Orepalaisane 14:7 - Anatunya Buku Baepole Ole Testamene Pii Lapo dee Nuu Tesamene

⁷ Baame Anatu epapu kote letamo dokona baa kando pakao lakandao karalapa leya. Yuu yakepe ipwa kotape dee ipwa guu lao pyakamenge dupwa wasiyamo doko baa kando ketae nembo mona kando pisipwape lao kyakale palyuo peya.

Orepalaisane 14:7 Mawu Ofanana

Jenesese 22:12

Baame lao, Wane doko pyaope mende pipa napipi. Embame ikinyingi mendaki nambame jiyunu doko mona yaepapala julu joo jipisa dokome Anatu mupwa lao suu pyao karengende doko panelyamo, leya.

Niyamaya 9:6

Isaraele wambu dupwame ateŋa dake piyami. Kamongo doko embako iki Kamongo ingilyamo. Embame yakepe yakena buipi pyuo wasii. Embame yuupi ipwa kotape bange silyamo dupwa peparaepe embame pyuo wasii. Bange dupwa peparae embame letena renge maii. Aŋala yake panda karaminyi dupwame emba lao pangu soo lakandenge.

Samu 115:15

Yake pandape isa yuupi pyuo wasiyamo Kamongo dokome nakama renge keyange jinyale.

Samu 124:8

Namwa nyisara doko Kamongo yake yuupi wasiya doko keta epenge.

Samu 33:6

Yake doko Kamongo baame sinya lao lao wasiya. Neta kana buipi banya piimi sipureya.

Samu 89:7

Yake pandana aŋala mupwa dupwa wato lenge dokopa emba ketae nembo lenge. Peparaeme emba mupwa lao suu pyaopako karenge.

Samu 95:5

Yuupi ipwa kotape baame wasiya dolapo range iso karamo.

Ekesetase 20:11

Yuu gii pakinyamange dusipana namba Kamongo dokome yakepe yuupi ipwa kotape dee dusipana bange peparae singipi dupwa wasiyu. Wasiyunupape yuu gii yanda ipingi dokona namba imambu soo peteyo. Renge dokona namba Kamongo dokome koro petenge yuu gii doko mupwa lao yapasi ingyuo sinya lao reteyo.

Aisaya 40:3

Pii mende dopa lao kyakale lao, Kamongona kata mende yuu muiyane dokona mondo lao retakamipape. Yuu nenge anda nange muiyane dokona namwana Anatunya kata doko wapuo rolae pyuo karalapape, letamo.

Aisaya 40:6

Pii mende ketae palyuo lao, Wai pii mende lamaila puu, lapya. Lapyamosa aki wai pii mende nambame lamairusi lao piso sipu. Dokopa lao, Wambu peparae makwa isa ingyuo karo kuku pyaraminde daa letamo. Jingi bui renge dupwa yuu gii mendasipa iki au pipala loo lenge kandale.

Aisaya 40:9

Jerusaleme, yuu kyau ketae dokona pulyuo papala waili pii keyange doko lamaipi. Pii ketae palyuo kee lao, Sayone wambu dupwa waili pii keyange doko lamai. Dopa pyuo lao papyuo paka napipi. Yuu Juta taone wambu dupwa lamaiyuo, Nakamana Anatu doko epelyamoŋo, lao lape.

Aisaya 42:12

Yuu nanesa range wambu nakamame Anatu baa kamame ulupili dokona lakando palyuo pena.

Aisaya 44:23

Kamongome banya yulu andake pyuo lasaka pyuo banya Isaraele wambu dupwa nyiso pyuo lete nyiya dokona nakama yake panda dorenape isa yuu rapunya palenge dupwape dee imwa isape yuu kyaupi dupwa nakama pii ketae palyuo lao rae maiyuo karalapape.

Aisaya 58:1

Kamongo dokome lao, Pii poraiyuo kaeyo lao nambana Isaraele wambu dupwana koo dupwana lao lamaipi, letamo.

Malakae 2:2

Nakama yulu pilyaminyi dupwana namba ketae pyambuo pelapape. Nakamame nambana pii larono doko see nao minji nanji pyuo kararami ramo doko nambame nakama keta koo renge kiso joo dee nakama purisi karo bange keyange nyingi dupwana koo inginyi pyambuo piru. Kinyiko leto, nambana pii doko mupwa lao soo nyaka nami dokona nambame nakama keta koo inginyi pyambwapapu.

Matyu 25:13

Doko suu pyao anjokorape eparape lao yuu giipi keloke giipi see nalyaminyi dokona kando isaro karalapape, leya Yesumi.

