Luku 7:12 - Anatunya Buku Baepole Ole Testamene Pii Lapo dee Nuu Tesamene

¹² Anda malu palyuo karenge dokona anda dupwa nyuo sukusa pyambuo kana kame piyami dokona kambu repeta epeyamo dokopa akali mende kumuyasa soo neta epeyami. Akali dokona endangi baa iki mandeyamopa akalingi kumuyasa baa enda waiya peteya. Epeyami dokopa anda malu palyuo karenge dokona palenge wambu malu mee dupwa enda doko role pyao epeyami.

Luku 7:12 Mawu Ofanana

Jenesese 22:12

Baame lao, Wane doko pyaope mende pipa napipi. Embame ikinyingi mendaki nambame jiyunu doko mona yaepapala julu joo jipisa dokome Anatu mupwa lao suu pyao karengende doko panelyamo, leya.

Jenesese 22:2

Baame lao, Embena wane ikinyi mendaki iki mona wakasa retenge Aisake kandapi doko nyepe. Nyepala lanyuo yuu Moraya papala yuu kyau mende nambame lasaka pirunu dokona pyao kisakare, leya.

1 Kiŋi 17:12

Dokopa enda dokome isingi lao, Embena Kamongo lete karalu karenge Anatu doko kando lalu lao lao, Namba borete mendepe reta napu. Namba retapu dusipa kingi kete pyao dopale palawa kuki lama pere dokona silyamo dee isa olipi ipwange lama pee dokona petamo. Namba dae isa ponale mungyuo nyela ipuŋu minyuo anda papala nenge kuki retapu dolapome nambana wane dokopa nambapa suu pyao nenge wasaro. Dolapo nao ote pyuo narambanopa dee enakana lopo dokome nambwa angi kumaramba lyamo, leya.

1 Kiŋi 17:18

Dokopa enda dokome Ilainja kando lao, Anatunya akali doko. Embame namba keta akipamo yulu dake pilisi? Anatumi nambana koo dupwana kamba suu pyapala dokona dee nambana wane kumungi dokona pyambwakana lao ipisi? leya.

1 Kiŋi 17:23

Dopa piyamo dokopa Ilainjame wane doko minyuo anda isarena endangi peteyamo dokona minyuo papala enda baa kando lao, Kanda, embena wane ikinyi doko lenge ralamo, leya.

1 Kiŋi 17:9

Epapu yuu taone Serepate lenge yuu Saitone repeta singi dokona emba karala pupi. Dokopa enda waiyande doo palenge dokome emba nenge pinya lao lamaipu, leya.

2 Kiŋi 4:16

Kareyamo dokopa dee Ilaisame baa kando dopa leya. Rakya ee kana dokona yuu gii dakepa embame wane mende embena kingi dokona kupyuo retaro pisiri, leya. Wama anemapwae, Emba namba kando kyambo langi napipi. Emba Anatunya akali kandapi, leya.

2 Kiŋi 4:20

Leyamo dokopa kendemande akali dokome wane doko soo pao endangi maiyamopa endangimi pai dokona kupyaro peteyamo pao andawai korakama ingiyamopa wane doko kumuya.

Luku 7:11

Yuu gii kuki lama epo papeyamopa yuu taone mende Nena lenge dokona peya. Peyamo dokopa banya disaepole dupwa pipya wambu ama malu role pyao peyami.

Luku 7:13

Dokopa Kamongo dokome enda doko kandapala baa kondaya. Kondapala baa lamaiyuo, Ee laa kae, leya.

Luku 8:42

Renge dokona banya wanenge mendaki mandeya doko ee kana akalisa ipisu lama ingyuowale peteya doko kumasi siya. Yesu katasa peyamo dokopa wambu dupwa rambuki nyinyi pyambuo kako pyao peyamuli pyuo peyami.

Luku 8:52

Wambu dupwa peparae wanake dokona lao ee lao kumaralerale nyuo kareyami. Dopa pyuo kareyaminyipape baame lao, Ee laa kaeyalapa. Baa kuma napya. Mee luu palyuo sipyamo pilyamo, leya.

Jone 11:19

Dokopa Juu wambu malumi Mata Mariapa peteyambi dokona pemalenge kumuyamo dokona mona minyarambu pisa epeyami.

APOSELENA YULU 9:39

Dokopa Pita sipurapala nakamba pipya role pyao peyami. Pao anda kambusa peyamo dokopa baa lanyuo anda kanya koe dokona pulyuo peyami. Dokona enda waiya peparae dupwa Pita kareyamo repeta dokona ee lao karo walyapaki dupwape komau dupwape Dokasa baa nakama pipya lete peteyamo dokopa pyuo waso maiyamo dupwa baa kandena lao lasaka piyami.

APOSELENA YULU 9:41

Dokopa baa kii minyuo nyiya. Nyepala wambu yapasi dupwape enda waiya dupwape epena lapala baa lete kareyamopa maiya.

Jemesa 1:27

Rakange Anatumi Kurisene yulu angi yapasi lao suu pyao karamo dusipa dopale. Wane wanake muiyane dee enda waiya dupwana randa eparamo dokopa nyisarami. Dee yongona yulu dupwa andanyi nembapala kokwa sisara lao waso karalapape letamo.