Tesamene

¹⁰ Nambana pii dupwa waa waa lao maka nao minyaro karaminyi dokona randa andake yuu muu dupwana wambu peparae makande pyaa epara gii doko pyaka seramo dokopa nakama keta mende ingya nara.

Orepalaisane 3:10 Mawu Ofanana

Matyu 24:14

Dokona suu pyao Anatunya isingi yulu dokona lao waili pii keyange, doko isa yuu muu dupwana boo pyao, rara wakale wakale wambu dupwa peparae sinya lao, rolo lamaiyuo pao kapa kapa pirami dokopa gii doko lumwa pira.

Matyu 26:41

Nakama makande pii nana lao lenge rao ateŋa lao pisipwape. Imambu dokome kapa pinya lao suu pyapyamopape yanenge dokome yame yame lapyamo petaminyi, leya.

Matyu 6:13

Namwa makande pira ingilyamo dokona embame namwa lanyuo paa napala koo dokome maralyasara lao kyawa minyuo karape. Pii dopale lao ateŋa lalapape.

Make 14:9

Doko kinyi langilyu, waili pii keyange boo pyao minyuo yuu muu dupwana lao kararaminyipa enda yulu keyange pipyamo doko suu pyao larami ingilyamo leya.

Luku 2:1

Yuu gii dusipana Okosatasa yuu muu dupwana wambu dupwa peparae kingi pepa pinya lao pii wai nembeya.

Jone 17:6

Embame isa wambu lapo yapo nyepala namba jiinyi dupwa embena kingi lamaiyunupa soo nyiyami. Dupwa embena ingyuo kareyaminyipa embame namba jiinyipa embena pii doko warombo soo karaminyi.

Orome 1:8

Nakama Yesu kapa ingingi lao suu pyao karaminyi doko yuu muu dupwana lao raeyaminyisa silyaminyi dokona nakama peparaena lao Yesu Koraisa keta Anatu sangyu lao karo.

1 Korina 10:13

Makande pingi kyaka mendeme emba pii nara. Anatumi nyisiyamoko nyisingi dokome emba makande pingi wakale wakale eparamo dokopa koo keta pali nao porayapala wanji pili lao kyawa minyara.

Epesasa 6:13

Dokona lao Anatunya yanda pingi peparae nyuo maralyapala yuu gii kwaeyaramo dokopa porayapala pyao pyalowa pyuo karo pao nenge rekya lapala kararami.

2 Timoti 2:12

Namwa Anatunya yulu reto kaeya nao pyuo kararama ramo doko baapa role pyao iso kararamasa pira. Banya kingi reto kaeyarama ramo doko baame namwana kingi reto kaeyarako.

Jemesa 3:12

Piki isa dokona olipi jingi kapa lyingipi? Dee girapo isame piki jingi alowa pyuo lyingipi? Ipwa api pete dokona papala mee ipwa rende piramo naralya silipi?

1 Pita 4:12

Nambana puu minyingimoo. Randa wakale wakale nakama keta epelyamo dupwa nakama apiyakale lao mee makande pyuo ipyamosa pilyamo dokona mona nembo yamarangwa nalapape.

2 Pita 2:9

Kamongome dopa pyuo pingi dokona banya wambu yaso narami dokopa kapa moko nyera. Dee yulu koo pingi dupwa puu maipala Kote Lenge Yuu Gii dokona iso karena lara.

Orepalaisane 1:9

Namba Jone. Yesupa pakao karo dokome nakamana yangonge ingyuo karo. Namba nakama pipya Anatunya isingi yulu dokona karo randa nyepalape maka nao pyuo karamano. Anatunya pii dupwa polo lamaiyuo, dee Yesunya kingi lao kareyosa dokona yuu kingi Patamosa lenge ipwa kotana sukusa singi dokona nembeyami.

Orepalaisane 11:10

Kumuyambi dokona isa wambu rae maipala mali lyuo puu minyingi dupwa pipya bange mee maiyuo kararami. Poropeta akali dolapome isa wambu peparae mona kendanyi pyambuo kareyambi dolapo kumuyambi dokopa rae mairami ingiya.