Luku 17:18

Akali rara wakale nanesa range dokome iki kapu kyepala Anatu lakandala epase? Mendali epa naramisi? leya.

APOSELENA YULU 14:15

Nakama akali dupwa apa pipyasa dopa pilyaminyi? Nambwa mee akali nakama dopale. Nakama mee bange kingi lao karaminyi dupwa yaki nyepala Anatu lete karalu karenge dokome baa yake doko pyuo waso yuu doko pyuo waso ipwa kotape dee dokona palenge dupwa pyuo waso piya. Wasiyamo dokoko mona kapu kyuo suu pyao karalapape lao waili pii keyange doko nakama langya epelyambano.

1 Pita 4:7

Yuu lumwa pira doko repe ingilyamo dokona emba range kame pyuo minyuo mona paliramopa karo ateŋa lalapape.

Orepalaisane 11:13

Dokopa aopa yuusili andake minyuo dee anda kamba kamba karenge dokona anda lapo lalyuo ranapala wambu ama malu (7,000) pyao kumakaya. Dokona pyarepala peyamo dupwa mona nembo pakapala Anatu yake panda karenge dokona kingi doko ketae pyambuo kararami ingiya.

Orepalaisane 11:18

Anatu suu pyaa nange wambu dupwa nenge sisi pyapala lao kareyami. Wambu kumuyami dupwa kando kote lapala embame embena yulu akali poropeta dupwape wambu yapasi dupwape dee wambu koo epengepe embena kingi ketae nembenge dupwape yole keyange mairi ingilyamo. Dee yuu gii dokopana wamba yuu dupwa kokwa siyami dokona embame kokwa sereoko leyami.

Orepalaisane 15:4

Api mendeme Kamongo emba kando paka napala embena kingi doko ketae minyalya narase? Emba iki poo pyasi karene. Embena yulu rolae dupwa panasi silyamo dokome wambu yuu muu peparae epapala emba suu pyao mona kando pisarami.

Orepalaisane 16:9

Neta isare ingyuo rao alyasi dokome akali dupwa rao raukusi reya. Rao raukusi rapalape Anatu baa randa koo dopale wambu keta mee kapa mairali doko kando kilya kando leyami. Lapala nakamba mona kapu kyuo banya kingi dokona lakandao lao pii nayami.

Orepalaisane 18:10

Nakama baa randa nyeramo doko kando pakapala ama nanesa karo kando karo lao, Yuu anda malu karenge Bapilone kandale doko kopyali ingyuo mee waiya lao koo keta palyuo pwuamo, wamao lao kararami.

Orepalaisane 18:17

Doko baa yuu gii mendaki dokona pendewa inginyi nembo isa pelyamolamo larami.

Orepalaisane 18:19

Lapala nakama pee awaipi pyao ee lao, Taone andake kandale doko kopyali ingyuo mee waiya lao koo keta palyuo pwuamo leyami. Taone andake dokonako sipu yulu minyingi akali dupwa bange manjo epo kamongo peyami. Doko baa yuu gii mendaki mee pyalingi nyuo pelyamo lao kareyami.

Orepalaisane 19:5

Kiŋinya petenge isa dokona piso pii mende lao epeya. Banya kendemande akali koo epengepe Anatu angi lao suu pyao karaminyi dupwame banya kingi lakandalapape leya.

Orepalaisane 4:11

Namwana Kamongo Anatu, nyilyingi yulu dupwa emba keta kapa nyerenepa embame bange peparae wasingi. Dokona namwa emba ketae pyambuo kapa lakandapenge ingilyamo. Embame bange peparae pyuo wasii. Emba rangeko suu piinyili pyuo pyuo ingyapala minyaro karene.

Orepalaisane 4:9

Isa petenge andake dokona petelyamopa kando lee renge bange kisima dupwame baa karalu karenge dokona lao kenane keyange dupwa lakandao pingi.

Orepalaisane 8:10

Aŋala repo pyuo dokome banya bikuli doko leya. Dokopa bui mende kendapuli rele lao yake dokona piso isa pyakao epeya. Epeyamo dokopa ipwa epo penge dupwa liti pyuo remasa ingiyamopa dokona liti mendenape dee ipwa guu dupwanape pyakala papala rao kokwa siya.

1 Samyuele 6:5

Nakamame amungipi wiipi nakamana yuu dokona kokwa soo randa jipya doko suu pyao bange yale wasarami. Wasapala Isaraele wambunya Anatu doko keta nakamana koo dupwa polo lao banya kingi lakando ketae pyambwarami. Nakamame dopa pirami ramo dokopa Anatumi nakamape nakamana anatupi dee yuupi dupwa pyao kokwa soo randa jii nara rapisi.