Luku 11:20 - Anatunya Buku Baepole Ole Testamene Pii Lapo dee Nuu Tesamene

²⁰ Doko Anatunya porainya renge dokome minyapyamopa nambame imambu koo dupwa raka lanyi nembo karenge dokona Anatunya isingi yulu doko nakama keta ipyasa pilyamo.

Luku 11:20 Mawu Ofanana

Ekesetase 8:19

Dokona lao pipu lenge akali dupwame Perao kando yulu dake Anatumi pipyalyamo leyami. Dopa leyaminyipape Perao baa ama porayapala Kamongome leyamuli pyuo baame Mosese Eronepana pii see naya.

Daniele 2:44

Yuu gii kiŋi dusipame iso kararaminyi dokopa Anatu yake panda karenge dokome kiŋi enenge mende rombo palyuo baa mee karalu karena lara. Kiŋi wakale dupwame baa pyao anamasi minya narami. Dopa piramopape baame kiŋi doloma peparae pyao isa palyapala baa mee iso palyuo puu para.

Matyu 12:28

Dopa piraminyipape Anatunya Imambu dokome minyapyamopa imambu koo dupwa raka lanyi nembaro ramo doko Anatunya isingi yulu doko nakama keta ipyasa pipya.

Matyu 3:2

Yake pandana isingi yulu doko repeta pyaka selana pilyamo dokona mona enenge palyuo karalapape lao kareya.

Matyu 4:24

Dokopa yuu Siria dupwana baa dopa pilyamo lao lao raeyamisa wambu anga pyao randa wakale wakale epeyamo dupwape imambu koo soo pyale leya dupwape manda rengeme mandeya dupwape papae rambungi dupwape anga rara wakale wakale piya dupwa peparae baa kareyamo dokona soo epeyaminyipa baame nakama pyuo elya pyuo nyuo kareya.

Luku 10:11

Nakamana anda taone dakena yuu sinjimu dokome nambwana kimbu dokona parepeta sipyamo dokoko nakama kwao karaminyi lao lasaka pyuo pyarendanyi nembakalyambanoŋo. Anatunya isingi yulu doko nakama repeta ipwa doko kame see nalapape, lao lamaipwape.

Luku 10:9

Nakamana anga pingi wambu dupwa pyuo nyepala nakama lamaiyuo, Anatunya isingi yulu doko nakama repeta ipya lyakande, lao lamaipape.

Luku 11:21

Akali porai mendeme yanda walakape minyuo banya anda rapu pyuo karara dokopa banya bange keyange dupwa kapa mee sera.

APOSELENA YULU 20:25

Namba nakamana yuu panda peparaena Anatunya isingi yulu dokona lao papyuo kareyonopa siyami dupwa nambana lenge kambu doko dee kandaraminde daa doko soo karo.

2 Tesalonaika 1:5

Anatunya isingi panda dorena reke lao randa andake nyuo kata wapulyaminyi. Nakama dokona sukusa parami dokopa Anatu rolae pyuo kote lenge doko panara.