Orepalaisane 13:14

Bange mena koo wuame pokoyaminyi lete peyamo dokome baa kapa pinya leyamopa mena baame wambumi pii nange yulu dupwa pyuo isa wambu minyoko piyamosa nakama kau dokona kingi ketae pyambuyami isa kanape dupwame kau baa yale bange mende wasapala kingi lao kareyami.

Orepalaisane 13:8

Dokopa isa enda akali dupwa nakamana kingi doko Anatumi yuu panda wasapa nayamo dokopa letena renge palenge buku dokona kingi pali nange dupwame mena bange koo dokona kingi lao kararami. Buku doko mena Sipisipi Ikyane wambu pyao kumakayami dokona ingyuo siya. Kale kata singi ramo soo pisipwape.

Orepalaisane 14:12

Dopa pyuo pyaka seramo dokopa Anatunya enda akalipi Yesu kapa ingingi lao suu pyapala banya mawa pii dupwa yaki nyii nao karapengele leya.

Orepalaisane 14:6

Enakana aŋala mende yake dokona ama ketae bii lao pao dokopa isa wambupi yuu muu wakale dupwana rarape pii wakale wakale lengepe dupwa keta waili pii keyange sulu singi doko lamaiyala peya.

Orepalaisane 16:14

Nakama imambu koo ingyapala wambumi pii nange yulu dupwa kemali pyuo pyuo papiyami. Imambu koo rema dupwame yuu muu peparaena papyuo kiŋi akali peparae Anatu Porai dokona yuu gii andake pyaka seramo dokopa yanda pirami dokona suu pyao kyakale lao nyuo sukusa sukusa pyuo epena leyami.

Orepalaisane 17:2

Yuunya kiŋi akali dupwame enda pamuku yulu andake piyamo dokopa kando nyepala pamuku yulu wakasa pyuo kareyami. Dee isa akali peparaeme enda dokopa pamuku yulu piyami. Pipala akali biya napala kyawa sisingi bolombalo letamo karenge dopale ingyuo peyamiŋi leya.

Orepalaisane 17:8

Mena kandelene doko lete kareyamoko doŋo epapu kara nalyamo. Baa yuwale kata soo puu penge dokona pisipala dee pulyuo eparamo dokopa pyao kokwa sinyi nembarami. Isa wambu lapo Anatumi ene kanda soo yuu wasapa nayamo dokopa nakamana kingi letena renge palenge buku dokona pyasi pali nalyamo dupwa mena doko kandarami dokopa mona nembarami lyakande leya. Mena doko karapala dee pana naya doko dee enakana maro lara leya.

Orepalaisane 2:10

Randa eparamo dupwana paka nalapape. Imambu koo baame nakama makande pyuo karapusi anda dokona nyuo pyambwaramopa yuu gii akalisa randa nao palirami. Nakama kapa kumarama lao suu pyapala mona kumapala kaeya nao pyuoko kararami ramo nambame kyawa rarange letena renge palenge doko nakama keta rombo palyuo jero.

Orepalaisane 3:8

Nakamana yulu pyuo karenge dupwa namba kandelyo. Kandalapa. Nakamana kambu dowa lumbwakapu doko mendeme upi larami ingya nalyamo. Nakama kamame porai ingyuo kara nayaminyiko doŋo nambana pii leyonuli pyuo pyuo karapala nambana kingi doko yaki nyii nalyaminyi.

Orepalaisane 6:10

Nakama pii kyakale rekyae koo lao lapala dopa leyami. Rolo Pingi Porakai Poo Pyasi Kamongo, embame yuu gii akipare epo paparamopa wambu namwa pyao kumakayami dupwa kote lao randa mairiŋi lao iso kararese? leyami.

Orepalaisane 8:13

Enakana nambame kandeyono dokopa yaka kambe yake dokona bii lao karo pii ama ketae lao, Kwao para, kwao para, isa yuunya palaminyi dupwa randa andake nyerami. Aŋala rema bikuli lapa nami dupwa oo lalana petaminyi dokona kama kwao parami ingyalopyamo leya.