Malakae 2:14 - Anatunya Buku Baepole Ole Testamene Pii Lapo dee Nuu Tesamene

¹⁴ Dee nakamame akipamo mena kiso maimwa dupwa nyii nalyamo lao pisilyaminyi. Doko nakama parange karapala nakamana etene nyiminyi dupwa kando nakamana lalu lao lamaingi pii doko kokwa soo yalaminyi baa silyamo. Enda doko nakama pipya role piya. Piyamo dokopa Anatu kando enda doko nemba narama lalu lao leyaminyi pii doko nakama kokwa soo yalamiko ingilyamo.

Malakae 2:14 Mawu Ofanana

Jenesese 2:18

Lapala dokopa Kamongo Anatumi lao, Doko akali baa ikikarara doko kapa daa. Dokona nambame baapa kapa manda manjo nyiso yulu piramo mende wasakamiru, leya.

Jenesese 31:50

Lapaneme kaeya nao lao, Embame nambana wanenge dolapo randa mainyi pyambware ramo panda enda lapo konda pyuo nyere ramodoko mendeme kanda naramiŋi Anatumi dake suu pyao kararalya kande, leya.

Ekelesiyastisi 9:9

Anatumi renge mende palya nao emba lete karape lao jiyamo dokona embapa enda embame mona retelene dokopa role pyao rae maiyuo palyuo karape. Emba randa nao karapinyipape mende nyere ingya nalyamo. Dokona lao yuu gii peparae koree ingilyamo dokona enda pipya mee rae maiyuo palyuo karape.

Aisaya 54:6

Isaraele emba enda mapwae akalingimi role pyaa nalyamosa randa nyingi dopale ingilyamo. Dopa pipyamopape Kamongome emba range kapu kyuo ipu lao kee lapala lao,

Aisaya 58:3

Lapala wambu dupwame piso soo lao, Nenge wasaka pyuo pisaramano dokopa Kamongome kando gisa nara ramo doko akipamo wasaka piramase? Namwame nenge naa nao kararamano dokopa Kamongome mende suu pyaa nara ramo akipamo namwa dopa piramase? Kamongome nakama lamaiyuo lao, Kinyi nakama nenge wasaka pilyaminyi. Piminyipape nakama rangena bange yulupi dupwana lao suu pyao nakamana yulu pingi wambu dupwa mona kendanyi pyambuo pilyaminyi.

Maeka 1:2

Wambu peparae nakama pii dake selapape. Isa yuu panda karaminyi dupwa peparaeme pii dake selapape. Kamongo Mupwa Andake Wakasa dokome nakama koo pimiŋi lao banya yake panda tembole anda dokona karo, lara.

Malakae 2:15

Anatumi enda dokopa nakama pipya yanenge imambupi mendakinya ingyuo wasa nayase? Akipamo dopa piyase? Doko nakamame wane wanake manjirami doko Anatunya wambu kinyi angingyuo kararami lao piya. Dokona lao nakama range kando karalapape. Parange karapala enda nyuo karo pii lalu lao leene doko nakama mendalimi yalarama lao kando karalapape.

Malakae 3:5

Kamongo Porai Wakasa dokome lao, Nambame nakama yapalya yapana pela eparo. Epapala pipu lao karenge wambu dupwape kepo pingi dupwape panga soo kote pii lenge dupwape dee yulu pyakamingi akali dupwame kana lapo waa pyakepo nyakamingipi enda waiyape wane muiyanepe wambu yuu wakale rangepe minyoko pingi dupwape dee namba rape rape laa nao karengepe wambu dupwana peparae namba epapala aopa isa palyuo lakamiru.

Malakae 3:8

Dokopa nambame piso soo, Akali dupwame Anatunya bange dupwa panga soo waa nyuo pirami doko kapase? Kapa ingya nalyamo. Ingya napyamopape nakamame nambana bange panga soo waa nyilyaminyi. Apa pyuo waa nyilyamano lao piso silyaminyi. Doko mena pyao kiso dee bange akalisa dupwana mendena mendena pyuo mendaki yapo nyepapu namba apa pyuo jerami lao leyo dokonape panga soo waa nyilyaminyiko, leto.

1 Samyuele 12:5

Samyueleme isingi lao, Kamongo dokomepe dee kiŋi baame rombo palyipya dokomepe nakambame namba kopetame pii nange lao letaminyi dokona usinisi lakambi, leya. Leyamo dokopa, Kinyiŋi Kamongo dokome usinisi ingyuo karamo, leyami.