Orepalaisane 19:9 - Anatunya Buku Baepole Ole Testamene Pii Lapo dee Nuu Tesamene

⁹ Dokopa aŋala dokome namba langyuo, Pii dake pepa pyao retape leya. Sipisipi Ikyane enda nyeramo dokopa nenge andake narami dokona epena lara dupwa rae maiyuo parami leya. Lapala aŋala dokome pii konda pyuo lao, Pii dusipa Anatunya kambunya potemo epelyamo leya.

Orepalaisane 19:9 Mawu Ofanana

Aisaya 8:1

Kamongome namba langyuo, Pepa yoko kameyali mende nyepala dokona pyao pingi kameya ingyuo pyapala pyao palyape. Pii dake, Waiya Lao Kokwa Soo Apa Nenge, pyao palyape.

Apakuku 2:2

Dokopa Kamogome isingi dopa langiya. Namba emba keta epo nolakaro dupwana lao pepa pyao retare, leya. Retarene dokome awa awa pyuo yaka larami.

Luku 22:16

Doko dakepa naroko doŋo Anatunya isingi panda dokona angingyuo narama gii doko ene pyaka sepa naramopa dee naa naro leya.

1 Timoti 1:15

Pii langilyu dake ama kinyi kinyi palamo. Soo nyepala minyalapape. Koraisa Yesu baa namwana yuu dakena epapala wambu koo pingi dupwana lao lete wai pyao nyeroŋo lao epeya. Wambu doloma yulu koo pyuo kareyaminyipape namba kamame koo ingyuo kareyo.

1 Timoti 4:9

Pii dake ama kinyi kinyi dokome wambu peparae soo nyepala kinyi lao suu pyarami.

2 Timoti 2:11

Pii dake angingyuo letamo lao soo nyimana. Namwa Yesu kumuyamo dokona kumuyamande ramo doko baa lete karamuli pyuo karamwasa pilyamo.

Taitesa 3:8

Pii dake kinyi palamo. Anatu mona maingi wambu dupwame wambu yango nyiso embame yulu keyange dupwa yapo pyuo petena lao poraiyuo mana lamaiyuo karape. Yulu dopale keyange ingyapala wambu nyisingi.

Orepalaisane 1:1

Anatumi Yesu Koraisa dokona pii polo lamaiyamo doko dakena pyasi palamo. Yulu oo repeta pyaka selana pilyamo dupwa Koraisa banya yulu pyakamaingi wambu wambo lasaka pinyale lao Anatumi baa lamaiya. Koraisame banya yulu akali Jone soo karena lao banya aŋala mende lamaiyala pena leya.

Orepalaisane 1:19

Kandalene dupwape dakepale kando karene dupwape rengya pyaka seramo dupwape pepana pyao retape.

Orepalaisane 10:4

Lapeyamo dokopa aopa pepana pyalana pipiyu dokopa, yake dokona piso pii mende lao, Apa lalaminyi lao mee soo manjipala pepana pyao reta napipi leya.

Orepalaisane 14:13

Enakana dokopa yake dokona mende leyamo siyu doko, Pii dake pepana pyaa. Kamongona arapunya karo kumarami dupwa rae maiyuoko parami. Imambu Poo Pyasimi isingi dopa letamo. Nakama yulu keyange piyami doko mee isa paa nao nakama role pyapeta parami. Nakama mata sisiki nembo rae maiyuo karalu kararami letamo leya.

Orepalaisane 17:1

Aŋala yanda ipingimi pere yanda ipingyako minyaro kareyami dokona mendeme epapala dopa pyuo langiya. Anda taone ipwa malu repeta dupwa enda pamuku yulu pyuo petamo doko baa randa nyera dokona lasaka pirole repeta ipu leya.

Orepalaisane 17:17

Anatumi suu piyamuli pyuo piramiŋi lapala nakama kiŋi dupwa suu pingi mendaki palyapala nakamana kiŋinya porai renge dupwa mena keta maiyaminyipa baa Anatu laramuli pyuo gii dupwana wambu iso karara ingiya.

Orepalaisane 2:1

Aŋala Epesasa Elyambu Pingi rapu pyuo karamo dokona larono dupwa pepa pyao maipi doko, Mendeme bui yanda ipingi nyepo kingi rolaerena minyaro karo, kendapuli minyingi bange golo wasisi yanda ipingi nyepo rao singi sukusa dupwana papyuo karamo dokome dopa letamo.

Orepalaisane 2:12

Aŋala Pekamama Elyambu Pingi wambu rapu pyuo karamo dokona pii larono dupwa pepa pyao maipi doko, Mendeme wua gela paki pakipi nenge karenge minyaro karamo baa dopa letamo.

Orepalaisane 2:18

Aŋala Tayataira Elyambu Pingi wambu rapu pyuo karamo dokona dopa pyuo pepa pyao maipi. Anatunya Ikinyingi dokona lenge dolapo isare kekenge dopale rao karo, dee kimbu dolapo kapa lepolepo pingi dopale ingyuo karamo baa dopa letamo.

Orepalaisane 2:8

Aŋala yuu Semena Elyambu Pingi rapu pyuo karamo dokona dopa pyuo pepa pyao maipi. Wambowana karapala pao dee lumwa pira dokopa kararako baa kumapala dee lopo epeyamo dokome dopa letamo.

Orepalaisane 21:5

Kiŋinya petenge isa dokona peteyamo dokome, Nambame epapu bange dupwa peparae komba pyao enenge ingyuo nyilyu leya. Pii dake ama rolae angi ingilyamo dokona pepana pyao retape leya.

Orepalaisane 22:6

Enakana aŋala dokome namba kando lao, Pii pepana pyapinyi dupwa angingyuo para lyakande leya. Dokona lao Kamongo Anatu baame poropeta akali dupwa banya Imambu maingi dokome repeta apa pira lao aŋala mendeme banya kendemande dupwa lasaka piraŋa pena leya.

Orepalaisane 3:1

Aŋala yuu Satisa Elyambu Pingi wambu rapu pyuo karamo dokona dopa pyuo pepa pyao maipi. Mendeme Anatunya Imambu yanda ipingi nyepo dee bui yanda ipingi nyepo minyaro karamo dokome baa dopa letamo. Nambame nakamba pyuo karaminyi dupwa soo gisilyu. Nakama lete karamanoŋo lao karaminyipape mee kumasi dalapo romo romo pyuo karamisa pilyamo leto.

Orepalaisane 3:14

Aŋala Leotosia Elyambu Pingi wambu rapu pyuo karamo dokona dopa pyuo pepa pyao maipi. Mendeme Kinyinya Rengepe Anatunya pii rolae nembo lao kinyi doko iki lengepe Antunya wasiyamo dupwana renge kuiyuo kanda siyamo dokope baa dopa letamo.

Orepalaisane 3:20

Selapape. Nambame nakamana anda kambu dowa dokona kapakapa pyuo karo. Wambu mendeme sepala kambu dowa lumbwaramo dokopa namba andakare kolando eparonopa nakama pipya yalya kando nenge nao pisarama.

Orepalaisane 3:7

Aŋala Pilatepia Elyambu Pingi wambu rapu pyuo karamo dokona dopa pyuo pepa pyao maipi. Mende poo pyasi rolae pyuo karenge baame Dapitinya kii ikyane minyaro karo dokome lumbwaramo dokopa mendeme upi laa nao dee upi laramo dokopa mendeme lumbwa naoko pirami dopa letamo.