Niyamaya 8:7 - Anatunya Buku Baepole Ole Testamene Pii Lapo dee Nuu Tesamene

⁷ Wambu dupwa soo kareyaminyi dokopa Jesuamoo Bani Serepaya Jamini Akupu Sapetae Otaya Masaya Keleta Asaraya Josapate Anane Pelayamoome wambu dupwa Mawa Pii dokona polo lamaiyami.

Niyamaya 8:7 Mawu Ofanana

Niyamaya 9:4

Jesuamoo Bani Katemele Sepanaya Buni Serepaya Bani dee Kenanimoo dupwa peparae Lipae rara dokona kareyami. Rate kuki dokona karo nakamana Kamongo Anatu lao pii ketae palyuo ateŋa leyami.

Malakae 2:7

Purisi dupwana yulu doko Anatunya rolae soo nyinginya renge doko wambu mana lamaipenge. Purisi dupwa nambana wai pii minyingi akali karaminyi dokome wambu peparae dupwa karaminyi dokona papala nambana pii mana nyepengele.

Niyamaya 8:4

Mawa Pii mana lenge akali Esera doko baa pii lao karenge ratende pyuo wasiyami dokona ketae kareya. Kareyamopa akali Matitayamoo Sema Anaya Uraya Ilikaya dee Masayamoo dusipa banya kingi rolaerena kareyami. Kareyaminyi dokopa akali Petayamoo Misaele Malikasa Asumu Asapatana Sakaraya dee Mesulamemoo dusipa banya kingi kyairena kareyami.

Dutaronome 33:10

Dopa pipala embena wambumi Mawa Pii dupwa warombo soo minyinya lao mana lamaiyakarami. Nakamame embena kana pyare dokona mena pyao kiso joo kararami.

Niyamaya 8:6

Kareyaminyi dokopa Eserame Kamongo Anatu andake ingyuo karamo doko lakandeya. Dopa pyuo lakandeyamopa wambu peparaeme nakamana kingi ketae pyambuo kinyi kinyi lamaiyami. Lamaipala dokopa nakamana wapambu pii pyaro piso Kamongona kingi lao ayemba pongwa nao peteyami.

Niyamaya 8:8

Polo lamaiyuo dokopa nakamame Anatunya Mawa Pii buku dokona kambunya eŋa nembo leyami. Dokona lao wambu dupwa soo nyeramiŋi lao renge angi polo yaka leyami.

Niyamaya 8:12

Pii doko soo nyiyaminyi dokome wambu peparae kata nyuo papala nenge nao ipwa nao nenge mokwa soo maiyuo raeme kumuo piyami.

1 Kiŋi 8:14

Wambu dupwa dokona kareyaminyi dokopa kiŋi Solomone kapu kyepala nakama kandaro karapala Anatu baame nakama elyape keta pisinya lao piso siya.

Niyamaya 9:3

Leyaminyi dokopa wambu lapome Anatunya mawa pii dupwa keloke gii rema nembo yaka leyami. Lapala dokopa dee keloke gii remako nembo nakamana koo dupwa polo lao dee nakamana Kamongo Anatu lakando kareyami.