Luku 12:58 - Anatunya Buku Baepole Ole Testamene Pii Lapo dee Nuu Tesamene

⁵⁸ Akali mendeme emba kando kote lalana leya kande dokopa baame emba jasi akalinya lenge kambu dokona ipyuo lanyuo paramo dokopa jasi dokome emba yanda singi maipala karapusi anda dokona palyasaraŋa lao ene kote lala katasa pao dokopa rolenge kandale.

Luku 12:58 Mawu Ofanana

Samu 32:6

Embena pii mondo laominyingi wambu dupwame yuu gii randa epelyamo dokopa emba kando loma serami ingilyamo. Randa dupwa apunda ingyuo kulimbwanyi peyo epenge dokopa randa epenge dokome nakama nyera ingya nangepya.

Aisaya 55:6

Kamongo baa keta kapu kyuo papala ateŋa lalapape. Dakepa baa nakama repeta epo karamo.

Matyu 18:30

Leyamopa kana range akali baame daa lapala kana ene jepa nara mange dusipana karapusi anda dokona palena leya.

2 Korina 6:2

Anatunya pii letamo doko selapa. Yuu gii keyange pyaka siyamopa nakamana pii siyu. Lete wai pyao nyingi yuu gii dokona nakama nyiso kareyo letamo. Selapa. Epapu dakepa Anatu nyisinya lapenge ingilyamo. Epapu dakepa Anatunya lete wai pyao nyingi yuu gii doko pyaka sepelyamo.

1 Pita 3:19

Baa imambu ingyapala imambu lapo karapusi paleyami dokona lamaiyala peya.

2 Pita 1:15

Dokona ingyuo namba wambo nakamana kata wapwapala enakana kumuo paronopa nambana pii dupwa soo manjo kararami ingilyamo.

Juti 1:3

Nambana puu minyingi angi dupwa, pepa pase dakena Anatumi nyiso lete wai pyao nyiyamo renge doko mana langyuo pyao jelana pipu. Dopa pyuo pipunupape nakama mona minyarambu porainyi pyambuo Anatu kapa ingingi lao suu pingi renge banya wambu joo kaeyamo doko isa paa nana lao renge doko pepa pase dakena pyao jilyu.

Orepalaisane 20:7

Ee kana 1,000 epo paparamo dokopa Satane kata lumbuo yaki nyeramo neta epara.