Maeka 4:10 - Anatunya Buku Baepole Ole Testamene Pii Lapo dee Nuu Tesamene

¹⁰ Jerusaleme wambu dupwa enda wane manjana nenge sisi pyao ee lenge doko suu pyao ee poraiyuo lalapape. Epapu nakama yuu taone andake doko yaki nyuo pao yuu mee langa pau dupwana palirami. Nakama yuu Bapilone parami. Dopa pyuo yuu dokona yanda pimwai dupwame pyalena piraminyipape Kamongo dokome nakama kiiramo nyeramo eparami.

Maeka 4:10 Mawu Ofanana

2 Kiŋi 25:4

Dokopa yuu taone dokona kana kame dupwa pyao lalyiyami. Dokopa Bapilone yanda singi dupwame yuu taone dokona karo awali leyami. Dopa piyaminyipape kukwa dokopa yanda singi peparae range kyawa lete nyuo peyami. Nakama kiŋi dokona ee kata doko pao kana kame andake dolapo pyuo epo suu lenge kata kambu dokona nyisa epapala yuu Jotane pau lama lama dorena ingyuo pyako peyami.

Aisaya 43:14

Isaraelena Anatu poo pyasi nakamana Kamongo nyiso kyawa lete nyingi dokome lao, Nakama nyiso kyawa lete nyuo nambame ami yanda singi dupwa yuu Bapilone pyala pena lao peyaro. Nambame yuu taonena kame kambu dupwa pyao lalyapala dee Bapilone wambu pii poraiyuo lao mambo pyao karaminyi dupwa dee nyuo ee lena lao piru.

Aisaya 45:13

Nambame Sairosena mona doko pyao kui laronopa nambana yulu dokona pyuokondali pyuo yulu kwaeyaramo dupwa rolae ingyuo retara. Nambame baa nyiso kata dupwa peparaena paramo dupwa wapuo rolae ingyuo retaro. Dokopa baame nambana taone Jerusaleme doko dee pipala nambana anjisi wambu dupwa kiiramo nyera. Mendeme baa bange mairuŋu yulu pyakana laope dee panga soo kana maiyuo nyepala yulu pinya laope pii nara ingilyamo. Kamongo Porai Wakasa dokome lapyamo pilyamo.

Jeremaya 15:21

Nambame akali koo kopetame pingi dupwana porainya renge dupwana emba kyawa minyuo reto kararo lao namba Kamongo dokome lapusa pilyamo, leya.

Jeremaya 52:27

Dokona yuu Bapilone kiŋi dokome nakama randa andake maipala pyao kumakana leya. Dopa pyuo Juta wambu dupwa nakamana yuu yaki nyuo karapusi pyao minyuo yuu wakale peyami.

Osia 1:10

Isaraele wambu dupwa ipwa kotana kee silyamo dopale ingyuo ando parami. Dokopa yaka laope makande pyuope pii narami. Epapu nakama langyuo lao, Nakama nambana wambu daa. Dopa laronopape yuu gii mende eparamo dokopa nakama kando lao nakama Anatu lete karenge dokona wane wanakepeŋe lara.

Osia 13:13

Isaraele dupwa yuu gii mende mairunu palu kararami ingyapyamopa nakama wane nyaŋa ene manjana pilyaminyipa romba anda piso epana saka nange dopale ingyo yuu gii doko nyelana kopyali minyuo yakara pilyaminyi.

Osia 2:14

Dokona lao nambame enda baa lanyuo yuu muiyane nenge see nange dokona dee papala mona retenge piindeme range lao laku nyero.

Maeka 5:2

Yuu Juta dokona Beteleme Eporata taone ama kuki ingyaramopape nambame nakama range sukusa dokona mende Isaraele wambu rapu pirande rombo palyuo nyero. Banya rora ambasupi dokona wamba malu mee karo peyami dokonandeme rapu piraŋa lao rombo palyaro.

Maeka 5:3

Kamongome banya wambu dupwa nakamana yanda pimwai dupwa keta maipala kaeyaramo pao enda mende wane manjira ingilyamo doko angi manjira gii doko pyaka sera. Dokopa banya rara dokona lapo anjisi yuu wakalena karaminyi dupwa dee rangena wambu dupwa pipya karengenyili pyuo pyasapala range kararami.

Orepalaisane 12:14

Peyamopape enda doko yaka kambena papake lama maiyaminyi nyuo karapala bii lao yuu muiyane dokona peya. Yuu dokona ee kana rema dee apo ingyuo kau dokome pyasaramo lapala waso pisira ingiya.