Matyu 27:42 - Anatunya Buku Baepole Ole Testamene Pii Lapo dee Nuu Tesamene

⁴² Baame wambu lapo pyuo lete nyiyapyako doŋo baa range lete nyelana saka nalyamo. Baa Isaraelena Kiŋi dokome dakepa isa mamando doko yaki nyepala isa lupyuo epena. Dopa pira ramo doko baa kinyilyamo lao suu pyarama.

Matyu 27:42 Mawu Ofanana

Matyu 2:2

Juu wambunya kiŋi manjiminyi doko anja silyamo? Neta pyakaenge dorena karo banya bui doko kandapala baa mupwa lao yako lala epelyamano, leyami.

Matyu 27:37

Dokopa banya kyawa siya dorena baa kando kote leyami pii renge doko pepana pyao palyiyami. Pii doko dopa leya. Yesu dake Juu wambunya Kiŋi doko.

Matyu 27:40

Emba tembole anda doko lalyinyi nembapala yuu rema dee mende pyuo nyero lee kande doko suu pyao embame range lete wai pyuo nyii. Emba Anatunya Ikinyingi ramo dokome isa mamando dake yaki nyepala emba isa lupyuo ipu, leyami.

Matyu 27:41

Dopako pyuo purisi mupwa dupwape Mawa Pii mana lao karenge dupwape kamongo dupwapeme baa kando giyalya giyana pyuo dopa leyami.

Make 15:31

Purisi mupwa dupwape Sekeraepo akali dupwape nakama lao giyalya giyana pyuo lao karo, range sukusa lao, Baame wambu lapo lete nyiya kande doko suu pyao baa range lete nyelana saka nalyamo, kandalapape leyami.

Make 15:32

Emba Koraisa Isaraele wambunya Kiŋiŋi lenge doko namwa kinyilamo lao suu pyaramano dokona lao isa mamando yaki nyepala lupyuo epena, leyami. Akali isa mamandona baa role pyao kumuo paleyami dolapo opetae baa kilya kandalya kandana pyuo leyambi.

Luku 19:38

Kiŋi akali mende Kamongo dokona kingi lao epelyamo doko keyange keta palena. Yake panda dokona koo soo kararaminyipa Anatu neta renge wakasa ingyuo karena leyami.

Luku 23:35

Dokopa mee wambu dupwa dumbisa karo kando kareyami. Kando kareyaminyipa akali mupwa dupwame baa kilya kandalya kandana pyuo, Baame wambu lapo lete pyuo nyakamiya doko suu pyao baa Anatunya Koraisa rombo palyisi ingyuo karara ramo baa range lete wai pyao nyinya, leyami.

Luku 23:37

Emba Juu wambu dupwana Kiŋi ramo doko emba range lete wai pyao nyii, leyami.

Jone 1:49

Natanieleme baa lamaiyuo, Rapu Pingi emba Anatunya Ikinyingilyamo emba Isaraele wambu dupwana Kiŋilyamo leya.

Jone 12:13

isa bona dupwana yokonge nyepala baa epeyamo dokona kando nyela pao pii ketae palyuo dopa leyami. Anatu lakandamana. Kamongona kingi lao epelyamo Isaraelena Kiŋi doko keta renge keyange epakaminya leyami.

Jone 12:47

Wambu mendeme nambana pii dupwa sepala minya nao karara ramo dokopa nambame baa kando kote laa naro. Dokona ingyuo isa wambu dupwa kando yapalya yapana pyuo lala epeyonde daa. Nambame isa wambu dupwa nyiso pyuo nyela epeyo.

Jone 9:24

Dokopa dee kamba akali doko epena lapala baa lamaiyuo, Anatunya kingi lao pii rolae laroŋo lao kingi ketae nembo rolo lape. Akali doko yulu koo pingi doko silyamano leyami.

APOSELENA YULU 4:14

Dopa lao kandeyaminyipape akali kimbu kwaeyamo elya pisi doko nakamba role pyao kareyami doko kandapala akema larami ingya naya.