Matyu 27:51 - Anatunya Buku Baepole Ole Testamene Pii Lapo dee Nuu Tesamene

⁵¹ Dokopa tembole anda dokona komau yukwaro kareya doko mee dulunya piso kangu epo donena karapala lama ingyuo yukwaro kareya. Dokopa yuusili minyuo kana dupwa sukusa poro lao amongwao piya.

Matyu 27:51 Mawu Ofanana

Ekesetase 40:21

Upi lapala baame bokote doko minyuo pao komau anda dokona retapala komau mendeme nee pyuo yukunyi palyiya. Dopa piyamo doko baame Kamongome leyamuli pyuo Kana Minyuo Lalu Lao Lenge Pii Palenge Bokote doko yambe pyao reteya.

Lipitikase 16:2

Dopa lamaiyuo, Embame yangone Erone lamaiyuo, Panda Kamame Poo Pyasi dokona namba kopa rakapana epo Kana Minyuo Lalu Lao Lenge Pii Palenge Bokote roma dokona ketae epengeŋe dokona yuu gii angi rolae dokopa iki komau andake yukwaro karamo dokona matarena baa epapa pinya lamairi. Daaŋa lapala larono dokona palyuo pii napala kamba lara ramo doko baa pyao kumakaro.

Apakuku 3:10

Dokopa yuu kyau dupwame emba kandeyami dokopa walu walu lao siyami. Siyaminyipa yake dokona piso ipwa kulimbuo isa epeyamopa Yuunya ipwa dupwa uu lao kasakole minyuo ama ketae peya.

Apakuku 3:13

Embame papala embena wambu dupwa nyiso dokopa embena rombo palyasi kiŋi doko nyisiiko. Akali yulu koona mupwa ingingi doko pyapala banya letamuli pyuo pingi dupwa pyao kokwa sinya nembalu nembo nembee.

Matyu 27:54

Yanda singi yango rapu pyuo karenge dokomoo akali baa pale pale kareyami dupwa pipya Yesu iso kando kareyami dupwame yuusili minyuo dopa pyuo piyamo kandapala pakame kumuyami. Pakame kumapala, Kinyi dake Anatunya ikinyinginde karapyalyamo, leyami.

Matyu 28:2

Dokopa yuusili andake minyiya. Dopa piyamo dokopa Kamongona aŋala mendeme yake panda dokona karo epapala kana doko minyuo neta kao pele pele lapala baa dokona ketae peteya.

Make 15:38

Kumuyamo dokopa tembole anda dokona komau yukwaro kareya doko mee dulunya piso kangwao epo donena kareya.

Luku 23:45

neta doko kumbwa naro siya. Dokopa tembole anda dokona komau yukwaro kareya doko kanguo rali piya.

Luku 23:47

Dopa piyamo doko kandapala yanda singi mupwa dokome Anatu lakandapala, Kinyi akali dake keta kote renge mende pali napya leya.

Ipuru 6:19

Renge dolapome Anatunya Imambunya yulu dokona paa isa ingyaro karo paka pyao soo Anatu karamo yake panda nee pingi dorena puu pao pelyamo.

Ipuru 9:3

Tembole anda dokona nakama komau mendeme sukusa dokona apya ingyuo liti pyuo urumu mende wasiyami. Panda lapo pyuo doko kingi Kamame Poo Pyasi leyami.

Orepalaisane 11:13

Dokopa aopa yuusili andake minyuo dee anda kamba kamba karenge dokona anda lapo lalyuo ranapala wambu ama malu (7,000) pyao kumakaya. Dokona pyarepala peyamo dupwa mona nembo pakapala Anatu yake panda karenge dokona kingi doko ketae pyambuo kararami ingiya.

Orepalaisane 11:19

Dokopa yake panda dokona tembole anda kambu doko lumbuyamopa Anatunya Kana Minyuo Lalu Lao Leyamo Pii Pyasi Paleyamo Bokote doko paneya. Paneyamopa yuu pele pyuo gala andake lapala yuusili minyuo randake kapa epo piyamo kandeyo.