Make 12:36 - Anatunya Buku Baepole Ole Testamene Pii Lapo dee Nuu Tesamene

³⁶ Dapiti Imambu Poo Pyasi pii pyongo pyao mona dokona lamaiyamopa baa rangeme dopa lao pyao reteya. Kamongo dokome nambana Kamongo lamaiyuo, Nambana kingi rolaerename pisa ipupi. Embena yanda pimwai karenge dupwa nambame kui lanyi pyambwaronopa embame nakama isa palyuo kimbu yukuna dokome kalyare ingilyamo, leya.

Make 12:36 Mawu Ofanana

2 Samyuele 23:2

Kamongona Imambu dokome namba keta pii letamo. Banya wai pii dupwa nambame lakare lao jingi.

Niyamaya 9:30

Ee kana peparae embame wambu dupwa pipya imbu singi nyii nao waa waa lao repe repe lamaiyuo karee. Embena poropeta akali dupwa keta nakama pii lamainyipa embena wambu dupwa kale poeyasa see nayami. Dokona lao wambu yuu lili wakale lapome embena wambu dupwa iso karena lao panda maiyuo kaeye.

Samu 110:1

Kamongo dokome nambana kamongo doko lamaiyuo, Nambana kingi rolaerename pisa ipu. Embena yanda pimwai ingyuo dupwa nambame nyuo embena kimbu yukuna dokona rambukinyinyi pyambwakaro.

Matyu 5:35

isa yuu doko banya kimbu isa dokona kingi laa nawape dee Jerusaleme taone doko Kiŋi Andakena ingilyamo dokona kingi lao kingi ketae nembo laa nalapape leto.

APOSELENA YULU 1:16

Yangonemoo, Imambu Poo Pyasimi akali Dapiti keta pii leyamo doko buku Baepolena pyasi palamo. Doko akali Jutasa baa wambu lanyiyamopa Yesu puu maiyami akali dokonasa leya. Dapiti leyamuli pyuo piya doko kandelyamano.

APOSELENA YULU 28:25

Dokopa nakama nakama range lao apiyanda pipala kanjakala peyami. Ene panya pyuo kareyami dokopa Pole pii mende dopa leya. Imambu Poo Pyasi dokome nakamana rakange kyawa duwpa lamainya lao Aisaya keta dopa lamaiyamo pii doko kinyi leya.

1 Korina 15:25

Baa mupwa ingyuo pyuo karapala nyisu petenge wambu peparae baame nyuo anamasi minyuo kalyuo isa palyara. Enakana baame kumungi renge doko otena lara.

2 Timoti 3:16

Buku Baepole pii peparae Anatu keta epenge. Dokome pii kinyi dokona mora pisinyi pyambuo pii kyai dupwana lasaka pyuo pingi. Yulu kopetame dupwana lao nyuo rolapala apa pyuo rolae pyuo kararama lao mana lenge.

Ipuru 1:13

Anatumi aŋala anjukusi kando, Emba epapala nambana kingi rolaerename pisarinyipa nambame embena nyisu petenge dupwa Anamasi minyapala emba keta jeronopa mee kalya naro karare, lamaiyase?

Ipuru 4:7

Dokona lao Anatumi yuu gii mende wakale dee kamba rombo palyiya. Baa Dapiti keta buku Baepole dokona dopa pyuo leya. Epapu Anatunya pii serami ramo dokopa mona anda kana pokapala paa nalapape.

1 Pita 1:11

Nakama yulu keyange doko yuu gii doko anjokorapena epo, apa pyuo pyaka sera lao dokona koto kareyami. Aŋala nakama opetaeme kandamwalinya suu pyaoko kareyami. Doko Koraisana Imambu nakama keta maralyapala Koraisa baa apa pyuo yaso napala yanga paupau lenge neta renge nyera doko wambo nolakao lamaiya. Nakama wambo nolakao lao kareyami pii doko Imambu Poo Pyasi yake panda rae dokome epapu waili pii keyange lao epelyaminyi dupwa nyisapyamopa langimi. Nakama range dokona reke lao leyaminde daa.

2 Pita 1:21

Doko isa wambumi sipurapala lao kareyaminde daa. Imambu Poo Pyasimi wambu maralyiyamopa Anatunya pii doko nolakayamisa piya.