Jenesese 6:6 - Anatunya Buku Baepole Ole Testamene Pii Lapo dee Nuu Tesamene

⁶ Dokona baame lao, Namba wambu range wasiyunu yuu dokona kaepala sungwa sungwa pinyi nembaro

Jenesese 6:6 Mawu Ofanana

Jenesese 6:7

Mena wambupi bange kuki panga panga paenge dee yakape wasiyunu dokona kondo karo, leya.

Samu 110:4

Kamongome lao, Purisi akali Melekiseteke pyuo kareyamodoko suu pyao emba purisi dopale mee karalu karare. Baame mee epeepe lao yakane ingyuo leyande daa. Pii lalu lao lao reteya, leya.

Samu 95:10

Ee kana akalisa kisima namba imbu singi nyakayami. Nambame endakalipi yuu peparae kopetame suu pyao karenge, leyo. Nambana nenge rambo lao piso karo pingi doko kamba lao mana nyii nalu nao nayami.

Ekesetase 32:14

Leyamosa Kamongo dokome banya wambu dupwa randa maiyuo pyalana suu piyamo doko alowa pipala pyaa naya.

Aisaya 63:10

Dopa piyamopape nakamame baa kando mata maipala mona randanyi pyambuyami. Dopa piyamisa Kamongo doko nakamana yanda pimwai ingyuo papala nakama yanda piya.

Jeremaya 18:7

Nambame yuu lapo maso yuu liti mende lalyuo kokwa sinyi nembaro laronopa

Jeremaya 26:19

Lapala kiŋi Esakayamoo Juta wambu dupwapeme akali Maeka baa pyao kumaka nayami. Pyao kumakapenge doko suu pyao akali Esekayame Kamongo doko pakapala baame Kamongo rae mairali yulu lapo piya. Dopa piyasa Kamongo dokome nakama keta randa mairu leyamo doko nyuo alowa pipala kaeya. Dokona epapu namwa rangeme randa ama koo andake nyelana minji nanji pilyamano.

Isikiolo 33:11

Namba Kamongo Mupwa Andake Wakasa doko Anatu karalu karene dokome nambame kinyi leto. Akali mende koo pyuo karo kumara ramo doko rae maiyuo kanda naro. Baa koo dupwa yaki nyepala karalu kararamo kandapuli yaka. Isaraele wambu dupwame koo pilyaminyi doko yaki nyuo kaeyalapape. Akipamo nakamba kumalana suu pilyamisi?

Osia 11:8

Isaraele wambu dupwa nambame nakama apa pyuo yaki nyuo kame soo kaeyarose? Yuu taone Atama Sepoimipa pyao kokwa siyunuli pyuo nakama pyarose? Namba nakama mona retapu doko mee ketae ketae reta nange dokona nakama pyaro ingya nalyamo.

Joele 2:13

Nakamana komau doko mee langa kangwa napala nakamana mona anda angi kinyi kinyi kondalapape. Nakamana Kamongo Anatu keta kamba range kapu kyuo ipupwape. Anjiki pipala sakao pyuo nyingi renge doko baa keta simbwaro karenge. Baa waiya lao imbwa napala banya lalu lao lenge pii dupwa mee suu pyaro karalu karenge. Baame yuu peparae koo dupwa kame sepala randa maiya nange.

Jona 3:10

Dokopa Anatumi nakama yulu koo piyaminyi dupwa yaki nyepala keyange pyuo peteyaminyi kandapala nakama randa mairu leyamo doko dee suu pingi alowa pipala kaeya.

Malakae 3:6

Namba Kamongo doko namba dee alowa pii nange. Dokona lao nakama Jekopena wai kiso nyiyamo dupwa peparae nembo otasi kara nalyaminyi.

Nambase 23:19

Anatu doko baa akali kyambo lenge dopakale daa. Isa akalinya suu pingi alowa pyuo lenge. Anatu baa dopakale daa. Aki yulu mende baame piru lao lalu lao lenge doko baa angi pingi. Baame piru lapala dokopa angi pingi.

Orome 11:29

Dokona lao Anatumi banya rombo palyuo elyape keta pisiyamo dupwa pipya reke lao banya suu pingi alowa pii nange.

Epesasa 4:30

Anatunya Imambu Poo Pyasi lekeleke koo rena lao pii nalapape. Anatumi yuu gii lumwa piramo dokopa nakama kiiramo nyeronya lao kongwalu palyuo Imambu Poo Pyasi maralyinyi pyambuya.

Dutaronome 32:29

Yanda pimwai dupwame nakama akipamo anamasi minyiyamipi lao soo nyii nalyaminyi. Apa pyuo piyape lao soo gisa nalyaminyi.

Dutaronome 32:36

Kamongo banya wambu dupwa rale male lapala poraiyapa naramo kararaminyi dokopa koo dupwa neta rekya lanyi nembo nyera. Banya yulu pingi dupwa iki ingyuo saka nao karelyaminyi kandapala dokopa sakame kumuo nyisara.

Ipuru 3:10

Dopa pyuo peyaminyi dokome namba imbu singi nyakayami. Nambame enda akalipi yuu peparae kopetame suu pyao karenge leyo. Nambame nenge rambo lao piso karo pingi doko mana nyii nalu nao nayami.

Ipuru 3:17

Apimoo kando ee kana 40 dusipana Anatumi imbu singi neta nyiyase? Wambu yulu koo pipala yuu muiyane dokona kumuyami dupwako kando imbu singi nyiya.

Jemesa 1:17

Bange ama keyange yapasi namwa keta epenge dupwa yake panda dokonako piso epenge. Yakena neta kanape rao karamo dupwana Rakane baameoko keyange dupwa joo karenge. Baame yuu peparae mee yanga paupau lao karo neta kapu kyepala anda pao dokopa yuu kone pupuripi pingi dopale ingyuope alowa pii nange.

1 Samyuele 15:11

Namba wama yako. Nambame Sole kiŋi wasiyu kande doko baame nambana mawa pii dupwa kamba lao namba mata joo pelyamo, leya. Dopa leyamo dokopa Samyuele imbwuapala yuu peparae kukwa baa Kamongo Anatu lao piso sokondali pyuo loma poraiyuo siya.

1 Samyuele 15:29

Isaraele wambu dupwana Anatu Mupwa Wakasa dokome kyambo laa nange. Suu pingi doko alowa pii nange. Baa mee akali daa, leya.

1 Samyuele 15:35

Samyuele baa kareyamo dupwa pipya kiŋi doko kanda naya. Dopa pipala baa mona rando kondo kareya. Kareyamo dokopa Kamongo Anatumi Isaraele wambu dupwana kiŋi Sole rombo palyiya dokona kondo kareya.