Luku 2:37 - Anatunya Buku Baepole Ole Testamene Pii Lapo dee Nuu Tesamene

³⁷ Akalingi kumuyamopa baa enda waiya ingyuo ee kana akalisa mange lama karo ipisu kisima (84) peteya. Baa tembole anda doko yaki nyii nao kukwa korakamape nenge wasaka pyuo ateŋa lao Anatu ketae pyambuo yako lao peteya.

Luku 2:37 Mawu Ofanana

Samu 22:2

Nambana Anatu, korakama dokopa emba nyisapili lao kee lapu. Lapunupape pii isu pii napi. Namba kukwa dokopa kee laoko karo luu sikya sikya pilyamo.

Samu 23:6

Namba yuu gii kararo dusipana embena keyange rengepe mona retenge rengepe dolapo namba keta soo puu paralyamo doko silyu. Dopa piramopa embena anda yuupi doko nambana ingyuo puu parolyamo.

Samu 27:4

Nambame renge mendaki mende Kamongo piso sipu. Renge mendaki iki nyelana suu pilyu. Doko namba lete kararono dokopa Kamongona anda dokona iki palyuo karapuli yaka. Dokona karobaa keyange wakasa ingyuo karamo lao soo nyuo rae maipala nambame baa kata keyange lasaka pinya lao piso soo kararowale.

Samu 84:10

Yuu gii mendakiembena tembole anda pao pisiru doko angingyuo papala yuu gii taosande nembo yuu wakalena mee kata papyuo kararo dusipa mee ingyuo pelyamo. Yulu koo pinginya anda dupwana kara nao nambana Anatunya anda kambu konandawamedokona karapuli yaka lao suu pilyu.

Samu 84:4

Wambu embena tembole anda palyuo karo piso pingi dupwame embapa rae maipala yuu peparae kenane pyao lakandenge.

Luku 5:33

Dokopa nakamame baa dopa lamaiyami. Jonena disaepole dupwa Parisinya disaepole dupwa opetae yuu lapo nenge naa nao ateŋa lao petenge doko suu pyao akipamo embena disaepole dupwame doko pii napala nengepe waene ipwangepe nao petengese? leyami.

APOSELENA YULU 13:3

Dopa leyamo dokopa nenge naa napala karo ateŋa lao dokopa nakamana kingi nakamba ketae reto elya pyuo pena leyami.

APOSELENA YULU 14:23

Dokopa Elyambu Pingi wakale wakale dupwana nakamba nenge wasaka pyuo ateŋa lao pisipala akali lapo rapu pingi inyuo karena lao rombo palyapa piyambi. Rombo palyapala Kamongo kapa ingingi lao suu pyao mona maiyuo kareyami dokome baa range nakama iso karakaminya lapa piyambi.

APOSELENA YULU 26:7

Namwana rara akalisa ipisu lama dupwame kukwa korakamape Anatu ketae pyambuo kingi lao karo baame pii lalu lao leyamo doko nakama keta palipyali lao suu pyao karaminyi. O Kiŋi, Anatu leyamuli pyuo pira renge dokona suu pyao karo dokona ingyuo Juu wambu dupwa namba kando letaminyi.

1 Timoti 5:5

Enda waiya doko baa mendali range palya nangende ramo doko baame Anatumi mende pyakara lao suu pyao kukwa korakamape yuu peparae kaeya nao ateŋa lao petena.

Orepalaisane 3:12

Anamasi minyarami dupwa Anatunya tembole andana isa pinginya ingili lao karalu karalapa laro. Nakama dopa pyuo kararami dokopa namba Anatunya kingi nakama keta pyao palyaro. Dee Anatunya panda dokona yuu kingi Jerusaleme panda enenge yake panda dulunya rae Anatu baa lupyuo jeramo dokope dee nambana kingi enenge doko alowa pyuo pyao palyuo piru leto.

Orepalaisane 7:15

Dopa pyuo peyamo dokona lao nakama kukwa korakamape yaka lao Anatunya petenge isa dokona repeta karo yulu pyakamaingi petenge andakena piso karenge dokome banya arapunya nakama nyuo palyingi.

1 Samyuele 2:2

Mendali Kamongo poo pyasi dopale ingyuo kara nalyamo. Mendali Kamongo dokopa manda manjo karande daa. Anatu baa namwana konambena mendeke ingyuo karamo dopale ingyuo karande daa.