Matyu 28:20 - Anatunya Buku Baepole Ole Testamene Pii Lapo dee Nuu Tesamene

²⁰ Nambame nakama dopa pipwape dopa pipwape lao langyuo karenge pii dupwa peparae minyuo pyuo karena lao mana lamaipwape. Dokopa isa wambu karamano yuu gii doko ene lumwa pipa naramopa namba nakama pipya yuu peparae role pyao kararama lyakande, leya.

Matyu 28:20 Mawu Ofanana

Jenesese 39:21

Baa karapusi anda paleyamo dokopa Kamongo Anatumi Josepe mona reto puu peyamosa karapusi isingi akalinya lenge kambu baa nyuo elyape inginyi pyambuya.

1 Kiŋi 1:36

Benayame isingi lao, Embame letenyili pyuo pirama. Dokona Kamongo Anatumi emba letene doko kapa lena, leya.

Samu 46:11

Kamongo Porai Wakasa doko namwa pipya role pyao karapyamo pilyamo. Jekopena Anatu doko namwana yalu pingi panda ingyuo karamo.

Samu 46:7

Kamongo Porai Wakasa doko namwa pipya role pyao karapyamo pilyamo. Jekopena Anatu doko namwana yalu pingi panda ingyuo karamo.

Samu 72:19

Banya kingi neta renge ingyuo karamo doko lakando karalu kararaminyipa banya neta renge yulu dokome yuu pinjingi dolapona kapa kapa pinyale.

Ekesetase 3:12

Anatumi isingi lamaiyuo, Nambame emba pipya role pyao kararo. Wambu dupwa lanyuo Isipi yaki nyuo epare dokopa yuu kyau dakena namba kingi lao pisirami. Dopa pirinyi dokome nambame emba puu lapu lao lasaka pirasa pira, lamaiya.

Ekesetase 8:27

Namwa yuu gii rema nembo yuu muiyane dokona pao karapala dokopa namwana Kamongo Anatumi langiyamuli pyuo mena dupwa pyao kiso mairama, leya.

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Jeremaya 26:2

Tembole anda kamapi dokona karapala wambu yuu Juta taone dupwana piso dokona lakandala eparami dupwa nambame emba pii langilyu dupwa peparae lamaipi. Pii dupwanape kuki mende kame soo yaki nyuo kaeya nao lamaipi.

Matyu 1:23

Doko enda mapwae mende wane pisaramopa wane mende manjira dokopa banya kingi Imanuele larami leya. (Kingi Imanuele doko Anatu namwa pipya role pyao karamo dopale.)

Matyu 13:49

Doko suu pyao yuu gii lumwa pira doko pyaka seramo dokopa dopaleko ingyara. Aŋala dupwame neta epapala koo dupwape keyange dupwape mendakinya seramopa koo dupwa yapalyuo nyepala isare pete dokona pyambwarami. Dokona akali dupwa ee lao nenge ginyi ganyi lao kararami, leya.

Matyu 18:20

Dokona lao wambu lama panda rema nambana kingi lao elyambu pyuo pisirami ramo dokona namba sukusa role pyao pisirusa pira, leya.

Matyu 24:3

Baa Isa Olipi Kyau dokona peteyamopa disaepole dupwa iki epapala dopa leyami. Emba leene doko anjokorape pira lao rolo langipi leyami. Emba eparene dokope isa wambu dupwana yuu gii doko lumwa piramo doko wambo apa piramo kandaramanopa enakana angi doko pyaka serase? leyami.

Matyu 6:13

Namwa makande pira ingilyamo dokona embame namwa lanyuo paa napala koo dokome maralyasara lao kyawa minyuo karape. Pii dopale lao ateŋa lalapape.

Make 16:20

Dopa piyamopa nakama wakale wakale dupwana rali pyuo papala yuu muu dupwana boo pyao leyami. Dopa pyuo kareyaminyi dokopa Kamongo role pyapeta pyuo kareya. Nakama wai pii boo pyao lao kareyami pii doko pii kinyinde lalyaminyi lao wambu sinya lapala Kamongome nakama keta yulu andake renge palyuo maiya. Kinyi.

APOSELENA YULU 2:42

Dokopa nakamame aposele dupwana mana pii sokondali pyuo nenge yalya kando nao ateŋa lao pyuo peteyami.

1 Korina 11:2

Yuu peparae nakama namba suu pyao mana pii langiyunuli pyuo karaminyi dokona nakamana kingi lakandelyo.

1 Korina 11:23

Kamongona pii soo nyepala langiyunili pyuoko langilyu. Doko kukwa mendepa Kamongo Yesu mata kando leyamo yuu gii dokopa baame nenge borete nyiya.

1 Korina 14:37

Mendeme namba Anatunya pii lenge akali karo lao suu pyaope Imambumi angingyuo nyisilyamo lao suu pyaope pira ramo doko pii dee pilyu dake Kamongona lowa pii dokoŋo sinyale.

Dutaronome 12:32

Mawa pii peparae nambame nakama langiyunuli pyuo pipwape. Pipala yulu mende konda pyuo pii naope dee yulu mende neta nembope pii nalapape.

Kolosi 1:28

Dokona namwa wambu peparae Koraisana kingi boo pyao lao singi renge wakale wakale dupwa mana lamailyamano. Dokome nakama mendaki mendaki lao mona palenge wambu ingyuo Yesupa pakao Anatunya lenge kambu dorena kararami.

2 Timoti 4:17

Dopa piyaminyipa Yesumi namba role pyao karapala banya porainya renge jiya. Jiyamo dokona waili pii angi doko lamaiyunupa Juu daa rara wakale dupwa peparae kapa siyami. Mende doko namba mena laenena nenge kata dokona Anatu baame nenge raka lao nyiya.

Josua 1:5

Josua emba lete kararene yuu gii dusipana mendemepe emba nyuo isa palyuo wini pira ingya nalyamo. Namba Mosese keta pyakamyuo kareyonoli pyuo emba keta dopako pyakao kararo. Dee yuu peparae namba emba role karo emba yaki nyuo kaeyaronde daa.

2 Pita 3:2

Yuu wamba dokopa Anatunya poropeta akali dupwame pii leyami dokope Lete Wai Pyao Nyingi Kamongona lowa doko aposele akali keta siyami dolaponape poraiyuo suu pyalapape lao pepa jilyu.

Orepalaisane 1:18

Namba lete karenge akali ingyuo karo. Kanda. Namba kumuya kande doko nambame mee lete karo puu paro ingilyamo. Wambu kumaraminyipape Satane panda paraminyipape dolapona kii namba keta palamo.

Orepalaisane 22:14

Wambu komau wate pyuo poo pingi dupwa rae mairami. Nakama letena isa jingi doko napala anda taonena kambu dowa dokona sukusa parami lyakande.