Jenesese 41:34 - Anatunya Buku Baepole Ole Testamene Pii Lapo dee Nuu Tesamene

³⁴ Dee dopako pyuo akali lapo rombo palyapala yuu Isipi dokona kyawa nyuo iso karo ee kana yanda ipingi nenge kakana paramopa wambumi nenge manjo nyeraminyi dokona nyuu kingipaki pirami dupwana mendaki larapu nyuo nenge retenge anda reto karena lapenge.

Jenesese 41:34 Mawu Ofanana

Jenesese 41:33

Dokona lao embame akali angi mona palenge singi mende koto nyepala yuu Isipi panda peparae iso karena lapenge.

Jenesese 41:35

Nakama ee kana nenge kakana paramo gii dupwana Perao embena kingi lao yuu taone dupwana nenge nyuo malu palyuo rapu pyuo kararami.

Jenesese 47:24

Ee manjaraminyi dokopa nyuu kingi paki ramo dokona mendaki Perao maipala lapo dupwa enda wanepe maiyuo nao waingi wara pyuo pirami, leya.

Jenesese 47:26

Dokopa Josepeme Isipi dokona lowa palyuo lao, Nyuu kingi paki manjipala dokopa mendaki Perao maipa pirami, leyamo alowa dopale epapu Isipi dokona mee palyuoko pelyaminyi. Purisinya yuu dupwa iki Perao keta see naya.

Jopo 5:20

Lopo singi dokopa emba nenge joo karenge. Yanda sipurelyamo dokopa emba pyaa nana lao kyawa minyuo karenge.

Samu 33:19

Baame kumarami dokona kyawa minyuo karo lopo singi dokopa reto karo pingi.

Poropepe 22:3

Akali poraiyuo suu pingi dokome randa epelyamo dupwa kandapala wanjinyi nembo karelyaminyipa kopyali dupwa kyawame suu lao karapala enakana randa nyingi.

Luku 16:5

Lao suu pyapala wambu banya kamongo bange mairamili dupwa mendaki mendaki lao epena leya. Lapala wambo epeyamo doko lamaiyuo, Nambana kamongo doko bange akipare yano pyakamairi ingilyase? leya.