Jenesese 43:3 - Anatunya Buku Baepole Ole Testamene Pii Lapo dee Nuu Tesamene

³ Jutame isingi lao, Akali dokome yangonge wane baa lanyuo eparimi lao kaeyapya. Doko role pyao epa narami ramo namwana lenge kambu dee kanda naro leyaŋa, leya.

Jenesese 43:3 Mawu Ofanana

Jenesese 43:2

Jekopena ree palu dupwa nenge Isipi rae ropo pyasi dusipa neyaminyioteyasa Jekopeme dee lama ropo pyala paipunya leya.

Jenesese 43:4

Embame wane Benjamene lanyuo pupwa lare ramo doko nenge ropo pyakala parama, leya.

Jenesese 43:5

Wane daa lare ramo doko paa narama. Akali dokome lao, Yangonge wane doko lanyuo epa narami dokopa namba karo dakena dee epa narami, leya lyakande, leya.

Jenesese 44:23

Dokopa embame lao, Nakamana yangone wane doko lanyuo epa narami ramo doko dee nenge nyela epa narami, lee.

2 Samyuele 14:24

Dokopa kiŋi dokome Epesalome baa kiŋinya anda dokona pali nara lao lalu lao leya. Lapala lao, Baame Epesalome kanda naro daa, leya. Dokona Epesalome baa rangena anda palu karapala kiŋi peteya dokona epo maro laope pii naya.

2 Samyuele 14:28

Epesalome baa kiŋi doko kanda nao ee kana lama Jerusaleme palyuo kareya.

2 Samyuele 14:32

Epesalome isingi lao, Doo pimi renge doko nambame emba nyela pena lapu doko emba epa napi dokona pimi, leya. Lapala lao, Nambame emba kiŋi doko petamo dokona papala piso sakao, Namba akipamo yuu Gesa doko yaki nyuo dae epeyose? Namba doo kareyoli doko keyange ingyapyali lapya lakapili lao suu piyu. Lapala deeko lao, Namba kiŋi doko kandala pare lao embame kiŋi dokome yuu gii mende jinya lao piso sakape. Dokopa namba keta koo mende palira ramo doko kiŋi dokome namba pyao kumakana, leya.

APOSELENA YULU 20:25

Namba nakamana yuu panda peparaena Anatunya isingi yulu dokona lao papyuo kareyonopa siyami dupwa nambana lenge kambu doko dee kandaraminde daa doko soo karo.

APOSELENA YULU 20:38

Dopa pyuo karo baame, Nambana lenge kambu dee kanda naramilyamo leya. Dopa leyamo dokona nakama kondome kumuyami. Dokopa nakama baa sipu dokona lanyuo peyami.

APOSELENA YULU 7:34

Lapala, Kinyi, nambana wambu dupwa yuu Isipi dokona lekeleke rao karena lao pyuo karaminyipa ee lao yasoko nao karaminyi doko kando sepala nakama nyisalana epelyo. Dakepa emba yuu Isipi dokona puu lalana epano leya.