Malakae 2:7 - Anatunya Buku Baepole Ole Testamene Pii Lapo dee Nuu Tesamene

⁷ Purisi dupwana yulu doko Anatunya rolae soo nyinginya renge doko wambu mana lamaipenge. Purisi dupwa nambana wai pii minyingi akali karaminyi dokome wambu peparae dupwa karaminyi dokona papala nambana pii mana nyepengele.

Malakae 2:7 Mawu Ofanana

Esera 7:10

Eserame Kamongona lowa dupwa rae maiyuo mana nyepala moko minyuo karo lowa dupwa Isaraele wambu mana lamaiyuo kareya.

Esera 7:25

Emba, Eserame Anatumi mona palenge singinya renge jiyamo dokome iso karenge akali lapope kote singi akali lapope rombo palyare. Palyarene dokopa ipwa Yuporisa neta anda penge dorename yuunya wambu Anatunya lowa minyuo karaminyi dupwa rapu pyuo kararami. Kararaminyi dokopa wambu mende lowa dupwana see nayami kande doko mana lamairi.

Aisaya 42:19

Nambana kendemande lenge koo ingyapyamopape kamame lenge koo mende karase? Dee nambana wai pii minyakao pena leyono akali doko kalepoe ingyapyamopape mendali kalepoe mende karase?

Aisaya 44:26

Dopa pipyamopape nambana kendemande dupwa rengya mende piraŋa lao lenge. Nambame wai pii minyakange akali dokome nambame mende rengya piruŋu lao rapa rapa pyuo retenge doko pano lakale peenge. Dopa pipala doo ene rengya mende pira letono dupwape dee mende pinya rapa rapa pilyuŋu dupwape angi kinyi lao panenge. Nambame Jerusaleme range wambu dupwa range epo dee paliraminyipa Juta wambunya taone dupwa kamba range piramiŋi leto. Taone dupwa lalyuo kwaeyasi doko minyalyuo pirami ingyara, namba dopa pyuo leto.

Jeremaya 15:19

Dokona dee Kamongo dokome isingi lao, Emba kapu kyuo epare ramo doko nambame emba nyepala dee kamba emba nambana kendemande akali ingyare. Ingyapala pii koo lao papilini doko suu pyao emba wai pii keyange doko larenepa emba dee kamba nambana poropeta akali ingyare. Wambu dupwa kapu kyuo emba karare dokona eparaminyipa emba dee nakama kararami dokona pare ingya nara.

Jeremaya 18:18

Sepala dokopa wambu dupwame lao, Jeremaya randa maiyuo pyao ralinyi nembamanale, leyami. Lapala dee lao purisi akali lowa mana lengepe dopa pipa dapa pipa lao mana langingi akalipi poropeta akali pii nolako lenge dusipa lao karalu kararami. Dokona lao Jeremaya banya pii laramo doko sakame naramaŋa randa maiyuo kote lamanale, leyami.

Jeremaya 2:8

Purisi dupwame Kamongo anja karase? lao piso see nayami. Namba rangena purisi dupwame namba soo nyii nayami. Akali mupwa dupwame nambamoo pipya mona kana pokoyami. Poropeta dupwame mee bange kingimi wasisi Bealo lenge dokona lao poropeta pii leyami dee mee bange angi mende ingya nayamo dupwana kingi lao peyami.

Osia 4:6

Nambana wambu dupwame namba Anatuŋu lao soo nyii nalyaminyi dokona nakama kwaeyo pelyaminyi. Nakama purisi dupwa namba soo nyii napala nambana mana lapunu pii doko nembaminyi dokona nambame nakama nembo kaepala ikinyi dupwa nambana purisi angi lao suu pyaa naro.

Malakae 3:1

Pii dakena sepala Kamongo Porai Wakasa dokome isingi lao, Nambame nambana kata wapwakana lao nambana wai minyingi akali mende wambo pena laro. Dokopa aopa nakama Kamongo kandalana kotelyaminyi doko banya tembole anda dokona epara. Dokona waili pii minyingi akali kandamwali lao suu pilyaminyi doko epapala nambana kana minyuo lalu lao lenge pii dokona polo langira.

Nambase 27:21

Baame purisi akali Eliasana arapu dokona karo pii soo yulu pira. Dokopa Eliasame kana lama kingi Urimi dee Tumini lenge dolapome minyuo nambame aki mende piri lao suu pyao karo doko soo gisara. Dopa pyuo baame Josuamoo dee Isaraele wambu peparaepe nakamana yulu dupwana apa pyuo kararami lao mana lamaiyuo lasaka pira, leya.

Jone 13:20

Kinyi kinyi langilyu, mendeme namba pena laro doko yako lao nyeramo dokome namba yako lao nyerasa pira. Mendeme namba yako lao nyeramo dokome namba mapanyi peeyamo doko yako lao nyerasa pira, leya.

Jone 20:21

Yesumi nakama dee kamba lamaiyuo, Mona kyuu lao singinya renge doko nakama keta palena. Rakaneme namba mapanyi peeyamo doko suu pyao nambame nakama pupwa leto leya.

APOSELENA YULU 16:17

Baa Pole namwa pipya peyamanuli pyuo enakana epo pii poraiyuo lao dopa leya. Akali dasipa Anatu Ama Ketae Karamo dokona yulu pingi akali karapala Anatumi lete wai pyao nyingi yulu dokona nakama boo pyao langyuo karaminyi leya.

2 Korina 5:20

Namwa dae karo Koraisana pii lakamilyamano. Mendaki dopale ingyuo Anatumi namwa keta nakama poraiyuo piso soo karamo. Koraisana reke lao nakama piso sokondali pyuo letamano. Anatumi nakama nyisu petenge dupwa alowa pipala puu minyingi inginyi pyambwanale.

Galasia 4:14

Kinyi nambana yongona poraiya nayamo dokome nakama mata kata nembope nakama namba kata pao mata joo maka nayami. Dopa pipala nakamame namba Anatunya aŋala ingyuo karope dee Koraisa Yesu kando yako lele laope kando nyiyami.

Dutaronome 24:8

Nakamana yongo dokona rete rapa piya kande dokopa Lipae akali purisi yulu pilyaminyi dupwame langiraminyili pyuo moko minyuo pipwape. Nambame nakama pii maiyu dupwa peparaena palyuo pipwape.

1 Tesalonaika 4:8

Dopa pyuo mendeme Anatunya pii dake yake nyera ramo doko mee isa akali mata mai nao Anatumi Imambu Poo Pyasi jingi doko baa mata mairasa pira.

1 Samyuele 2:17

Kamongo mena pyao kiso maingi dokona Ilaina ikinyingi dolapome male male lapala mambu inginyi palyiyambinyisa Kamongo dokome ama koo pilyambinyi lao suu piya.