Luku 20:17 - Anatunya Buku Baepole Ole Testamene Pii Lapo dee Nuu Tesamene

¹⁷ Leyaminyipa baame nakama kandapala dopa leya. Anatunya pii pyasi mende palamo. Akali anda pyuo kareyami dupwame kanande nembeyami dokoko enakana anda donge dokona mupwa ingyuo epo siya, pii doko aki rengendena lao letase? leya.

Luku 20:17 Mawu Ofanana

Samu 118:22

Doko akali anda pyuo kareyami dupwame kana mende nyuo nembeyami. Kana doko enakana anda donge dokona mupwa ingyuo epo siya.

Aisaya 28:16

Dokona lao Kamongo Mupwa Andake Wakasa dokome dakepa dopa letamo. Nambame yuu Sayone dokona kana mende pinginya ingyuo pisirunupa pyuku laa nara letamo. Kana keyangepe mee lao makande pyuo kando otasi kana doko kulisa wakasa. Yuu donge dokona pinginya pyano mupwa ingyuo karara. Mende kana dokona pepa pyasi palira kapa ingingi lao pyamalyapala mona maiyuo kararamo doko mee porai ingyaramo mali sero karara.

Matyu 21:42

Yesumi nakama lamaiyuo, Nakamame pii pyasi palamo doko yaka lao kanda nangese? Doko akali kana anda pyuo kareyami dupwame kana mende nyuo nembeyami, doko enakana anda donge dokona mupwa ingyuo epo siya. Dopa piyamo doko Kamongome renge kuiyuo piyamosa piya. Dopa piyami dokona namwame lengeme kandapala mona nembo karamano.

Make 10:23

Dokopa Yesu kapu kyepala banya disaepole dupwa kando lamaiya. Akali bange malu retenge dupwame Anatunya isingi yulu dokona sukusa panya suu pyarami ramo doko randa nao kando nyerami, leya.

Make 12:10

Anatunya pii pyasi dopa lao palamo kande, Doko akali anda pyuo kareyami dupwame kana mende nyuo nembeyami. Kana doko enakana anda donge dokona mupwa ingyuo epo siya.

Make 3:5

Dopa pyuo nakama mona kana pokwapala peteyaminyi dokona Yesu baa imbuo mona randa piyamosa kandayoyo lao kareya. Dopa pyuo lao karapala akali doko, Embena kingi pyasinju lena, lamaiya. Lamaiyamo dokopa baa kingi pyasinju leya. Dokopa banya kingi mee ingiyamo kareya.

Luku 19:41

Lapala repeta epo anda malu repe repe pyuo karenge doko kandapala

Luku 22:37

Dokona lao langilyu, Anatunya pii pyasi dokona, Baa akali yulu koo pingi dopale lao suu piyami, pii dokona palyuo namba keta palira. Nambasa kando lao pyasi palamo pii dupwa peparae pyaka sera ingilyamo leya.

Luku 22:61

Dokopa Kamongo dokome kapu kyepala Pita kandeya. Dokopa Pitame Kamongona pii, Epapu kola kali pii lapa naramopa embame repo pyuo namba mata joo lare, lapya kandapi lao suu piya.

Luku 24:44

Napala baame nakama dopa lamaiya. Namba nakama role pyao kareyamano dokopa nambame pii dopa langiyu kande, Mosesena Mawa Pii dokonape Anatunya poropeta akali dupwana pii dokonape kenane pii pyasi palamo pii dokonape nambasa kando lao palamuli pyuo pyaka sera ingilyamo langiyu kande, leya.

Jone 15:25

Namba kandakinyuo awa nayami, dopa lao Mawa Pii pyasi doko palamo pii dokona pyaka silyaminyi.

APOSELENA YULU 4:11

Buku Baepolena pii lao dokopa, Akali kana anda pyuo kareyami dupwame kana mende koo ingilyamo lao suu pyapala nembeyami. Enakana kana doko anda donge dokona mupwa ingyuo epo siya doko suu pyao nakamame Yesu ramanyi nembeyami doko baa epapu mupwa ingyuo karamo.

Epesasa 2:20

Anda doko aposele akalipi poropeta akalipi dupwa andana renge kuingi isa dupwa ingyuo karaminyipa pisi karamo. Koraisa Yesu baame anda pinginya ingyaro karamo.

1 Pita 2:6

Buku Baepolena pii mende pyasi palamo doko, Kana keyange mende yapo nyepala yuu Sayone dokona mupwa ingyuo pisilyu letamo. Mendeme kana dokona mona maira ramo doko baa kanjakala parami ingya nalyamo letamo.