Malakae 3:11 - Anatunya Buku Baepole Ole Testamene Pii Lapo dee Nuu Tesamene

¹¹ Nakamana ee jingi dupwa kau kuki dupwame nao kwaena laa naronopa nakamana isa girapo marange dokona jingi malu mee lyera.

Malakae 3:11 Mawu Ofanana

Osia 2:21

Yuu gii dokopa nambana Isaraele wambu dupwana ateŋa dupwa isingi yano pyakamyuo isa yuu dokona nambame apu peyo piru.

Joele 1:12

Girapo isape piki isape dupwa kumalana kuliya. Jingi lyuo nenge isa dupwa peparae kumapala yando nao karaminyi. Dopa pipala wambu dupwana rae maingi renge dupwa inyimungu rali pipya.

Joele 1:4

Aimbu ambo dupwa epo ee jingi dupwana minyarambuyami. Ambo mendeme neyamo pyarepala peya doko ambo enakaya nao dee dokome neyamo pyarepala peyamo doko mendeme nao piyami.

Joele 1:7

Nakamame namwana isa girapo marange dupwa kokwa simi dee namwana piki isa dupwa nao rango pyanyi nembami. Dopa pyuo isa yanenge nao rekya lao nembaminyisa wangya dupwa kuli kewa lasi karaminyi.

Joele 2:20

Aimbu dupwame nakama pyalena lao dulurena karo epeyaminyi dupwa lapo yuu muiyane dokona pena laro. Dee lapo wambo epeyaminyi dupwa Kumungi Ipwa dokona ralinya nembaro. lapo enakaminyi dupwa Ipwa Kota Metiteraniane dokona ralinyi nembaroko. Dokopa nakamana yongo kumasi dupwa rumbyuo ai pyara. Nambame dopa pyuo dupwa pyao kokwa sero doko nakama peparae kando piyaminyi dokona isingi yano nyakarosa pira.

Joele 2:22

Mena dupwa paka nalapape. Rambi andenge yuu dupwa kyaka yoko pyakalyilyamo. Isa dupwa jingi lyilyamoko piki isape girapo isape dupwa ando jingi malu lyuo karaminyi.

Joele 2:25

Aimbu malu dupwame nakamana ee jingi nao oteyaminyi ee kana dupwana nakamana bange isa peyamo peteyami dupwa nambame nakama yano pyakao jero. Doko nambame aimbu malu dupwa nakama keta peeyo lyakande.

Emosa 4:9

Nambame poo rambaya rakusi renge mende ee jingi dupwa rakusi rena lao peyo. Aimbu dupwame nakamana girapo eepe isa pikipi isa olipi dupwa nao lembeke nyinyi reteyaminyipape nakamame namba keta kapu kyuo epa nayami.

Apakuku 3:17

Isa piki dupwa jingi lyii naramopape dee isa girapo jingi dupwa lyii naramopape dee isa olipi dupwana jingi lyii naramopape dee ee dupwa jingi lyuo pii naramopape dee sipisipi dupwa peparae kumuo otaraminyipape dee bulamakao karenge panda dupwa apa seramopape